هام جدا لبنات المنتدى نظرا لحالات الاختطاف فى ظل الظروف الحاليه هام جدا جدا جدا

نظرا لتعدد حالات الاختطاف وفى ظل الظروف الحاليه يرجى عمل الاتى:

1-متركبيش تاكسى لوحدك ابدا ولا الصبح ولا بليل لاى ظرف

2-المكروباصات متركبهاش وتكون فاضيه او كلها رجاله لان حصل اختطاف من مكروباصات وكانت

ماشيه فالخط لكن الركاب كانو تبع السواق

3-متمشيش لوحدك فالشوارع الجانبيه سواء الصبح او بليل..وطبعا الشوارع الخاليه من الماره ابعدى

عنها تماماااااا

4-رجاء رجاء رجاء مش هقولك عشان خاطر ربنا بس هقولك عشان خاطر نفسك انتى مش حد تانى

اتخلى شويه عن اللبس الضيق واى حاجه تظهر او تبرز حاجه من جسمك...معلش استحملى

شويه وتعالى على نفسك الفتره دى

5-البنات اللى بتروح دروس او كورسات بليل حصل حالات اختطاف من هناك ياريت لو ابتدائى او

اعدادى او حتى ثانوى حد يوصلها ويروح معاها من اهل بيتها

6-حاجه مهمه جدااا بقى لازم تتعمل..لازم كل واحده تكون حاطه معاها حاجه فشنطتها حمايه ليها

(صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى

ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه

تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت

الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فالشنطه)

وتكونى مستعده فاى وقت وفاى لحظه ومتخافيش محدش هيفتشك ولا هيقولك افتحى شنطتك

7-بالنسبه للتاكسيات تانى متركبيش مع تاكسى ويكون فيه واحده راكبه معاه لانها فالغالب بتكون

تبعه
8-الناس اللى بتسافر سواء رجاله او ستات بقى حصل ان بيلاقو عالطريق حد مرمى قدامهم فبينزلو

يشوفوه وفجاه يتلاقو ناس طلعت من الجنب ياريت تخلى بالكو كويس اوى

9-اخيرا طبعا النصايح العاديه محدش يقولك شيلى دى او ساعدينى فدى او تعالى

امسكيلى حاجه الخ الخ الخ

10 وياريت متفتحيش الباب لحد وانتى لوحدك فى البيت او حتى معاكى حد

خلى راجل هو الى فتح الباب

اسالى مين قبل ما تفتحى وياريت تبصى من العين السحريه بتاعت باب الشقه

واقفلى على نفسك باب الشقه بالمفتاح كويس منعا لاى حاجه ممكن تحصل كده ولا كده

ربنا يحميكو يارب ويحفظكو من اى شر واى سوء

واللى عنده اى نصيحه تانيه ياريت تقولوها

ممكن يكون الموضوع مش جديد بس يا ريت يتثبت علشان الكل ياخد بالو يا رب يحمى كل البنات

هام جدا لبنات المنتدى نظرا لحالات الاختطاف فى ظل الظروف الحاليه هام جدا جدا جدا Sigpic309943_3

هام جدا لبنات المنتدى نظرا لحالات الاختطاف فى ظل الظروف الحاليه هام جدا جدا جدا Sigpic309943_3

تسلمى ايديكى سمورتى

فعلا الدنيا معدش فيها امان

ربنا يسترها وجزاكى الله كل الخير

شكرا سمورتى على الموضوع القيم ده

تسلمى يا احلى شاهى على المرووووور يا غاليه

عندك حق يا سموره والله ربنا يسترها علينا وعلى بلدنا وربنا يعدى الايام الجايه دى على خير

فى حاجه كمان ياريت اللى لباس دهب ميلسوش دلوقتى يشيلو فى البيت احسن

تسلمى هوبتى يا قمرايه على المرووووووووووور

وعندك حق انا قلعت دهبى من اسبوع علشان الى بيحصل ده

ممكن الواحده لو لبسه دهب الواحد ممكن يخطفها

والله عندك ياسمورتى ربنا يستر على بناتنا انا عندى اسكندرية مقلوبة مش عارفين ننزل والبلطجية

بيتهجمو على البيوت والقاعات والله ربنا يستر تسلمى ياسمورتى على التوبك المفيد دة

تسلم ايديكى سمورة وربنا يستر على الجميع يا رب

ربنا يحميكو يارب ويحفظكو من اى شر واى سوء

تسلم ايدك سموره على النصايح وربنا يستر

ربنا يستر على بناتنا يارب ويحفظهم من الكلاب المسعورة الموجودة

فى شوارعنا بجد مفيش امان حاليا انا عن نفسى نسيت شكل الشارع

بسبب حالات الاختطاف والتحرش الموجودين حاليا فى شوراعنا

تسلمى ياحلى سمرمر على النصائح الرائعة مثلك

تسلمى رنونتى يا قمرايه على المروووووووووووور

تسلمى يا اغلى رانوووووووووووش فى الدنيا على المرووووووووووووووووووور

تسلمى منوله على المرور يا غاليه

تسمى منوشتى يا قمرايه انتى على المرور وربنا يحفظنا جميعا يا احلى بنات

تسلم ايديكى سمورتى وربنا بحفظ كل البنات

واحلى تقييم عالتوبيك القيم ده