..... حاله ظلم .....

ما خلاص ضاق بيا الحال

وتعبت أنا والله يا خال

وخلاص قررت أرتاح

وأقطع شرياني في الحال

واعذرني بجد يا خال

م الظلم أنا شلت جبال

أحمال من فوق أحمال

والحال بقا غير الحال

تعبان مش لاقي طبيب

ولا عدو ولا حتي حبيب

وفي بلدي كأني غريب

بتهان وبشكل عجيب

الاسم مجند جيش

والفعل أخدم في شاويش

الاسم أخدم في بلادي

والفعل في طفل بدادي

م المدرسة أخده علي النادي

يختي اسم الله جميل أوي هااااااااااااااااااااااااااادي

الاسم واقف متسلح

وبدال الخزنة اتنين

ده سلاح متكهن يابا

ولا عارف جي منين

ده سلاح حسسني بخوف

وان جالي واحد وبمطوة

يدبحني كأني خروف

والاسم واقف متسلح

ومعايا قال سونكي ودبشة

وفي ناس قاعده في مكاتبها

الهبشة وراها الهبشة

تدريب طوابير إدارات

عريف ماشي بإشارات

في طابور نعمل حركات

معتادة تنظيم وثبات

أحرار لكن مساجين

شلنا الهم وساكتين

سجنونا بإسم قانون

ظالم غادر ملعون

قال حسنه دي فيه بتخص

والسيئه ع الكل تعم

حد يفهمني إيه ذنبي

يتسبلي أب وأم

علشان واحد مش همه

ألقا أنا نفسي بقا في هم

وده هم ما يوم يتلم

عاقل لكن هتجن

وخلاص ضاق بيا الحال

من تعبي زهقت يا خال

وخلاص هرتاح وهريح

وأقطع شرياني في الحال

حد يفهمني إيه ذنبي

ـــــــــــــــــــــــ

ذنبك انك عربي يا حسام!!!

لكن لا تخاف يا حسام ربنا موجود في كل الاحوال

لا تفرق معه المناصب

اعجبت كثيرا بعباراتك الموجعة المعاشة

في انتظار جديدها تقبل مني أجمل تحية

شكرا ليكي علي مروروك وردودك ورده انتي كمان ماشاء الله عليكي في تألق دايم في كل فروع المنتدي

من شعر لسياسه لسياحه لفن منورانا دايما

ازيك يا حسحس وايه اخبار الجيش وخلصته ولا لسه

بس احلى حاجة فى الجيش دا ان عمله مفعوله معاك وبتمتعنا بكلامك الحلو دا

بجد تحفة يا حسام ومنتظرة جديدك