تهمة شووووووف

حبّار الشعر / مؤمن مجدى

| تُهمة شُوف |

عيون بالْدَّمع تتكَحَّل
و منها الْضَّىّ مِترَحَّل
بـ تُهمِة شوف
و سهم الهَمِّ طار نحوى
و عافية كابوسى زار صَحوى
فـَ ساد الخوف
و اتوه مَعرف طريق ليّا
" ما بين قلبى و عقلى جَدَل "
فـِ مين لو ساد على رُوحى
هلاقىِ ميزان حياتى عَدَل
و أنا خايف لـَ افوت واحِد
و اطوف مـَ القىَ لُه أىّ بَدَل
و شئ منّى معاكِسنى
معدشى معايا يتوافِق
يقول عقلى نسلِّكها
" هـَنضحك لُه و هنّافِق ! "
دا قلب ورا الْشُّعور دُغرى
نجيب لُه احساس يكون مُغرى
و نلعبها بـ ذكائنا عليه
نغنِّى لُه الكلام أشعار
و لو حَكَمِت كمان نواسيه
سطور أبجد مخبِّيها
فى دَفتر ليه
, نفتِّشها
مشاعرُه ان جات فـ يوم تزعل
, نفرفِشها
و هنعيشها
على الحِسابات
بَدَل إحساس بيجى ساعات
فـَ تِسمَع لى
بَدَل ما تروح و تِرجَع لى
كيان مجروح و عايش
فـِ الْشِّروق غارِب
موارِب الباب و مش قافِلُه
دا كام عاشق هواه غافِلُه
و مستنظَر يجيه ساكِن
و قلبى يقول لى ميت لَكنِ
" تقول أبيض ليه عـَ الْدَّاكِن ؟ "
" و ليه ساكن حوارى البال؟ "
مفيش إحساس , فقير يا خيال
مِعيِّش رُوحَك الْتِّرحال
ما بين أحوال كتير جدَّا
ساعات تُكفُر ساعات تدَّن
ساعات جدَّا بــتِحتاج لَك
و لـ أجلَك كُنت أنا موجود
عليك ياما بـ مشاعرى بـ اجود
و احسّ لـِ قصّتَك بالعَطْف
ساعات تقسىَ و اخاف منَّك
كـَ خوف الوردة ساعِة قَطْف
ساعات متاهات
ساعات مسافات
ساعات و سُكات فـِ لحن غُناك
ساعات مسروقة مِـ الْصُّحبَة
ساعات صاخبة فـِ جَدَل جوّاك !
----------

وكمان مواضيع جديدة ياااااااااااااه فكرتينا بالذى مضى ههههههههههههههه

ياااااااااااه انتي لسة عايشة ههههههههههههههه

اة ياختى عايشة انتم الا عاش من شفكم

» نجوى كرم تبرئ الأستاذ سام من تهمة تعديه عليها
» كريم كامل بريء من تهمة انه شاذ جنسيا!!بالصور...
» توجيه تهمة الإبادة الجماعية للرئيس السوداني عمر البشير
» التعاقد مع جوزيه من اجل الوصول للعالمية يبرأ الاهلي من تهمة اهدار المال العام