أولا: الولد بيحب البنت الرئيئة>>الرقيقه
يعني أول ما تشوفى حاجه وحشة بسرعى يغمى عليكي طبعا ده من كتر الرئه>>الرقه
عيطى كتير .. العياط دليل على الاحساس المرهف وانتي لازم تبيني بصورة المرهفه الحساسه
ثانيا الولد بيحب البنت الرومانسية
سبلي لييه عينيكيي
اسرحى كتيير
كلميه عن القمر و حاجات من دى
لازم تكونى هيمانه و انتى بتتكلمى صوتك واطى .. وشوشيلووو وشوشه وشوشه
ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متقوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
دى كلها اشاعات ده هما اللى كانوا معجبين بيا لكن انا ولا سألت فيهم كلهم حتى اسأل رانيا صاحبتي
طبعاَ لازم تضبطيلك رانيا صاحبتك وتحفظيها كلام
رابعا : الولد بيحب البنت الستايل
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك زي دي اللي بقناة دريم بتاعت الستايل ماعندهاش الا كلمه وحده (سموكن آآيز) ياشيخه انكتميي ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .
خامسا :الولد بيحب البنت الدلوعة
ادلعى ياختى انت و هيه . ما تبقوش زكر يعني اعملو زي بنات الكويت الايام دوول بغيرو الكلمات
زي الاتي ...
والله==ولااااااااااااه
صج==سج
ظروسي==دروسي
اتدلعي بئه وخلاااااااااااص
سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكي حتى لو محدش بيطل في وشك
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم؟؟؟وانتي اصلا لو واحد يرمي عليكي كلمه تحلمي بيه اسبوعين اه اه عرفاكووو
.
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .
سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه . ولا كأنه عنتر زمانه
ثامنا : اتمحكى معاه ( الزقي فيه )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل
اكبسى عليه مع السكرتيره .
تاسعا: ألفيلك مواهب
اعملي نفسك شاعره اسرقي من المجلات ومن النت اشعار والزقي اسمووه فيها وقولي ماعرفش مالي ياحبيبي بسهر طول الليل واكتبلك اشعار واتغزل بيييك
عاشرا: رغم حبك الشديد للحريه والانطلاق والقز
قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن
مش عايزه اخرج ولا بحب اشوف ناس غيرك بخرج بس عشان اشوفك يا حبيبيي
النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتطوليش الموضوع ليطير منك .
لو الولد ما سألش فيك و لا عبرك . اعرفي ان ده فيه نقص خلقي لان بعد كل دي الخطوات مستحيل ماياتأثرش .
ملحوظة : كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط يعنى .. و ربنا يوفقكوو
منقول
الثلاثاء 24 أغسطس 2010 - 23:03
