هَـذَيـَان - للكاتب عمر طاهر

مات رجل وذهب إلي الجنة والتقي بملاك وسأله: لماذا خلق الله المرأة جميلة؟ فقال له «علشان تعجبك»، فسأله ولماذا خلقها ساذجة؟ فقال له «علشان ترضي تحب واحد زيك

!**الرجل الذي تقع منه ساعة يده في التواليت سيقضي وقتا زي الخـ

بينما الغضب هو خطأ تقني يجعل لسانك أسرع من تفكيرك

وإذا كان الطائر اللي بيصحي بدري هو اللي بيلحق الدود قبل غيره سنجد أن الفار اللي بيصحي متأخر هو اللي بيعرف المصيدة محطوطة فين

ولذلك أنا مش عايز أحب تاني لأن كل مرة بأحب فيها الحب مابيخلصش

بس ده مايمنعش إن الجون بيجيبه لعيب بس البطولة بيجيبها فريق

وعشان كده باسأل ليه بيحطوا تحت الكراسي في الطيارات عوامات مش براشوتات؟

لأنه بصراحة من كتر الحاجات اللي الواحد قراها عن أخطار التدخين بطلت قراية

لو ماكانوش اخترعوا الكهربا كان زمانَّا دلوقتي بنتفرج علي التليفزيون علي أضواء الشموع!

بالمناسبة ليه بندفع معونة الشتا في الصيف؟

طيب لو واحد محكوم عليه بالإعدام وقبل الإعدام بنص ساعة شنق نفسه بمعرفته.. هل يعتبر مات منتحراً؟

طيبب إيه اللي المفروض يعمله الواحد علشان لما يتقتل يتقال اغتالوه بدل لقي مصرعه

الحديدة اللي في آخر رباط الجزمة اسمها إيه؟

طيب ليه الفقر لازم يكون «مدقع» والثراء لازم يكون «فاحش» والتمثيل لازم يكون «مشرف» والظلام لازم يكون «دامس»؟

وإيه المشكلة لما يختلط الحابل بالنابل؟

وإذا كان اللي مايقدرش يشوف أعمي واللي مايقدرش يتكلم أخرس واللي مايقدرش يسمع أطرش طيب اللي ما يقدرش يشم إيه؟

وليه الناس فاكرة الموت مابيجيش غير للناس البعيدة بس؟

طيب التحرش محتاج كام واحد علي الأقل علشان يبقي «جماعي»؟

طيب هل ممكن صناعة الجبنة من لبن المرضعات؟

وإذا كانت راقصة الباليه «باليرينا» طيب ما هو اسم راقص الباليه؟

طيب الحمار الوحشي أبيض متخطط بأسود ولا أسود متخطط بأبيض؟

وليه الناس بتفرح إنها اشترت عربية جديدة فيها عداد سرعة لحد 220 كيلومتراً بينما أقصي سرعة مسموح بها في أي حتة في مصر 100كيلو بس؟

طيب إذا كان الشخص «المازوخي» بيتمتع بتعذيب نفسه هل لومنعته من تعذيب نفسه يبقي كده هيتعذب أكتر؟

طيب هل هييجي يوم نندم فيه علي كميات الملح اللي رشيناها علي العرسان في الزفة؟

وإذا افترضنا إن الناموس بيخاف من عربية الناموس زي ما بنخاف من عربية الدورية الراكبة هل الناموس بيرمي المخدرات اللي معاه لو شاف عربية الناموس جاية عليه؟

طيب إزاي بتصدق إن فيه ملايين النجوم في السما وإنت عمرك ما عديتها بينما لو حد قالك فيه بقعة علي هدومك مابتصدقش غير لما تشوفها بنفسك؟

وليه بطوط بيخرج من تحت الدش وهو لافف نفسه بفوطة بينما في المشاهد العادية مابيبقاش لابس أندروير أصلا؟

طيب إذا كانت الكلا ب بتتضايق لما حد ينفخ في وشها شوية هوا ..ليه لما بيركبوا العربية بيطلعوا دماغهم من الشباك؟

طيب إزاي الواحد ممكن يعرف إن إزازة الحبر السري فضيت؟

طيب هل عدَّاد تاكسي العاصمة بيفضل شغال والتاكسي راجع بضهره؟

طيب إزاي الشخص المُتفتّح مابتقعش منه أعضاؤه الداخلية وهو ماشي؟

طيب لو حاولت تسقط في الأمتحان لأي سبب ولقيت نفسك ناجح في آخر السنة هل هتعتبر نفسك نجحت ولا فشلت؟

،طيب هل هي صدفة إن اليوم يبقي فيه «أربعة وعشرين ساعة» والكرتونة فيها أربعة وعشرين بيضة

وهل الأشخاص النباتيين بيشربوا نسكافيه منزوع الكافيين؟

طيب هل تري نزيلات سجن النساء في مأمور السجن صورة فتي أحلامهن؟

طيب ليه الواحد شاف كل أطفال الحيوانات ماعدا أطفال الحمام؟

طيب الصوت اللي بيفكر وبيتكلم في دماغك لو سمعته في أي حتة تانية هتقدر تتعرف عليه؟

Admin عدد الرسائل : 8186 تاريخ التسجيل : 04/11/2008

ههههههههههههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههه

هههههههههههههههههههههههههههههه

ههههههههههههههههههههه

هههههههههههه

هههه

كل جمله ملحقش اخلص الضحك عليها الاقيني بضحك علي اللي بعديها

يا مضحكانا يا نهول دايمآ ربنا يخليكي لينا

ههههههههههههههه

هههههههههههههههههههههه حلوة يانهولتى جامدة