تعالوا نتكلم جد شوية !!!

تعالوا نتكلم جد شوية

أنا حاسه أنه من العنوان مفيش حد هيدخل التوبك هههههههههههههه

على العموم اللى هيدخل مش هيخسر حاجه وهيفيد وهيستفيد .

أنا فكرت اعمل توبك نقيم فيه الثورة لكن تراجعت لأنه لسه بدرى على

تقييمها ولو قيمناها فى الوقت الحالى ممكن يكون التقييم سلبى

ومش هيكون فى صالح الثورة ويضر بها ويعوق مسيرتها .

بس ده لا يمنع من أننا نتتناقش ونقيم أحداث ومواقف حدثت أثناء الثورة

أنا عندى اقتراح يارب نستفيد منه كلنا :

ايه رأيكم لو كل واحد فينا عنده سؤال محيره بخصوص الثورة

أو محتار بين إجابات كثيرة نكتبها هنا

والعضو اللى يلاقى نفسه عنده إجابة للإستفسار

أو عنده إجابة ثانيه يتفضل يكتبها هنا وبكده هنسمع كل الآراء

والله لو كلنا اتعاملنا مع الموضوع بجديه

كلنا هنستفيد واللى مش عارف هيعرف

واللى مش فاهم هيفهم ويمكن نقدر نعرف البلد رايحة على فين .

أنا هبتدى بسؤال يخص الرئيس المخلوع وهو :

لماذا تمسك الرئيس وعائلته بالبقاء فى مصر ولم يهربوا

كما هرب رئيس تونس بعد الثورة ؟؟؟

هناك ثلاثة احتمالات فكرت فيهم واللى عنده احتمالات ثانيه يقولها :

الاحتمال الاول :

ممكن تكون أخذته الجلاله ولم يكن لديه أدنى توقع بما حدث بعد الثورة

لاستخفافه بالشعب المصرى .

الاحتمال الثانى :

وممكن يكون كان عنده توقع بما سيحدث وقام بعمل اتفاق مع القوات

المسلحة على تسوية الأمر بعد هدوء الشعب بما لا يلوث تاريخه .

حاجه تجنن بجد ايه اللى يخلى واحد مين ما يكون أنه يبقى فى مكان

وهو عارف أنه هيكون مصيره السجن ولا يفكر فى الهرب ولو لحظه

واحدة بل يصر على البقاء متحديا كل التوقعات بهروبه .

مع العلم أنه كان مريضا أو (مدعيا المرض) وكلنا طبعا عارفين

أنه كان فى الماضى لما كان بيجيله دور برد كان بيسافر على طول

للخارج للعلاج .

الاحتمال الثالث :

الاحتمال ده هيكون على هيئه سؤال ليكم وهو :

لو طلعت علينا القوات المسلحة وقالت أن الرئيس مش هو الرئيس !!!

هيكون رد فعلك ايه ؟؟؟؟؟؟

كلكم هتقولوا ايه الجنان ده بس تعالوا نتخيل

ونضحك شويه مش هنقضيها جد طول التوبك .

فاكرين طبعا مسرحيه الزعيم لو اتعاد السيناريو ده مرة تانى

وقالولنا أنه مش ده الرئيس وأنه تقليد

وأن الرئيس مات من سنين !!

تخيلوا بقى عايزة بقى أشوف ابداعكم فى التخيل .

Admin عدد الرسائل : 8186 تاريخ التسجيل : 04/11/2008

انا بقول الاجابه الثانيه اقرب للصحه

الرئيس خرج من الحكم علي وعد من المجلس العسكري بألا يتعرض له احد

وهذا هو ما تم حتي الآن وحتي هذه اللحظه

ماما سوزان خدو منها علي حد كلامهم اربعه وعشرين مليون جنيه و خلاص خلص الموضوع

مع انه مثبت رسميآ انها مذنبه بفتح حساب خاص بها وكان به مبلغ 134 مليون دولار مش جنيه

جمعتها تبرعات لحساب مكتبه الاسكندريه وكان صاحب التوقيع والتصرف في الاموال بابا حسني

وسلمت المكتبه لأدارتها بدون ان يتم علمهم بهذا الحساب منذ عام 1990

هذه واقعه واحده مثبته تمامآ وتوجب محاكمتها

بابا حسني حتي الآن لم يره احد في مستشفي او فيلا او قصر منذ آخر خطاب له

ويعلم الله اين هوا وكيف حاله

جمال و علاء كلها شويه شهور و حيخرجوا من السجن لعدم ثبوت ادله بأدانتهم ويمكن

كل واحد يخرج منهم بكفاله الف جنيه

او بضمان محل اقامته

او بضمان بطاقته الشخصيه

لو كان العدلى موجود كان طلع علينا وقال معلش يا جماعه الريس طلع مختل عقليا شكرا على التوبك

مشكورة موجة الغالية لموضوعك الغاية فى الجدية والذى يستحق أكثر من التقييم ..

فى خضم موضوعات كثيرة تدعونى لمشاهدة صورة خطيبة فلان .. أو صورة سيارة عِلّان ..

وبالنسبة لسؤالك .. متهيألى الإجابة هى اللعب على وتر عواطف المصريين وطيبتهم .. وإنهم بكرة هاينسوا ..

بس إذا كانت حسبته كدة .. يبقى كدة هو ساقط فى الحساب .. زى ما سقط فى التاريخ ..
ودى كانت آخر فرصة .. ووجب فصله لاستنفاذ عدد مرات الرسوب ..

شكراً لكِ موجة وأجمل تقييم ..

فعلا يارامى انا بردو حاسه انه الاحتمال الثثانى هو الاقرب

بس صراحه مش عايز اصدق لانه قمة الغبياء

انهم يفكروا ان المصريين ممكن يسكتوا على حق ليهم بعد اليوم

وان كان المصريين ساكتين فى الوقت فده عشان مصلحة البلد الى ان يحدث الاستقرار

بقدوم رئيس جديد يحكم البلد ونرى ماذا سيفعل ؟؟

هل سيقوم بتنظيف وسخ الماضى ومحاكمة الفاسدين ؟؟

أم سنضم لقافلة مبارك واعوانه ؟؟ وقتها سيكون هناك رأيى اخر للمصريين وستكون الثورة مدوية

ولن يرحم الشعب المصرى احدا ضر البلد ليوم واحد فما بالكم من اضروها بالسنين !!

شكرا رامى لمشاركتك وتفاعلك مع الثوبك

هههههههههههههههههههههههههههههههههه

مستبعدهاش ياميرة والله بس مش لدرجه بردو

هههههههههههههههههههههههههههههههههههههه

هو فيه حد بيطلع على نفسه انه مختل حتى لو هو فعلا كده

مشكورة اميرة على مرورك

معاك حق عمو منعم فى موضوع التوبكات ومع ذلك حضرتك مش مقصر

وبسم الله مع شاء القسم السياسى من أفضل الأقسام عندنا ومواضيعك بجد قيمة

وبالنسبة لطيبة المصريين وعواطفهم فخلاص المصريين فاقوا وعرفوا مين معاهم ومين عليهم

والمصرى لما حد بيتوجهله اساءة او غلط مش بيسيبه الا لما ياخد بطاره اى حقه

فينسسسسسسوا النقطة دى لانها بقت مش بتاكل معانا

والدليل اشاعات كل يوم عن تدهور حالة مبارك واصابته بالسرطان وخلافه

فى محاوله لكسب تعاطف الشعب ولكننا فهمنا اللعبة ولا جدوى مما يفعلوه ومن شائعاتهم

شكرا عمو منعم للرد وعلى التقييم ايضا