هل شخصيتك في الحقيقه مثل شخصيتك في المنتدى؟

هل شخصيتك في الحقيقه مثل شخصيتك في المنتدى؟

--------------------------------------------------------------------------------

اليكم الموضوع,,هل الشخصية التي تظهر بها بالمنتدى أمام الجميــع هي شخصيتك في الواقع..؟؟
هـذا السؤال يحتاج لإجابته الشجاعه والجرأة للإجابة عليـــه
هل بالحقيقه شخصيتنا خالية من العيوب كما نظهرها في عالم الأنترنـــت
أو أنها مجرد تمثيـــل أمام الجميــع لكســب المحبة والموده والمناصب العليا بالمنتديات

عندي بعض الأسئله وأتمنى من يرد على موضوعي هذا أن يرد على الأسئله
اتمنى الاجابة بصراحه

1-بنسبه كم بالمئه تمثل الشخصيه الحقيقيه بالمنتــدى.؟؟
2- هل تأثرت بشخصيتك بالمنتدى.؟
3- ماذا قدمت لك شخصيتك بالمنتــدى..؟
4 - هل أثرت شخصيه المنتــدى في سلوككـ العام..؟
5- وهل هنالك شخصيه عضو معين أثرت فيــك؟
6- ما هي الأسباب الحقيقه في أختلاف شخصيتك في المنتدى عن شخصيتك بالحقيقه..؟

زي ماأتفقنا الإجابه بصراحه

اولا هو موضوع جميل بص بصى حنون على هتكلم على نفسى اكيد لما تتعرفى على ناس

جديد فى اى مجال فى حباتك بتحبى تظهرى شخصيتك القويه الجميله اللى جوه اى انسان

مننا بس الباقى مع مرور الوقت هتطلع شخصيت كل واحد فى المنتدى هى دى غصب عنه

لان الانسان بيتحكم فى حاجات فى شخصيته وفى حاجات لاء

بصى انا يمكن حابه اتعرف على اصدقاء ويكون ليا اخوات بجد فا انا هرد عليكى علشان بحب

الاسئله دى يا بت يا حنون بس الموضوع مش كسب منصاب ولا اى حاجه انتى بتحبى تظهرى

الحاجه الحلوه اللى فى شخصيتك اى شخص كده

1/ بنسبه 75 % تقريبا

2/ فى طريق انى اتأثر لانى انا عصبيه شويه يعنى

3/ ربنا يخليها ليا شخصيتى فى المنتدى قدمتلى كتير يمكن التحدى

4/ مش كتير يعنى

5/ كتييييييييييييير كتير أثرو فيا والله وحبتكم كلكم

6/ زى ما قولت فى الاول مش اختلاف بمعنى اختلاف هو اظهار شخصيتك الموجوده فى الانسان

اصلا بس هى الظروف ياجماعه اللى بتغير الانسان

حنون خلتينى ارغى كتير بس انا مش كده على فكره

هل شخصيتك في الحقيقه مثل شخصيتك في المنتدى؟ 128390668314826752

هل شخصيتك في الحقيقه مثل شخصيتك في المنتدى؟ 128390668314826752

مــــــوغـــــ بوسي ــــــــــــــــــــــــــا

لا أرى أي اختلاف في شخصيتي في المنتدى والحقيقة

ولم تتأثر شخصيتي بأي شخص هنا بالمنتدى

أعجبت ببعض الشخصيات نعم لكن مهما اعجبنا بالشخص

يجب الحذر لأن المنتدى لا يكشف كل جوانب الشخصية

بعضها تبقى مخفية والخوف مما خفي أن يقلب كل الموازين

شكرا على الموضوع

اولا : شخصيتى هى هى فى الشات مفيش تغير

با لنسبه للاسئله :

ا- 95% من شخصيتى

2- اه كتير

3- اه المنتدى عارفنى على شخصيات جميله و على معلومات كتير

4- اه اثرت فيا كتير

5- اه فيه بس بدون ذكر اسماء

6- مفيش لانه هى هى

بس بجد انا بحترم الجميع و سعيدة لانى اتعرفت عليكم كلكم

تسلمى يا قمر و انا اسفه على الاطاله

تسلمى موغتى وكوكى وسمسمتى على مروركو يا قمراااات

هى شخصيتى هى هى يا بت مفيش تغيير وانتى عارفه كده

اكيد هى هى لان الواحد مش محتاج يمثل هيستفيد ايه
بس هو الاسم بس متغير وانتو عارفين

اولا الموضوع ده جميل جدااااااااا

وتسلمى عليه بس الحمد لله انا زى ما انا فى الحقيقه وهتجمل ليه

مش شايفه فيها حاجه حلوه ده عن نفسى اهم حاجه الواحد يتعامل بحدود

والحمد لله احنا هنا كلنا اخوات واصحاب وبالنسبه ليا انا اتعلقت كتير بناس كتير هنا

وانا زى ما انا بنفس الشخصيه الحمد لله بنسبه 99% وده بصراحه

-بنسبه كم بالمئه تمثل الشخصيه الحقيقيه بالمنتــدى.؟؟

انا بصراحة بتعامل معاكم بطبيعتى والله لانى حساكم اخزاتى بس يمكن اللى يشوفنى فى الحقيقة ميقولش عليا ان بتعامل بطبيعتى فى المنتدى لانى من النوع اللى بيسمع مش بيتكلم يعنى انا مع صحابى بهزر وبضحك وبتكلم وكل حاجة بس مش زى هنا يعنى يمكن انا هنا بظهر شخصيتى 100% ومع اصحابى ومع الناس الحقيقيين 70%

2- هل تأثرت بشخصيتك بالمنتدى.؟
يعنى هتاثر بيها ازاى وهى دى شخصيتى اصلا يعنى دى مش شخصية مخترعة علشان اتاثر بيها

3- ماذا قدمت لك شخصيتك بالمنتــدى..؟

بصراحة وجودى فى المنتدى عموما قدملى حاجات كتير فاتعرفت على احلى ناس ولقيت ناس اتكلم معاها لما اكون محتاجة اتكلم مع حد وكدا يعنى

4 - هل أثرت شخصيه المنتــدى في سلوككـ العام..؟
زى ما قولت هى مش مختلفة كتير عن الحقيقة علشان تغير فى سلوكى

5- وهل هنالك شخصيه عضو معين أثرت فيــك؟

طبعاااااااااااااا جدا فى ناس كتير هنا اثرو فيا بطيبتهم وحبهم وقلبهم الكبير وطبعا مش هذكر اسماء علشان ما انساش حد بس تقريبا كلكم والله

6- ما هي الأسباب الحقيقه في أختلاف شخصيتك في المنتدى عن شخصيتك بالحقيقه..؟
والله يمكن باخد حريتى فى المنتدى اكتر لانى مش من النوع اللى باخد ع الناس اللى قدامى بسرعة فلانكم مش قدامى فبتعامل معاكم بحرية وواخدة راحتى مش بتكسف منكم علشان مش قدامى يعنى هههههههههه

مرسى يا ثمر المنتدى ع التوبيك الروعة