من ميدان التحرير : جماهير الزمالك تطالب برحيل حسام حسن

مظاهرة فى التحرير تطالب بإقالة حسام حسن من تدريب الزمالك >>

من ميدان التحرير : جماهير الزمالك تطالب برحيل حسام حسن S42011321436

تجمعت أعداد كبيرة من جماهير الزمالك فى ميدان التحرير عصر اليوم الأحد، مطالبة حسام حسن المدير الفنى بالرحيل عن تدريب الفريق، متهمين إياه وشقيقه إبراهيم حسن مدير الكرة، بالتسبب فى الأحداث التى وقعت خلال مباراة الزمالك والأفريقى التونسى أمس السبت.

رفعت الجماهير المحتشدة، لافتة مكتوبا عليها "يا حسام يا عميل مبارك شرم فى انتظارك"، رابطة وجود علاقة بين المدير الفنى للزمالك والنظام البائد، بأحداث الشغب التى وقعت فى المباراة.

جدير بالذكر أن تصريح إبراهيم حسن مدير الكرة بالفريق طالب فيه جماهير الزمالك بفعل نفس ما فعله جمهور الأفريقى بالنزول لأرض الملعب بعد مباراة الذهاب بتونس، الأمر الذى أسهم بشكل كبير فى إشعال فتيل الأزمة، حيث تسبب هذا التصريح غير المسئول فى شحن الجماهير البيضاء، مما أدى إلى هذا المشهد غير المقبول ..

ـــــــــــــــــــــــــــــــــــــ

تعليق :

إلى الكابتن ابراهيم هيصة .. والكابتن حسام مشاكل .. اللعب على وتر الجماهير سلاح ذو حدين ياكابتن .. هاهم من كنت تلعب بمشاعرهم يلفظونك .. وابقى قابلنى لو دربتم أى فرقة فى مصر بعد النهاردة .. دورى أفريقيا بخ .. كاس مصر بخ .. والدورى قرب يبقى بخ .. فاضل إيه .. والله خسارة فلوس الزمالك اللى قبضتوها .. وراحت فلوسك ياصابر ..

انا كنت مستنيه اللحظة دى بجد حسام وابراهيم سبب العار للكرة المصريه

هما كانو جزء من تدهور علاقتنا مع الجزائر ثم تونس لاعبو

الاهلى لعب الحرس لعب ماحدث اى شئ الا ان تصريحات ابراهيم كان لها

مفعول السحر للاحداث امس ياريت يبقى عندهم شويه من الاحمر ويقدمو استقالتهم

تسلم عبودى على الخبر

مشكورة أغلى منوش لمرورك العطر .. وردك الغالى ..

أما من ناحية الكابتن هيصه وتوأمه .. هما كده جابوا آخرهم ..

للأسف صدقوا انهم مدربين بجد وعاشوا الدور ..

وآدى جزاء اللى مايسمعش كلمة ماما تقولها ..

تسلم عمو منعم على الخبر

***********************

**********************

قل رأيك بلا خروج في الالفاظ

الاداره

***********************

**********************

قل رأيك بلا خروج في الالفاظ

الاداره

عيب اوى كده ياميكو الى انت بتقوله

عيب تتكلم مع الى اكبر منك بالطريقه ده يا عمو منعم راج كبير ومحترم مش بيلعب معاك فى الشارع

عيب ده اد ابوك ترضى تكلم ابوك بالطريقه ده

ياخسارة كنت فكراك عندك لغه حوار احسن من كده حتى لو كنت معارض

مهو فيه زمالكاويه كتبر هنا فى المنتدى بس بيتكلموا بطريقه كويسه

جدا ومحترمه جدا مكنتش فاكراك كده

بعد كده الموضوع الى مبيعجبكش متردش عليه علشان يفضل صاحب الموضوع باحترامه

منهزاوش

انا اسفه يا عمو نعم متزعلش منى انا مش منه هو هو مش عارف بيقول اييه

وبعدن ياميكو الى بيعمل توبيك بيبقى بينقل الخبر الى مكتوب

وده وجهات نظر لازم يكون فيه احترام شويه

الاخ الا اسمو ميكو ميكس احب اقولك اننا فى مكان محترم

مش مكان للهمج والبلطجة وعدم الاحترام

عايز تبلى برايك تبليه بلغة حوار محترمة غير كدة مش محتاجين رايك

وكلامك عن شخصية محترمة زى الاستاذ عبد المنعم بطريقة غير لائقة

مش حنسمحلك بيها ومش استاذ عبد المنعم بس جميع الاعضاء هنا والمشرفين

انا بعت تقرير لرامى بالرد الغير لائق الا كتبه الاخ ميكو ميكس

وياريت استاذى عبد المنعم متزعليش من هذ الاسلوب الغير لائق الا ميلقش بمستوى اخلاقييتنا

أشكرك أخى miko max لمرورك ..

وأنا يا أخى الكريم مصرى زيك أغار على سمعة مصر ..

وأشكرك شكرا جزيلاً لرأيك فىّ ..

أخواتى الأعزاء ..

رانا ــ سمورة .. شكراً جزيلاً لمروركم الغالى ..

وأشكركم للتصدى لما قاله الأخ الكريم miko max وهذا رأيه الذى أحترمه ..

وحرية إبداء الرأى هو مبدأنا فى منتدى رامى ..

مهو لو بتغير على سمعه مصر زى ما انت بتقول مكنتش تتكلم على حسام وابرهيم كدة ول الله مصريين مش من بلد تانيه وعلى العموم مش هيمشى بردوا ولا حسام ولا ابرهيم

يا اخ ميكو شكلك مش هتجيبها لبر يابابا والله لو كان حتى ابو تريكة

اللى بيعمل اللى هما بيعملوه مكناش هندافع عنه وياريت بما انك

مبتعرفش تحترم الاخرين يبقى تحتفظ برايك لنفسك احنا مش عايزين

نعرف رايك ولو فكرت مجرد تفكير انك تتكلم بالطريقة دى تانى سواء مع

استاذى الفاضل استاذ عبد المنعم او مع اى حد تانى معتقدش

ان حد هيسكتلك وبعدين هما اللى جابوه لنفسهم وبكرا الايام تبين كل شىء

اشكرك استاذى عبد المنعم على التوبيك الجميل ورايك فيما حدث والذى هو فى محله

وارجوا من حضرتكم الا تعيرو انتباه لهؤلاء .........

الأخت الغالية رانوش ..

أشكرك لتشريفى الدائم بتواجدك العطر .. وردك الذى أعتبره تاج فوق رأسى ..

وشكرا مرة ثانية لكِ رانوش وللأعزاء سمورة ورانا فأنا أعرف قدرى لديكم وهذا أكثر ما أعتز به..

ثم .. لا تعليق ..

Admin عدد الرسائل : 8186 تاريخ التسجيل : 04/11/2008

يا miko max

لو حبيت تعرف اخونا عبد المنعم بيغير علي سمعه مصر ولا مبيغيرش ده لو شاغلك بجد يعني

ولو انت فاهم يعني ايه سمعه مصر .. روح شوف التوبكات اللي بيكتبها

وحاذر وده ثاني انذار ليك انك تتعرض لأي شخص بالمنتدي بكلمه خارجه

اخونا عبد المنعم غني عن التعريف ده اولآ

وثانيآ ده فسن ابوك .. بس شكلك مفهمتش يعني ايه ابوك

انا كنت في الشارع يوم المباراه نفس التوقيت تقريبا قبل نهاية المباراه بعشر دقايق وعديت قدام الاستاد كانت في زحمه عجيبه ولقيت الجماهير طالعه واستغربت كانو مبهدلين كانهم كانو في خناقه .. سواق التاكسي قالي اصل حصل كذا وكذا والجمهورنزل الملعب وحصلت مشكله انا مبحبش لازمالك و اهلي ولا اي فرد مصري يعمل كده عيب وحشه في حقنا وانا مش بحب الكوره او بمعني ادق ماليش فيها ..اكيد مش كنت اتمني ده يحصل في مصر بس زي مافي كويس في بلدنا كتير في وحش بردو .. تسلم ايديك استاذ عبد المنعم توبك جميل وتغطيه جميله للحدث مشكور ومنتظرين منك المزيد مالو ميكو مكس اسمو علي وزن الكورن فليكس عادي بقي شوفنا كتير والجاي اكتر عدوها

أشكرك أخى الغالى رامى لكلماتك التى أعطتنى أكثر من قدرى ..

بس صدقنى الموضوع منتهى ..

مرة ثانية لك شكرى وعظيم احترامى أغلى رامى فى العالم كله ..

الله يسلمك أغلى بسبوسة لتشريفى بردك الذى أسعدنى ..

فأنا أعتبره تكريماً لشخصى المتواضع ..

أشكرك شكراً جزيلاً ..

بسم الله الرحمن الرحيم

أولا : أنا مش مع الخبر ده ياعمو ولا اتفق معاه

وليس هناك زملكاويا واحدا يطالب برحيل التوأم

والصورة ابلغ دليل اللى شايل اللافتة واحد اخوانى

وكانوا منتظرين سقطه للتوأمين لمحاسبته عن مساندته للرئيس ايام الثورة

بس انا فخورة بيهم لانهم فضلوا عند رأيهم حتى بعد نجاح الثورة ولم يكونوا مثل غيرهم

"معاهم معاهم عليهم عليهم " مع انى كنت ضد موقفهم هذا

ثانيا : أنا متابعة جيدة لكرة القدم المصرية لكل أخبار الاندية

واتابع اغلب البرامج الرياضية

ولم اسمع مطلقا تصريح لابراهيم حسن ينادى فيه الجماهير بالنزول لأررض الملعب مثل التواسيين

بل على العكس تماما كنت اسمعه يهدى الجماهير وكل ما كان يطلبه منه

هو مساندة الفريق للنهاية والتشجيع لفريق والحضور للمبارة

ثالثا : أعذرنى عمو منعم بس حكمك على التوأم كان قاسى اوى

لازم نفتكر اللى عملوه لمصر قبل كده ولا نطالب باعدامهم لمجرد انهم قالوا رأى ضد الثورة

الكل هنا هيفهم انى زملكاوية لما يشوفوا ردى ده

فعلا انا زملكاوية جدا بس انا متابعه لكل الفرق خصوصا الاهلى واتابع ماتشاتهم وبتمنى فوزهم

كثيرا لزيداه المنافسه بينه وبين الزمالك ومزعلتش ابدا انه اخد الدورى العام الماضى لكنى كنت

فخورة بفريق الزمالك الذى تغير ونافس الاهلى حتى اللحظات الاخيرة وانا افتخر بزملكاويتى

وان كان فيه حد زملكاوى دخل وقال رأيه بقلة أدب فانا اعتبره غير زملكاوى وحقك عليا ياعمو

بجد انت غالى عندنا اوى وكلنا عارفين قد ايه نعم الاخ والاب والصديق

مشكور ياعمو منعم على نقلك للخبر مع انى اشك بصحته

البنت ولا طنط الى اسمها رانوش دى والى اسمها رنا السيد خليكم فى حالكم وكويس انك عارفه انى بابا يا رانوش ما جمع الا ما وفق وحسام ولا اا ابرهيم هيسيبوا الزمالك غصب عن الحاقدين هههههههههههههههههههههههههههههههههههههههههههههههههههههه

عيب يا ميكو الى بتقوله ده عيب اوى

يعنى لازم نحترم كل الاراء وكل الناس

ومنقولش كلام يجرح حد ابدا

انا كمان ضد حسام فى اللى عمله

وتحريضه للجمهور الزملكاوى انه يهمل كدة

عيب عليه والله شوه صورتنا قدام العالم

وهدم ما صنعته شباب الثورة يعنىلا بعد ما الشباب عملو كدة

دة اللى المفروض عاقل وفاهم يعمل لعب العيال دة

انا بعتذر جدا للشعب التونسى ومنه لله حسام دة

مشكورة يا عمو منعم ع الخبر ويارب يرحل

زى ما رحل الفاسدين فى مجتمعنا

لايسعنى إلا شكرك لمرورك العطر أختى الغالية موجة ..

كل الفكرة موجة إنى زعلت من اللى حصل فى الإستاد .. والبلد مش مستحملة ..

والمسألة مش أهلى وزمالك .. المسألة شكلنا كمصريين أمام شعوب بتعتبرنا قدوة ليهم ..

وأنا راضى ذمتك .. هل اللى شفتيه ده يمت للرياضة والهدف منها .. عموماً .........

أنا من هنا ورايح هاكتب عن حسام وابراهيم كل يوم عشان أسعد بردودك الغالية ..

مع كل احترامى وتقديرى لشخصك المحترم .. ولرأيك الذى أعتز به وإن اختلفت معه ..

وعلى فكرة أنا عارف إنك زمالكاوية .. مش زمالكاوية وبس .. انتى أجدع زمالكاوية ..

شكراً لكِ أغلى ميرو لمرورك الغالى .. نورتى ..

سوري عمو منعم متزعلش هو بس متعصب بهبل

حقك عليا انا لان انا ال اديته المنتدي

وحقكو عليا كلكم واسف ان الاهتذار متاخر بس انا مكنتش بعرف اتصصفح المنتدي كويس

هوغلبان بس لسانه فالت تقبل وافر اعتذاري واحترامي

» استقبال حافل من جماهير الزمالك لحسن شحاته وتيجانا في أول مران.. والاحتفال بلاعبي الزمالك الجدد
» صور تظاهرات مصريه امام سفاره تونس تطالب برحيل مبارك
» نكت ميدان التحرير ...!!!!!!!!!
» خروف ميدان التحرير ...!!!!!!!!!
» كلينتون تزور ميدان التحرير