أول حديث لمبارك بعد التنحى لقناة العربية منذ قليل ..

مبارك في أول « كلمة » منذ الإطاحة به

يوافق على الكشف عن أملاكه « المزعومة » خارج مصر

أول حديث لمبارك بعد التنحى لقناة العربية منذ قليل .. Untitled-1_copy

تحدث منذ قليل الرئيس السابق / حسني مبارك عن الحملات التي تقوم ضده و تتهمه بالتربح الغير المشروع و الثروة الضخمة في جميع دول العالم .

وقال الرئيس حرفياً :" تألمت كثيرآً انا و أسرتي من الحملات الكثيرة التي تنال مني ، لقد آثرت التخلي عن منصبي واضعاً مصالح الوطن و أبنائه فوق كل إعتبار , إخترت الإبتعاد عن الحياه السياسية متمنياً لمصر النجاح و التوفيق خلال المرحلة المقبلة ، إلا و اننى قضيت عمراً في خدمة الوطن لا أملك ان التزم الصمت أمام حملات الزيف و التشهير و الطعن في سمعتي و سمعة اسرتي و لقد إنتظرت الأسابيع الماضية ان تصل للنائب العام الحقيقة بعدم ملكيتي لأي أصول نقدية او عقارية او غيرها لأي ممتلكات خارج مصر ، و ايماناً مني لأنه لا يصح إلا الصحيح فقد قررت الآتي :

بناء على ما تقدمت به من زمة مالية و البيان الذي اصدرته بعدم إمتلاكي لأي حسابات او ارصدة خارج مصر فانا موافق على أن اقدم اي مكاتبات او توقيعات تمكن النائب العام من خلال وزارة الخارجية بأن يطلب من وزارةات الخارجية في العالم للكشف عن إمتلاكي انا و زوجتي أو ابنائي لأي عقارات بأي دولة في العالم حتى يتثنى للجميع من كذب كافة الإدعاءات التي تناولتها كافة وسائل الإعلام حول اصول عقارية ضخمة و مزعومة في الخارج أمتلكها أنا و أسرتي و سيتضح من مصادر معمول بها أن ممتلكات أبنائي بعيدة عن شبهة التربح بصورة غير قانونية و بناءاً عليه و بعد إنتهاء الجهات المعنية بهذا فأنا اختفظ بكافة حقوقي القانونية ضد كل من حاول النيل مني ..

وفق الله مصر و شعبها و سدد على طريق الخير خطى أبنائها ".

استمع الى التسجيل الصوتى لمبارك

ــــــــــــــــــــــــــــــــــــــــــــــــ

تعليق :

أتمنى من كل قلبى ألا يكون هذا الحديث هو حديث المطمئن لتحويل كل أرصدته من بنوك انجلترا ودول أخرى إلى بنوك وخزائن السعودية والإمارات .. وابحث ياعم النائب العام .. وإن لقيت حاجة ابقى حاكمنى ..

والله حرام يتحرم الشعب المصرى من فلوسه وأمواله وينعم بيها أصحاب الجلالة والفخامة و المعالى ..

سيادة النائم العام .. أنا من رأيى تفضها سيرة .. الشعب المصرى هو المفترى ويستحق الأدب .. عشان ماأخدش باله من اللى سرقوه ..

والله عندك حق يااستاذ عبد المنعم بيقول الكلام دة بعد محول ملياراته كلها

للسعودية والامارات وزعلان اوى من الاتهامات وبيضحك علينا بكلمتين من دول

وافضل ان النائب العام ميتعبش نفسه مبارك بيضحك علينا بكلمتين

وفى وفى الاخر احنا الا غلطنين اننا سيبنا حقنا يروح فى انسان ضلاللى زى دة

ولا لما لقا الشعب كلو رايح شرم الشيخ الجمعة الجاى راح طلع خطاب عشان المصريين

يتعطفو معاة بجد كفاية ياحسنى تستغفلنا اكتر من كدة وطالبك ان النائب العام يحقق معاك

دليل انك متاكد انه مش حيلقو حاجة منك لله

تسلم استاذ عبد المنعم على الخبر وبجد ماسعت مسمعتو وانا منرفزة جدا

شكراً لكِ أغلى رانا لمرورك الغالى ..

لنا الله .. ومفيش غيره هو بس اللى بياخد حق العباد ..

بتمنى من كل قلبى يرجع لنا حقنا اللى ضاع

طوال فترة رئاسته لمصر او بمعنى ادق احتلالهم لمصر

تسلم يا عمو منعم على الفيديو والخبر والتوبيك الرائع

تسلم عمو منعم على متابع الاحداث و ان شاء الله حق مصر يرجعلها

مشكورة ميرو الغالية لمرورك العطر ..

أمنية كل مصرى إن حقوقنا المنهوبة ترجع .. وأيضاً حق الشهداء على رأس القائمة ..

إن شاء الله سهام حقوق مصر هاترجع .. والظلم عمره مابيدوم

مشكورة أغلى سهام لمرورك العطر ..

يااااااه..قطعت قلبي يا شييييخ!!!! "إن بعض الظن إثم" فعلا! لا ظلمناه يا جماعة..إحنا لازم نجمع تبرعات

للرئيس السابق و عائلته ميصحش يمووتوا من الجوع في الشاليه بتاعهم في شرم!

بعد تلاتين سنه كدب ليه حنصدق اليوم اكيد اللى كتب الخطاب ده انس الفقى وشفيق ياراجل وبعدين مش احنا

اللى اقولنا انك عندك فلوس امريكا ولندن وفرنسا ودول الاوربيه كلها قالت كده وربنا يرحم موقعة الجمل لما

اقلت الخطاب وبعدين حصلت موقعه الجمل ونتوقع ايه تاني بعد الخطاب ده موقعه الفيل ههههههههههههههههههههههههههه

خلتنى اضحك فى وقت مينفعش فى الضحك

والله فكرتنى باغنيه كداب ياخيشه كداب اوى ههههههههههههههههههههه

طب لو انت صح مكنتش تعرف الوزراء الا بيسرقو فى البلد ولا دى متعرفهاش كمان

عجايب حسبنا الله ونعم الوكيل

تسلم عبودى على التوبك واسفه على الاطاله

صدقتى منوش ..

طب لو انت صح مكنتش تعرف الوزراء الا بيسرقو فى البلد ولا دى متعرفهاش كمان ..

أكيد كان يعرف ومطنش عشان هم يطنشوا عنه .. وآهى مصالح ..

مشكورة أغلى منوش .. نورتى التوبيك والمنتدى السياسى والدنيا كلها ..

انا زهقت من كلمه نو كمنت اللى بقولها لما موقف مش يعجبنى واضح انه البلد دى فيها حاجات كتيره غريبه

ربناااااااااااااااااا يحمى البلد دى ويحفظهااااااااااا اامين يا رب

أحياناً نو كومنت بتكون أكثر تعبيراً من أى تعليق ..

وهذه الأيام بها بعض الأحداث التى لا يملك أى شخص سوى أن يقول نو كومنت ..

مشكورة مراوى ..

ايه السخافه دي يا كذاببببببببببببببببببببببببببب
شكرا على الخبر الحلو affraid

Admin عدد الرسائل : 8186 تاريخ التسجيل : 04/11/2008

شعب فراعنه صحيح

ثلاثين سنه والراجل متحمل ظلمكم ليه .. اتقوا الله فيه بأه حرام عليكم

بتتهموه بسرقه وتحويل فلوس للخارج .. بتتهموه بسرقه بير بترول بالكامل و عدم

دخول انتاجه في ميزانيه مصر .. بتتهموه بنهب منجم ذهب وعدم دخول انتاجه في

ميزانيه مصر .. بتتهموه بأنه قتل الشهداء .. بتتهموه بأنه عين وزراء حراميه .. بتتهموه

بأنه اصدر اوامره للجيش بأطلاق النار علي الشعب .. بتتهموه بأنه كان ناوي يورث الحكم

لأبنه جمال ... بتتهموه بأنه باع غاز مصر بسعر متدني لأسرائيل .. بتتهموه بأنه يمتلك

أرصده بالخارج .. حرام بأه يا فراعنه الراجل ده شاف الزل والمهانه والمرار ومكانش بينام

الليل بسبب انشغاله بأداره امور مصر الغاليه امنا

وافني عمره وحياته في خدمة مصر .. ومتنسوش زوجته السيده الفاضله ماما سوزان

أفنت عمرها ففتح مكتبات لأطفال مصر .. ده بخلاف الجمعيات اللي ادارتها لخدمه اهل

مصر ..

نسيتم كل ده ؟ ؟ و تصدقوا هيلاري كلينتون وزيره خارجيه امريكا اللي صرحت في ميدان

التحرير ان اسرة

مبارك لها من الأرصده مليارات في الولايات المتحده الامريكيه ؟؟؟؟؟؟؟؟؟؟؟؟؟؟

وتصدقوا الواشنطن بوست اللي قدرت ثروات عائله مبارك ب 700 مليار دولار ؟؟

وتصدقوا الحكومه السويسريه اللي اصدرت بعد لحظات من تخلي مبارك عن السلطه

قرار بالتحفظ علي ارصدة عائله مبارك ؟؟

كذابين كذابين كذابين

صدقوا مبارك يافراعنه ده راجل طيب وغلبان خالص .. انتم عايزينه يحلفلكم بالله يعني ؟

مشكور أغلى رامى ..

يسلمك لى مرورك ياغالى ..