وحياة مامة فخامتك ......

وحياة مامة فخامتك … طيب وحياة سوزان

تسامحني عشان شتمتك … وانا واقف في الميدان

كا...ن المفروض اجيبك … وتشوف شعبك حبيبك
...
علشان تاخد نصيبك … من الحب والحنان

أنا اساف وبصراحة … أصل مكنتش أصيل

يا معلمني الاباحة… نفسي ارد الجميل

يا مظبط أهل بلدك .. أكتر من إسرائيل

هتقولي أيه اللى فيها .. هقولك فيها فيل

انا اسف انى سيبتك .. تخلع من غير حساب

كان المفروض حسيبتك زي ماقال الكتاب

مبننساش الجمايل .. والشعب في قلبه شايل

وهنعمل فيك عمايل .. والبركة في الشباب

في أكتر من حريقة .. وفي كل بيت شهيد

فاكر أهل الدويقة .. فاكر قطر الصعيد

طب سرطان الخضار .. والعيشة الغالية نار

والمعبر والجدار .. ولا الفكر الجديد

اسف علشان سكتنا .. طول الوقت اللى فات

وانته مسود حياتنا .. وبتسرق مليارات

دلوقتي الفرصة جاتني .. وهحاسبك على اللى فاتني

وهرد حقوق بلادي .. واخد حقى الــ مات

أسف لجمال وعزمي .. ولصفوت وسرور

كل اللى مصو دمي .. ولسه في القصور

اسف علشان سايبكو .. وحياة بلدي لجيبكو

منقـــــــــــــــــــــــ ،،،ـــــــــــــول

بجد كلمات جميله بتعبر عن الاشافناه

فى عهد حسنى ربنا ينتقم منه

وحسبنا لله ونعم الوكيل

تسلمى بسبس على التوبك

كلام رائع جدا من انسانه رائعه جدا

جسدتى كل الى حصل ولسه بيحصل

تسلمى بسبوووووووستى ويسلم قلمك يا جمييييييييييييييييييييييييييل

تعبير صادق بكلمات غاية فى البساطة تعبر عما يتردد فى كل بيت مصرى ..

تسلم إيديكى بسبوسة ..

ههههههههههههههههههههههههههههههههههههه

حلوه اوي تسلم ايدك

طبعا مشكورين بس انا مضطره اصدمكو بقي طالما كده هههههههههههههههههه الكلام ده منقول مش كلامي والله كان نفسي اكون كتباه بس اكيد بيعبر عن الي جوايا وجواكو بس تسلمو بردو هههههههههههههههههههه وضحكتو عليكيو وعليكو ووووواحد .. مشكور مروركم وحاكتب منقول عشان محدش يتخدع تاني بق سوري

تحفه والله يا بسبوسه تسلمى بس للاسف لو كان مبارك معا فلوس فا زمانو اتصرف فيها

عليا العوض

Admin عدد الرسائل : 8186 تاريخ التسجيل : 04/11/2008

تسلمي اجمل بسبسه

كلام روعه مش مهم كلام مين بس ده كلام كل المصريين

تعرفي يا بسبس

انا شفت التوبك ده وعملت كده scratch

ياخبر ملحوس

انا شايف الكلام ده من يومين وده التوبك

http://facenews.d1g.com/video/show/4266625

بس قلت بسبس يا اتهبلت يا بتهزر

لكن قلت والله منا رادت وحستني

انا عارف بسبس كويس لا هو اسلوبها ولا دي عادتها

بس بجد ثكر بسبوستي

وشكرا علي كلمه منقول

رجعتيلي الثقه في ثقتي فيكي

شكرا علي التوبك الجميل بسبس
ومتعملهاش تاني لقتلك Very Happy

تسلم ايدك بسبسوسة

وعندك حق يارامو مش مهم مين قال لكلام دة كلام كل مصرى ومصرية

ميرسى احلى بسبس على احلى كلام حتى لو كان منقول

تسلملولي كلكم علي المرور .. انا كتبته ونسيت اكتب منقول بعفويه علي اسا س انكو عارفين ان مش كاتبه الكلام ده يعني هههههههههههههههههههه من امتي انا كتبت زمان كام حاجه ومن وقتها مكتبتش غير حاجه من كام شهر وبس ومعنديش الملكه الفظيعه دي عشان اكتب الكلام الجميل ده .. كمان عشان جبت حاجات تاني قبل كده في المنتدي مش من كتاباتي بردو ونزلتها فكان الموضوع عندي عادي يعني .. علي العموم حصل خير بردو .. واديني كتبت منقول اهو عشان محدش يتلخبط تاني .. تسلمولي ياحلوين

» عبـــــر عن أحســــاسك الآن
» لاحلى عضوات بسمة, حنين وحياة