هشام الجخ ايزيس فيديو youtube

Admin عدد الرسائل : 8186 تاريخ التسجيل : 04/11/2008

قصيدة ايزيس بصوت هويس الشعر هشام الجخ

كلمات القصيده ومشاهدة فيديو

قصيدة إيزيس للشاعر هشام الجخ

قصيدة إيزيس

نفسى أنام فينك
يا ام الرموش عندليب
متدمعيش عينك
الفرح جاى عن قريب

إيزيس
إزاى بتتحمل
أنساها و تجينى
أسلى بنات الدنيا الاها
و اما العطش يكوينى القاها
هى اللى تسقينى
تهدينى يوم وردة
أديها لفلانة
تجرى على حضنى
أحكيلها عن علانة
إزاى بتتحمل
غمز البنات و اوعر من غمزهم ردى
جايالى ملهوفة ما تلاقى غير صدى
أحزن فى احضانها
و افرح هناك وحدى
يا ام القليب اتخلق معرفش غير يِدِّى
يا ام الفؤاد ولاد معرفش غير يعشق
الصبر عدى و زاد يا قلبها الى انقاد
ماعرفت يوم تزهق
كانت بتلبسلى اجمل فساتينها
تغلب صحاريا افتن بساتينها
تجمع رياحينها و لا قلبى يوم يشفق

إزاى بتتحمل كتر الكلام عنى بحكاوى و انا غايب
الليلة كان سهران
الليله كان سكران
الليله كان عاشق
و الليله كان دايب
يا ام الرموش طايشة
و ام العيون لامه
حضنك مهيسعنيش
انا بلوتى طامه

كل البنات اتلبنوا بيا و تفونى
و رسمونى خروف معلوف
و سمعوا قصايدى وابتسموا
و صحيم بدرى يوم العيد و دبحونى
بقالى ييجى 4 سنين
مسمار فى غيط الشواكيش
دقوا على راسى لكن مثبتونيش
يوم التقى مرسى و سنين ياخدنى الطيش
كل الألم فيا و لا قادر اتألم
و بتصعبى عليا و مش بقدر اتكلم
انا نفسى بس افهم
كل البلاوى ديا ازاى مبعدتكيش

سامحينى لما اغلط
و انا قادر إنى أغلط لاجلك تسامحينى
احلى ما فى التوهان اول ما باجى اوصل
و احلى ما فى الاحزان انك تضمينى
يا مسكنانى ضلوع جواكى راح و براح
مبينلهاش رجوع شكلى هموت سواح
كان نفسى فيكى زمان اياميها كانلى قلب
كانت الحياة خضرا النخله والشجرة
و القلب طين ابيض بينام على الحلقان
و بيصحى وقت الحلق
اياميها كانلى قلب
ايه اللى قلب النور ضلمة و ليه راسى ؟
و اشمعنى فوق راسى يحلى العذاب و القلب ؟
و اشمعنى سابوا الناس بقلوب خضار و عمار
و ف قلبى نزلوا سلق
انا اول اللى اتصلب
بس التاريخ كداب مفهمش معنى الصلب
ركعوا البنات ليا و اتنّوا قدامى
و فى حفل اعدامى ضحكوا و كال و كال
انتى اللى دمعتى
جمعتى جسمانى من مملكة اوزوريس
و ياريت ماجمعتى
طب كنتى سبتينى
ادخل هنا غزوة
و اعمل هنا هدنة
و مادمت انا ميت
ايه تفرق الدفنة
ما البحر راح يثبت
لو مهما جدفنا
انتى اللى بتعاندى
عشمانا فى الجنة
و الجنه مش ليا
ازاى بتتحمل
لون الصحاب ديا
على ايه غرامك ده
ده التبن من تحتيه
باقى المعولميه
تضحك على قولهم
و تبص فى الساعه
و تقول زمانه صحى
زيدى كمان قولك

يا ام الجبين الضحى
جننى صوت حزنك
اياكى يوم تفرحى
لا الفرحة تسرقنا
لا انا حمل مهرك و دهبك
و لا جاى معاى عايدك
و لا حمل توب من حريرك
و لا ماسه من تاجك
ده انا بالكتير حاجج
من وسط حجاجك
جيتلك فى شهر حرام
فما تهدريش دمى
متقربيش منى
منتيش شفا همى
ورى لحجاجك يا ام الجبين عرفات
حبك كما الصلوات
و القبلة مش يمك

يا معلمانى الهوى
ومسكنة التداريح
حبك نخيل طارح
ميهزهوش الريح
ارمى الحجر جارح
تنزل رطب مجاريح
ازاى بتتكسر اشواقى جواكى
ابكى على صدرك القى البكا تفاريح
ازاى بتتغير دنيايا جوايا اول ما اكون جنبك
و ازاى يجيلك صبر تنشفى بكايا و الذنب مش ذنبك
انا الاعمى جفانى الحب و نسيته على ايدين اللى تتسمى ما تتسمى
قطع راسى على خوانه و لا كفر و لا سمى
و لا سابنى اموت مستور و لم عليا ميت لمه
وذنبك ايه بقية السكة تقضيها بعجوز اعمى
انا اللى الناس بتخشانى هوا ومنظر
هموم الدنيا خشانى و بتمنظر
و عايز عيشة خشانى و بتغندر و بتمرقع وبتمهيص و بتقعور
و بتلكلك فى حضن الليل سكيتى
عواطفى فوق حدود وصفى
و بابك صعب يتحمل عواصف مهما سكيتى
انا المدبوح

و لما تقولى حبيتك
بحس دماغى واكلانى
ارد بايه على بنيه
بكل كيانها شايلانى
انا المجرم
و انا القاسى
و انا اللى نسيتها ميتين مره
ما نسيتنى
و مشيتها فى دروب مرة ماملتنى
و داست ع الطريق حافية و سليتنى
و صحيت الفجر وقت الفجر صليتنى
ارد بايه ؟

غرامك يا ام طيف مخمل بيتجمل
و يفرش صدرى بالعنبر وبالمحمل
انا المعشوق
يا كل العاشقين غيره
تحبوا شئ جميل طبعا
لكنت تحبوا ده الاجمل
حبيبتى احلى من شعرى
و احلى من حروف كُمّل
و لا بتغدر ولا بتهجر و لا بظلمها تتململ
لكنى فى حيرتى بستغرب
انا ازاى مش بغنيها
وهى ازاى بتتحمل

مرررره تنكيووو رامي I love you

وعلى فكره اشتقت لتقيمك لموضوعاتي

انت غايب ليه عني ؟؟؟؟؟ Sad

تسلم ايدك رامى روعه القصيده

انا قريت كلامتها بجد جميلة جدا

تسلم ايدك اجمل رامو

تسلم ايدك رامى روعه القصيده

» هشام الجخ قصيدة نانا فيديو youtube وكلمات
» هشام الجخ يعلق علي بكاء سوزان مبارك فيديو youtube
» هشام الجخ قصيدة آباتشي في ميدان التحرير فيديو youtube
» قصيده ايزيس لهاويس الشعر هشام الجخ لعيون رانووووووووووووووووش
» هشام الجخ وجمعه الانتفاضه و الوطنيه من ميدان التحرير