انتا اهطل يا احمد والا شكلك كده ؟

يفاجئني احمد دائما بسلبيته .. ولا عمره شكر معجبين ولا اللي بيدعموه من مصر والبلاد العربيه والنهارده لما ام ليان قالت له ان كريم بيصوت لك إدانا التعبير الأهطل كالعاده ولا حبيبي ياكريم ولا حبايبي يا اهل بلدي اللي بترجعوني دايما باعلى نسبه ولا اي حاجه ...... الظاهر لسه مئموص من نسبته قدام كريم لما طلعوا نومينيه مع بعض ... وكمان بيزودها اوي مع ليان وبيلزق لها بطريقه ممله وكلامه وتعليقاته بقت كتيره اوي ومابيسكتش .. وكله كوم ولما يبص لنفسه في اي مرايه قدامه وهو بيتكلم مع اي حد .. انا بقيت ازهق منه وده مش معناه اني مش باعترف انه من القلائل الكويسين في الأكاديمي وبيغني باحساس جميل

كلامك بايخ مع احترامي ليكي ذكري شويا وانتي تعرفي .....................

اولا يكفينا انه يحط علم مصر على كتافه دى كفايه اما عن موضوع كريم هوه قالها انا عارف انا عارف يعنى واثق ان كريم بيدعمو اما باقى الكلام سورى معنديش تعليق لانه مش صحيح

محدش يغلط فى احمد عزت اوك
ده اطيب قلب وانسان محترم بلاش الكلام المستفز ده

يا جماعة لو سمحتم ارجو احترام طلاب الاكاديمية وبلاش نتكلم باسلوب يستفز باقى جماهير الطلاب يا nadiah انت حر فى رايك اكيد بس ياريت تحتفظ برايك لشخصك علشان بس محدش يزعل من حد وشكرا

هو مش كفايه البلوزه والعلم اللى على ضهره والعلم اللى 24 ساعه فى ايده ده مش كفايه
هو من النوع اللى مش بيحب يتكلم كتير بس كفايه سجدته على المسر كلنا بنحب احمد زى ما بنحب كريم ونسمه وهندعمهم لحد اخر لحظه

عيييييييييييييييييييب الكلام ده جدا جدا

لو انتى عاوز تعبر بيه عبر فى مكان تانى متعبرش هنا هنا احنا

منسمحش لحد يتكلم على ولاد بدنا

يعنى و حد اتكلم على احمد او نسمه و كريم بجاجه وحشهبجد هيبقى ليه معانا تصرف تانى

و سمحتوا حد من الادارة يقفل التوبيك المستفذ

كلااااامك مش صحييح و مستفز جداااااا
أحمد عسل و مافيييييش منه اخلاق و ادب و صوت و احساس و وطنية

اهلا بيكى ياندى سورى يعنى لو معرفتش اقرا اسمك

بس عايزة اوضحلك حاجة ان كل طالب بالاكاديمى ليه جماهيرية

واكيد بنحب نحترم الجمهور دة فا مينفعش اننا نغلط بالطالب الا بيشجعو

لان كدة حيحسو بالضيق تجاه هذا النقد الغير لائق ليه ثانيا احمد من نوعيه

الناس الا بتعبر عن فرحتها جواها مش لازم يتطنط ويقول ميرسى لكا الا صوتلى والكلام دة

كل طالب وليه طريقة تعبيره للفرحة وهو حضن علم بلده حواليه دة تعبير للشكر

ثالثا ودة الاهم وعاماعتقد انك مش متابعة اليوميات كويس ان احمد مش زى مبتقولى بيتلزق فى

ليان لالالالالالا بالعكس ليان هيا بتحتك باحمد كتير وبتعمل خلافات معاه كتير

وبتطاردو كتير بالاكاديمى ومن خلال متابعتى للبرنامج ان احمد مرتبط بانسانة من خارج الاكاديمى

ومعتقدش انه بيحب حد غيرها ودة اعلنه من خلال اليوميات

اتمنى اننا نحترم جماهيرية الغير ونحافظ على شعورهم

وارجو انك تفهمى رائ كنوع من التوضيح وليس الحدة فى النقاش

ويارب ديما منورانا بالمنتدى

الى العزيزه ميرو المصراويه

كذا حد هاجمني عشان قلت رأيي ! هو انا لازم اشكر وامدح عشان ما يزعلوش الأعضاء ؟ وبعدين انتي بتقولي لي ( طبعا انتي حره في رأيك بس احتفظي بيه لنفسك ) !!! تيجي ازاي دي ؟
وكمان بتقولي ( ارجو احترام الطلاب ) .. طيب ماالأعضاء نازلين شتيمه في ساره واللي خلفوا ساره
( على فكره انا ماباحبهاش ابدا ) وعادي جدا ما بتقولوش ( ارجو احترام الطلاب ) هي الديمقراطيه ان رأيي في احمد ( اللي باحبه ) يتحجر عليه ؟ وهل معنى اني بحب حد إني مااقولش عيوبه ايه ؟ لااا وايه .. بيقولوا احذفوا التوبيك ! ليه هو احنا بقينا زي اللي بنعايب عليهم برا .. من ليس معي فهو ضدي ؟ عجبي

الى الجميله رنا السيد
ردك اثلج صدري .. ايوه كده الناس بتكلم بعضيها
والله فاهمه ان الناس لما بتحب حد بتتعمي ساعات عن عيوبه او هفواته .. وانا ماقصدتش ابدا اضايق حد عشان انا اصلا " بحب احمد ووالله متابعه اليوميات وباشوف ازاي ليان بتبقى مستفزه ساعات بس والله احمد بيزودها شويه وده اللي بيضايقني عليه
عموما" ياستي انا مش شايفه غير نسمه اللي عامله كونترول جامد على تصرفاتها وتحركاتها وبتشرح القلب لما بتتكلم عشان كلامها وآراءها دايما" موزونه زيها كده .. ويارب يبقى اللقب ليها

سعدت جدا لما تفهمتى ردى ليكى وجميعا نتمنى التوفيق لجميع الطلبة

سواء المصريين او العرب كلنا اخوة

ناديا اول حاجه بقولك اهلابيكي معانا بالمنتدى

وتاني حاجه يجب أن تختاري الكلمه الموزونه دايمآ

ماينفع ابدآآ تقولي اهطل ؟؟؟

لأن الكلمه هذي استفزت كل الأعضااء صراااحه

ممكن تقولي رأيك زي ماتحبي لكن من دون غلط

لأن دااا بيعبر عن شخصيتك واسلوبك

وثالث حاجه اتمنى يكون صدرك رحب للأنتقاد

مثلي انا Laughing

سوسو ياطعمه

طبعا"صدري رحب وباتقبل اي رأي معايا او ضدي ومش بازعل ابدا" .. والا مايبقاش اسمه رأي ورأي آخر
ولبى قلبك

يانديا لما احنا بنتكلم عل سارة فده لانها بقيت مستفزة ومبيبقاش

راى شخص واحد بالعكس بيبقى راى معظم الاشخاص ومبنقولش

حاجه مش فيها ولا بنتجنى عليها بالعكس ده كل العيوب فيها وانتى

اكيد بتشوفى الى بيحصل ومش عارفه بيعجبك ولا لا ولازم اننا نوضح

للناس الى بيحصل علشان تكون عارفه ومتواصله مع الى بيحصل فهمتى

انا شايفه ان احمد يحط علم مصر على ضهره

وان ياخد نسمه فى حضنه ويبوس رسها دول لوحدهم كفايه اووووووى

عند المصرين الحركات بتاعت احمد ديمان بتخلينا فرحنين بيه وفخورين بيه

للمعلومات بس ليان الاسبوعين اللى فاته كانت كل شويا بتقول ل احمد

انت متغير معايه ليه ده معنا ان احمدمش بيلزق ل ليان ابدا

وبعدين يكفينى شرفنا ان احمد من ساعت ما دخال الاكاديميه

مشلش علم مصر من على ايده فى حاجه كمان مينفعش تقرنى احمد
با ساره لان لو قرنتى احمد بساره هيكون ظلم كبير اووى على احمد

لان ساره تعديت كل الخطوط اتكلامت على صحبها فى الاكاديمى

واكيد انتى طبعان عارفه هى قالت ايه عن كريم انا اخلاقى متسمحش انى اكتبها

تانى حاجه شتمت اهل حسام وشتمت كل اصحبها اللى فى الاكاديمى

ومخلتش حد غير لما اتكلامت عليه

انااا عن نفسي الي يستحق اللقب هذي السنه هي نسمه وبجداره وبزعل اذا حد ثاني اخذ اللقب لانه حراام حد ياخذ اللقب غيرهاا هي انسانه موهوبه بجد واتمنى لهاا كل الخير.......
وبحب احمد وعبدالسلام وليان واميمه ونسمه لما بيجتمعووو مع بعض خاصه احمد وليان وعبدالسلام
واصلاا احمد بيحب وحده من برى الاكاديميه وبيحبهاا موت.......
اناا مع نسمه واميمه للاخر وبالذات نسمه وبالتوفيق لجميع الطلبه لانهم كلهم اصواتهم حلوه السنه هذي وتحيااتي للجميع
اخووكم من اليمن

استاذة نادية لكى منى كل الاجترام رايك وانتى حرة فيه كل اللى قولته انك تحتفظى برايك لنفسك لسبب ان كلمة اهطل دى استفذت الاعضاء كان ممكن تقولى رايك بطريقة تانية من غير ما تستفز حد اه كل واحد حر فى رايه واه كلنا هنا اعتراضنا على تصرفات سارة وقولنا العبر فيها بس لان سارة دى حالة خاصة واعتقد مش احنا بس اللى مش بنحترمها لان هى اصلا فقدت احترام الناس لها فى كل مكان يعنى ماتقارنيش احمد او اى حد من الطلاب بسارة لان تصرفاتها تجاوزت الحدود وعدتها بمراحل حتى لو كنتى قولتى انك بتكرهى احمد مش مكانش حد هيعارضك لان ده رايك محدش هيخليكى تحبيه بالعافيه اللى انا بتكلم فيه اننا بلاش نغلط فى حد عشان منستفزش حد وشكرا ليكى

Admin عدد الرسائل : 8186 تاريخ التسجيل : 04/11/2008

يا ناديه عايز اقول حاجه انتم جميعآ تناسيتوها ودخلتم فجدال طويل

اللي بيتم بثه بعد البرايم وعودة الطلاب للأكاديميه كله بث مسجل و ممنتج وليس لايف

يعني ببساطه احنا بنشوف فقط اللي الاكاديميه عايزه تفرجهولنا بمزاجها وبمزاج المخرج

وبمزاج الأداره وحسب تعليماتها

يبقي كده احنا مشفناش احمد عمل ايه بالظبت لما رجع الأكاديميه

ده اولآ

وثانيآ :

بعد الطلبه ماخرجو من البرايم ودخلو الأكاديميه حصلت مشكله بسبب ساره وكلامها لدقدوق

ودقدوق لم هدومه وطلب الأنسحاب وحصلت مشكله كبيره .. ومن الطبيعي انه كل الطلبه

حتهتم بأمر دقدوق وبأمر المشكله اللي حصلت و ساعتها محدش حيفكر فتحيه الجماهير

ولا شكرها

وثالث شئ يا ناديه بنرحب بيكي بالمنتدي بس حسئلك سؤال

لو حد مننا قال علي عبد الله مثلآ ده اهطل .. حيكون رد فعلك ايه ؟ ؟

اهلآ بيكي معانا ناديه واحنا مش بنقفل ولا بنحذف توبكات من المنتدي ولا بنحجر علي رأي

عضو طالما لم يخرج علي الأصول المتبعه و نورتي المنتدي يا جميل

انا لما شوفت التوبيك والله دمى غلى من كلامك ردى مكنش هيبقى حلو ابدا بس طالما كلهم ردو

عليكى ووضحولك انا مش هرد اقول غير ان احمد رفع راس مصر وكلنا فخورين بية بميزاتة وبعيوبة كمان

هوا مش ملاك بس هوا من اكتر الطلاب الى عندهم ادب واخلاق وكمان بيعمل كونترول على تصرفاتة زيو

زى نسمة ولفظ اهطل دة مينفعش ابدا زى منتى بتكرهية فى ناس كتييييير بتحبو وكمان احمد مهما

عمل عمرو مهيوصل للى اسمها سارة دى ولا حتى واحد فالمية شكرا على رايك فية بس يا ريت تختارى

كلامك مرة تانية علشان متنرفزيش حد

المصريين فى اى حتة او اى بلد بيشرفوا مصر دايما مش فى الفن بس فى كل مكان

بصراحة بالنسبة للمقارنة بين احمد وسارة سارة دى اصلا لاتذكربس احمدمش يستاهل ان حد يتكلم علية بطريقة مش كويسة لانة بجد انسان محترم ودى اراء ولولااختلاف الاذواق لبارة السلعة

برااافو عليكي وعلى روحك الحلوه ورحابة صدرك

وتقبللك لكل الآرااء والانتقادات التي وجهت لكي

واحلى شي انك الوحيده ياناديا الي كتبتي اسمي صح

سوسو الطعمه لبى رووووووووحك bounce

وتحيه لولد اليمن حمود اهلافيك

والله يا نديا انا بقالي شويه اقول رد يا اتش لا متردش

الاخر قلت حرد وامري لله

يا ست الستات ناديه هانم

من السهل علي الانسان انه بغلط ويخونه التعبير

بس من الادب انه يعتزر عن كلمه قالها في حق حد لا يستحق الا التكريم والكلام عنه بادب

يا ناديا انا عندي تحفظات علي نسمه وكلمه عندي تحفظات

دي كلمه مؤدبه جدا يعني مبتعجبنيش سلبيتها ولا صحبيتها

لاميمه بس لا مثلا مقدرش اقول دي عامله زي برميل الطرشي

ولا بقها عامل زي بوابه الحلواني ده مثلا مثلا ولا لما بتغني

بتصوت اكنها بتغني في ميتم ده مثلا

ومقدرش اقول عليها هطله ولا عندها نرجسيه زي

ما جناب حضره فخامتك قلتي عن احمد عزت

احمد عزت عندي وعند ناس كتير =محمد مغربي= محمد باش--

- يعني حضور قوي وادب وصوت واحترام

متوقعيش نفسك في مشاكل بكلامك الغير موزون وارائك الي ممكن تجبلك وجع الدماغ

ملحوظه

كلامي كله في الموضوع وبدون خروج عن النص وميزعلشي

الا

لو ردك علي كلامي كان بتهجم واسفاف سعتها حتبع نقس الاسلوب

شكرا

وانا فعلا لحظت انه لا شكر كريم ولا حتى المصريين اللي صوتولو بس يا جماعة انا لاحظت انه بيخجل وكلامه قليل وغلبان اوي ويمكن وجود ياسمين اخد عقله شوية ومش مركز فأعذروه