رباعيات صلاح چاهين - الجزء الثانى -

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!

نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!

علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

نوح راح لحاله والطوفان استمر

مركبنا تايهة لسة مش لاقية بر

اه من الطوفان واهين يابر الامان

ازاى تبان و الدنيا غرقانة شر ؟ وعجبى !!!!

وصف لما نعيشه الان بعد ثورتنا المجيدة 2011 مع انه مكتوب من اكتر من 30 سنة . يا ترى كان مين نوحك يا عم صلاح ؟ خلاك توصف حالنا قبل 30 سنة . عجبى على موهبتك واعجابى بيكى يا رانوش والله متميزة .

شكرا جدا ميدو ع المرور وفعلا دا وصف لحالنا حاليا رحمه الله العظيم جاهين

نورتنى ميدو والله ومرسى ع ذوقك

كتابة جميلة معبرة جدا.

نورتينى منولتى مرسى ع مرورك الحلو

» رباعيات صلاح چاهين
» السعاده الزوجيه الجزء الثانى
» موسوعه كاملة عن السياحه في مصر ( الجزء الثانى)
» زيارة والدة جيلبرت الجزء الثانى
» لعبه مطعم البرجر ( الجزء الثانى )