ازاي تعكنن علي مراتك ؟؟

عشر طرق عشان تعكنن على مراتك

1- اصحى يوم الجمعة بهمة ونشاط وجهز الفطار لزوجتك بس متنساش انك تستخدم15 طبق واكبر كميه من الملاعق والشوك و5 حلل من اللى عندكم فى البيت و10 كوبيات لاعداد طبق بيض وسندوتش جبنه

2- يراعى ترك اثار سمنة على الارض مع ترك التلاجة مفتوحة وقشر البيض فى الحوض

3-الصبح وانت رايح على شغلك وهى نايمة تعمد اسقاط اى شىءاو خبط الباب بصوت عالى عشان تصحيهاهى كمان اشمعنى انت ولو حاولت ترجع تنام تانى قولها مادام صحيتى حضريلى الفطار بقى

4-فى عيد ميلادها زين ليها تورتة عيد ميلادهاب60 شمعة ولو سالتك ليه 60 اتحجج لها بضعف الاضاءة فى البيت وانت بتبص على النجفة اللى عندكم فى البيت اللى فيها 30 لمبه مع ابتسامه صفراء خفيفة

5-لو عاملة رجيم اجرى على السوبر ماركت ومحلات الحلويات واملى التلاجة شوكلاته وحلويات وجاتوهات يراعى التجول واكل الجاتوهات امامها

6-ماتنساش رايك فى طبيخها لو عاملة لحمه قولها الفراخ دى حلوة اوى ولو طابخة باميه قولها حلوة اوى الملوخيه دى ولو عاملة كيكه قولها انا بحب اشرب شاى مع البسكوت الحلو ده

7-لو طلبت منك تنشر الهدوم قولها حاضر مع ابتسامه حنينه وبعد ماتخلص نشر قولها انا نازل اجيب الهدوم اللى وقعت منى فى الشارع ولو سالتك هوا ايه اللى وقع اذكرلها كل هدومها اللى كانت مغسولة مع فردة شراب من بتوعك عشان متبقاش مقصوده

8- لو حبت تمسح ارضيات البيت حاول انك تروح وتيجى على المناطق المبلولة متتحجج بانك محتاج تتصل ضرورى بواحد صاحبك ومرة تانيه عطشان وكده

9- لو هى مشغولة مع اولادك او بتنظف البيت وقالتلك اغسل الكوبيتين اللى فى الحوض ارجعلها كمان دقيقة وانت ماسك كوبايه من الاتنين وهى مكسورة وقولها ارمى دى فين ياحبيبتى

10- واخيرا وهى قاعدة معاك تتفرج على التليفزيون وهى طالع عينها من تنظيف البيت حبيبتى معلش ممكن كوبايه ميه عشان ضهرى بيوجعنى

ههههههههههههههههههههههههههههههههههه
انا جالى شلل رعاش يانهال
حرام عليكى ياوليه
طب هاتى حاجة نكفرهم بيها
استغفر الله العظيم

ههههههههههههههه لا لا لا مستحيل بعد كل الغلب دا والتعب دا

قوم يعمل كمان كدا لالالا دا هخلعوا من يوموا وبلا رجعة كمان

بجد الجواز الايام دي صار حاجة مش مطمنة أبدا أنا قررت أنضم لقائمة العازفين عن الزواج خلاص

» شديد: أبو علي قال لي "أقعد جنب مراتك" ومن يمتلك عقدي مع الأهلي فليشهره
» المركز العربي للاوريجامي**ازاي نعمل فوانيس رمضان***
» كلام مضحك قال ازاي تبقي رومانسي
» كل واحد يجيب اسم والي بعدو يقول ازاي يقربلو ادخل بسرعه يلا
» ازاي تموت صرصار طريقه عبقريه جدا