آخر البنات المحترمات..

مجموعه من الحلقات يوميا ................... يوميات منى و احمد فى الصحوبيه

اخر البنات المحترمات

..منقوله من احد المواقع الالكترونيه..

كتابتها: رفيف الخميسى

حكاية اتنين متصاحبين و ازاي الصحوبية بتاخدك خطوة بخطوة وراها و الشيطان بيزينها

للناس من غير ما يحسو حتى الناس المحترمة عن طريق حكاية مني واحمد وازاي عرفو

بعض وحبو بعض في حلقات

يا رب تعجبكو

الحلقه الاولى

المكان :كلية تجارة بأي جامعة في اي مكان في مصر

الوقت :اول يوم في الدراسة

الشخصيات:

احمد امام : "سقيط كبير" شاب في الثالثة والعشرين ولازال في السنة الثالثة بالكلية.

مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول

سنة لها بالجامعة, فتاة جميلة محجبة.

كريم : صديق احمد بالسنة الرابعة وهو طبعا اصغر من احمد.

شيرين : صديقة كريم واحمد ,بالسنة الثالثة , قريبة لمني من بعيد.

********************

حديث يدور بين شابين يدخنان في الكافيتيريا في الكلية وهو مكان يكشف بقية ساحة

الكلية

احمد وهو يلتفت بجسده وعينيه خلف فتاة تسير امامه نافثا دخان سيجارته

احمد: الدفعة الجديدة شكلها جامد مووووت.

كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي

قبلها والي بعدها ,وياتري بقي انت ناوي تنجح السنة ولا زي كل سنة.

احمد: ايه السيرة الغم دي , النهاردة اول يوم , خليك خفيف كده عشان احبك.

كريم: يييييييه اهي شيرين وصلت هخلع انا بقي عشان دي جايه كمان ومعاها واحدة

صاحبتها.

كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي

أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.

*********************

مني: انا خايفة يا شيري اني ميبقاليش اصحاب في الكلية.

شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي

الاصحاب فين .

مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا

اخواتي قالولي......

شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب

في بعض , انتي مش كان ليكي اصحاب صبيان في المدرسة.

مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين

صاحباتي, وبعدين انا مكنتش برضه معاهم اوي انا مبحبش الجو ده.

شيرين بصوت خافت: انا قلت برضه انتي هتتعبيني.

ثم بصوت عالي : ايه ده كريم وايمو اهم .......هااااااي.

مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش

كنا هنجيب الجدول بتاعي؟.

*******************

اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل

وجه جديد

ضربت شيرين بكفها علي كف احمد وهي تقول:

شيرين : ايمووو انت فين ياراجل .

رد عليها برتابة: في الدنيا هكون فين يعني ؟

شيرين :ايه الغلاسة دي وبعدين كريم ماله كده جري زي الي عليه فلوس لحد .

احمد: اصله افتكر واحد صاحبه كان مستنيه .

شيرين : اه.

احمد بتسبيل : مش تعرفينا .

شيرين : لا مش هعرفك ,مش سكتك خالص على فكرة .

شعرت مني بالحرج من الكلام الذي يدور وحاولت ان ترد بأي شيء فصمتت

اخرجت شيرين تليفونها المحمول وطلبت رقماً:

شيرين: ايوه يا واطي ..... جريت ليه اول ما شفتني ........يا راجل ...

ومدت برجليها بعيدا قليلا عن احمد ومنى

احمد: انتي بقي سنة اولي ؟

احمد في رأسه* اكيد والا كنت شفتك .

منى بخجل :اه

منى في رأسها *يوه يا شيرين خلصي بقي.

احمد: معاكي الجدول ولا اجيبهولك .

مني وقد ارتبكت : لا ... ماهي شيرين هتيجي معايا... يعني ..هنشوفه .

احمد: طب استني خليكي هنا.

وانطلق كالصاروخ مغادرا اياها ,في نفس الوقت الذي انهت فيه شيرين المكالمة

شيرين:الله؟ فين الواطي التاني؟

منى : معرفش , قالي استني وجري و بعدين امسكى لسانك شويه ..

شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى

مبقتش عيب سيبك دلوقتى قوليلى هو قالك انه راجع ولا قال ايه؟

منى: مقالش حاجة يلا نمشي بقي.

شيرين : لا استني اهه, ماله بيجري كده ليه ؟

وصل احمد لاهثاً ومد يده بورقة الي مني

احمد: اتفضلي يا ستي , جدول سنة اولي.

نزعت شيرين الورقة من يده وهي تجذب يد منى بعيدا

شيرين: متشكرين يا سيدي , بس ريح نفسك , قلتلك مش سكتك .

اعترض طريقهم قبل ان تغادرا

احمد : ايه ايه , رايحين فين ؟

شيرين : انت مش جبت الجدول , يلا باي بقي البنت جديدة وهلففها في الكلية.

تجاوزتاه وهو يتابعهما ببصره قائلا

احمد : اجي معاكو.

شيرين تهتف وهي تجر مني ورائها جراً

شيرين : لا شكراً.

ظل احمد يتابعهما ببصرة وهو يقول في نفسه

*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات

التانية؟؟؟.

مني وهي تكاد تركض خلف شيرين , التي انطلقت وكأن كلب يجري خلفها

*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا

كلهم اصحاب عادي؟؟؟

تابعوها............. و يا رب تعجبكم

تسلم ايدك اجمل مراوى توحشت توبكاتك جدااااااااا

تسلمى ياغالية وللامااااااااااااااااااام دائما

تسلميلى حببتى ع مرورك الغالى بس اللى مش تزهق من توبيكاتى

تسلم ايدك مراوى على القصه و يلا انزللى بالتانيه شوقتينا ههههههههههههه

شووووووووفتينى اكملها عجبتنى اوى وهتسنى باقى الاجزاء

تسلم ايدك على التوبيك الروعة بجد جميل وفكرتو جديدة

شكرا لمجهودك واحلى تقيم لاحلى توبيك

احنا بانتظار كل ماهو جديد لكى مراوى

ويارب ديما بتقدم

فعلا شدتني الحكايه وياريت مراوي لما الجزء

التاني ينزل تبعتيلي رسياله علي المنتدي عشان

مش بدخل كتير وكل عام وانتي طيبه

وشكلها حكايه جميله

تسلميلى اتش ع مرورك الغالى واكيد حاضر لما انزل الجزء التانى هبعتلك نورت والتوبيك

تسلمى حببتى سهوم ع مرورك الغالى يا جميل

مش هنسى الباقى حببتى وهتشوفى

تسلمى ع مرورك الغالى

تسلمى حببتى رانا ع مرورك يا قمر

الحلقه الثانيه

لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف

عليها, فهو من أثارات كلية التجارة ,مضى حوالي الاسبوع الي ان لمحها تسير بين فتاتين تتوجهان

قرب الكافيتيريا وقرب مكانه العتيد بجانبها.

******************

لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية

فهو لا ينفك يدور بالكلية يسلم علي اصدقائة من كل السنوات الدراسية , وكانت تشعر بالفضول كلما

رأته خاصة والسلوك الغريب الذي انتاب شيرين حين حاول التعرف عليها .

هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟,

هل سيشيح بوجهه بعيد , يا ربي انه يبتسم.

******************

ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها

بعينيه , فابتسم لها , اطلت من شفتيها ابتسامة مترددة ,فانتبهت صديقتها ان مني لا تسمعها

فالتفتت لتري لمن تبتسم فقالت :

سارة: ايمو ازيك؟

احمد وهو لا يذكر اسم الفتاة التي تسلم عليه ولكن لم يبد عليه شيئاً

احمد: الحمد لله , ازيك انتي ؟

سارة:كويسة .

نظر الي مني مباشرة في عينيها وقال :

احمد: ازيك؟.

تمتمت مني بشيء في خفوت معناه الحمد لله فقالت سارة

سارة: ايه دا انتو تعرفة بعض؟

منى :اه

بينما قال احمد :لا

فتورد وجهها احمراراً فسارع احمد يقول

احمد : قصدي اتعرفنا علي بعض بس منعرفش اسامي بعض

سارة: بسيطة ...احمد امام .....منى ممدوح.

مد احمد يده *ايوه كده تمام

احمد:فرصة سعيدة.

مدت مني يدها بتردد* انا مبحبش الي بيسلمو بالايد

مني : شكراً.

ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم

يضغط مما جعل وجهها يحمر قليلاً

احمد* اول مرة بنت تحمر عشان سلمت عليا

منى *ايه الولد دا

*****************

بعد هذا اليوم بأيام رأي احمد منها , لم يرها صدفة , بل كان ينتظرها المدرج , وقد قارب موعد انتهاء

محاضرتها , وقد لا حظ انها من هواة حضور المحاضرات, وهذا شيء غريب على غير الصف الاول في

الكلية ,لم ينتظر كثيرا كان متوقفا مع "شلة" من اصحابه في السنة الثانية بالكلية اذ لا حظ نزول

الصف وبينهم مني, لم يتحرك نحوها , بل توقف في مكان يراه فيه النازلين من المدرج , واثقا من انها

ستراه فيه.

رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه ,

تعلقت عيناها به بينما قالت سارة

سارة: الواد دا زي العسل انا يوم ماعرفته مبطلتش ضحك.

قالت فتاة اخري معهما

ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن

الصغير.

سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22

,23 سنة.

ميرنا: تعالي تعالي نسلم عليه.

وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف

انا.

التفتت اليها سارة ملاحظة تجمدها في مكانها

سارة: فيه ايه يا بنتي متنحة ليه ؟ اتحركي.

مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.

سارة: طيب مش هنتأخر.

وتوجهتا نحوه وسارة تسمع صوتهما :

ايمو , ازيك .

*انا ماليش دعوة عايزين يقفو معاه هما حرين انا ماليش في الناس الي بتسقط.

وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته

بالضحك والهزار , جيد ,ها هن الفتيات يقتربن , ما هذا ؟ لماذا تسمرت منى؟ مالذي يحدث؟,لا لا لا

الي اين هي ذاهبة؟

يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.

*ماشي يا مني بتحلقيلي انا هوريكي , مش انا الي يتعمل معاه كدة

انتظرونى ...........

جميلى اوى مروة وامتعتنى تسلم ايديكى ومستنينك Very Happy

تسلمى حببتى ع مرورك الغالى

تسلم ايدك اجمل مراوى بس ابقى نزليها كل جزء فى توبك احسن علشان

متبقاش نتالخبطه مع الردود بتاعتنا

اوك حببتى حاضر

تسلمى حببتى ع مرورك الغالى

يسلمووووووووووووووووو اجمل مراوى مستنين باقى الاجزاء يا جميل

بجد قصة رائعة ومتشوقة اعرف الباقية

تسلمى حببتى

حنين ع مرورك الغالى

تسلمى حببتى

رانا ع مرورك الغالى

فين الجزء الثالث يامروتى

الجزء التالت نزل حببتى

» اخر البنات المحترمات الحلقه الرابعه 4
» اخر البنات المحترمات الحلقه الخامسه 5
» اخر البنات المحترمات الحلقه السادسه 6
» اخر البنات المحترمات الحلقه السابعه 7
» آخر البنات المحترمات.. الحلقه الثالثه