أشهر جمل بيقولوها الأب و الأم في مصر

أشهر جمل بيقولوها الأب و الأم في مصر

* امشى جاتك مشش فى ركبك .^^

خلف تيجى تتفرج .

*ذاكر يامو*** مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هات كيس عيش وانت راجع.

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* فلان دا عيل بايظ وماتمشيش معاه تاني .

* مين فلانه دي انتى كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط .

* احمد ربنا الاكل الى مش عجبك ده فى ناس مش لقينه .

* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة
جاز أو على عامود النور الي في الشارع و نجح وخد الدكتوراه وسافر أمريكا
( ٌٌقال يعنى كان بيعرف يركذ والناس ماشيه حوليه فى الشارع )

ههههههههههههههههه

فعلا معظم الجمل دى بتتقال فى كل البيوت

منقول
طفى المسخره دى يابت Crying or Very sad

تمت اضافتها لان نهتى حبيبتى عاوزة تضيفها
اى خدمة ياجابر

وكانو بيقولولك ايه كمان يا خالتووووووووو

يادي الفضايح علي الصبح يا ولاد

قوم يا مكوس كتك ضربه في لوازقك--الجمله الشهيره الي كانت بتتفالي--

ههههههههههههههههههههههههههههههههههههههههههه

جميل الموضوع ةجديد يا خالتوووووووووووو

هههههههههههههههههههههه

Admin عدد الرسائل : 8186 تاريخ التسجيل : 04/11/2008

ههههههههههههههههههههههههههههههههههههههههههههه

والله موضوع حلو اوي اوي عارفين ليه

لأنه ببساطه لو نظرنا نظره موضوعيه لكل عباره فيه حنلاقي انها نصيحه حلوه

وتقريبآ دي هيا وظيفه الاب والام اللي ربنا زرعها فيهم بالفطره والهدف النهائي منها انهم يشوفوا أبنائهم وبناتهم

أفضل الناس وأعلاهم مرتبه واكثرهم علو

لكن للأسف كمان حنلاقي ان الابناء عاده غير متقبلين للنصايح ومش عاجباهم ودي كمان من سنن الحياه الفطريه

وليها فايده

متستغربوش ايوه ليها فايده

فايدتها ان الابناء والبنات يجربو بنفسهم مخالفه النصيحه ويقعوا في المحظور ويغلطوا ويندموا ويتعلمو ويعترفوا فيوم من الأيام

ان ابوهم وامهم كانو علي حق فكل كلمه كانو بيقولولها لأبناهم ....

وساعتها حيعرفوا مقدار حب ابوهم وامهم ليهم

وويدعولهم بالرحمه والمغفره

ضنايا فاهم وواعى
الهى يسترلك طريقك يارامى ياابنى
حلو كلامك ومفيد وصح الواحد بيتخنق لو
سمع نصيحة بس بيعرف انها الصح
لما يتقرص فى الغلط

ضيفي عليهم يانونا ( طفى المسخره دى يابت )

دى الى جانب كمان بتاعة الكمبيوتر ماما بتقولهالى انتى حيجيلك تخلف عقلى منه

تسلمى نونتى على الموضوع الجامد والله حلو اوى هههههههههههههههههههههه سامحيني على تاخيرى بالرد

ههههههههههههههههههههههههههه
بسبسس ههههههههههههههههههههههه

ضيفها يا خالتو لموسوعه الكلمات دي

babydolfen كتب:: ضيفي عليهم يانونا ( طفى المسخره دى يابت )

دى الى جانب كمان بتاعة الكمبيوتر ماما بتقولهالى انتى حيجيلك تخلف عقلى منه

تسلمى نونتى على الموضوع الجامد والله حلو اوى هههههههههههههههههههههه سامحيني على تاخيرى بالرد

اهو ضيفتها عشان غلاوتك يانهتى

gaber1 كتب:: ههههههههههههههههههههههههههه
بسبسس ههههههههههههههههههههههه

ضيفها يا خالتو لموسوعه الكلمات دي

ضيفتها ياواد خلاص اطلع فوق هتلاقيها
وبلاش تصييح بقى
كان منتدى ابوكم ولا ايه ؟
هههههههههههههههههه

ههههههههههههههههههههههههه شو مايطلع منهم زي العسل على قلوبنا

ايه الحلالالالالالالالالالالالالاوة دي يابت انتي

انتي تسكتي تسكتي وتيجي بقنبلة رووووووووووووعة

الهي تفضل الفرحة دايما بقلوبكم والبسمة ماتفارق شفاتكم

اااااااااااااااااااامين يارب

مشكورة ياعمري على الموضوعع الراااااااااااااائع

تقبلي مروري

جارة القمر كتب:: ههههههههههههههههههههههههه شو مايطلع منهم زي العسل على قلوبنا

ايه الحلالالالالالالالالالالالالاوة دي يابت انتي

انتي تسكتي تسكتي وتيجي بقنبلة رووووووووووووعة

الهي تفضل الفرحة دايما بقلوبكم والبسمة ماتفارق شفاتكم

اااااااااااااااااااامين يارب

مشكورة ياعمري على الموضوعع الراااااااااااااائع

تقبلي مروري

ميرسى يالولو خالص على مرورك

ههههههههههههههههه
والله كل ده صح بس كمان كله لمصلحتنا
مرسى ع الموضوع بجد روووووووووووووووعة

ههههههههههههههههههه
وضيف عليها
اومى اكنسى وامسحى الارض و اغسلى الموعين
اه ياما بنسمع
مرسى على الموضوع كتير حلو

ههههههههههههههههههههههههههههههههههههههههههه

موضوع تحفة وكلة بيتقال تمام التمام واحنا اللى مش بنسمع الكلام وسمعنى احلى سلام

للطناش وعدم الاهتمام اقولكو حاجة يلا بينا ننام

هههههههههههههههههههههههههههههههههههههههههههههههههههههههههههههه

تسلمى يا نونا على التوبيك التحفة

ههههههههههههههههههه يجنن وياريت امي مصريه Sad

بس برضه بحب ماما I love you

» الكل يتغنى بحنان الأم..فماذا عن قلب الأب
» حالة نادرة الأب و الأم أقارب و الجنين يشبه مخلوق فضائى
» 95 % من الشباب بيقولوها للبنات .... هى إيه ...؟؟؟؟!!!!
» الأم
» الأب و البنت مع العريس من سنة 1930 الى سنة 2030