ممكن افضفض معاكم شويه لو سمحتم

اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

طبعا ده شعر عمنا صلاح جاهين

يمكن انا كررت الاسم ده كتيرعارفين ليه!!!
الراجل ده كان مصري اويييييي

خفه دم محصلتش ابن نكته

وشاعر حساس جدا

كلامه بيوجع القلب ويقول الي انت عاوز تقوله

بحس نفسي شبهه مع الفارق طبعا بين العملاق والقزم الي هو انا

اقصد بحس انه بيحب الشعر والضحك

ويكره النكد بس ساخر علي اوضاعه

شكلي صح

هههههههههههههههههههه

بخصااااااااااااااار الراجل ده عارفين مات ازاي

؟؟؟؟؟؟

مات بمرض الاكتاب اه والله!!

مقدرش يغير وضع البلد بشعره مات

ربنا يستر عليا انا بقه

لو اكتابت حيبقي سنتكم وسنتي سوده

شوفوووووو حل بقه

عاوز اعيش في البلد دي ومش عارف

حبي ليها مش ترف

حبي ليها مش عادي ولا هو مستحيل

ببكي جدا لما اشوف عماره عاليااا زي الي بشوفها بره

ببكي جدا لما بشوف ناسها الطيبيين

ببكي زي الطفل الرضيع الي نفسه امه متكبرش في السن وتموت

مش عاوز مصر تموت والله بجد

يا جماعه الي بقوله ده بجد حقيقه وواقع

الناس بره شيفانا كباار جدا

يا جماعه دوول بيبصولنا بنظره اننا عمالقه في كل حاجه

مره بقول لواحد امريكي عجوز لما سئلني عن جنسيتي

انا مصري

الراجل طول مهو بيكلمني حاطت ايده علي راسه

انا كنت بحسبه كان بيهرش ونسي ايده علي راسه

ولما طول الوضع ده قلتله انت حاطت ايدك علي راسك ليه

قالي واقسم بالله

قالي علمونا زمان في المدارس اني لما اكلم مصري من نسل الفراعنه

تبقي ايدي علي راسي علشان منساش انا مين وهو مين

انتم يابني اصل الكون انتم الي عملتم حاجه اسمها حضاره وتقدم

اوعي تحسب دي مجامله الامريكي ميجاملش بس يعرف مقام الي يكلمه

ويتعامل معاه علي اساس مكانته ومكانه

وده مبيحصلش الا مع المصري بس

بالله عليكم

الواحد لما يشوف حاله البلد حاليا والوضع ده

يقول للراجل ده لو قابله تاني نزل ايدك ياعم

النمره غلط

ولا اعمل ايه

!!!

العيب فين

فينا

في الظرووف

في الي قاعدين علي الكراسي وسيبنها تخرب

يا جماعه نفسي اعيش هنا والله العظيم

مش عاوز اموت زي الي بيموتي بره

ومش عاوز اموت جوه بالاكتاب زي صلاح جاهين

هو الكلام الي بقوله ده هبل في عبط

هو مش من حقي اموت وانا فرحان

هو مش من حقي اموت في بلدي وانا رافع راسي

هو مش من حقي اسيب البلد الي ماليش فيها جزور ولا تاريخ

مش من حقنا نكون زي الناس الي بتشوفوها متلمعه بدون تجميل ولا تكميل

الغلط فييييييييييين

؟؟؟؟؟؟؟
[/size]
[/size]

Admin عدد الرسائل : 8186 تاريخ التسجيل : 04/11/2008

البيضه عند الفرخه

والفرخه عايزه حبه والحبه عند الفلاح والفلاح عايز مسمار

والمسمار عند النجار والنجارعايز بيضه والبيضه عند الفرخه واللللللل .......................................... !

انا من يوم ما أتولدت وأنا بسأل نفس السؤال وبعد عمري اللي عيشته ده وخلاص علي وشك يخلص

لسه ما زلت بسأل و بيقوليلي البيضه عند الفرخه والفرخه عايزه ..................................!

وانا حموت وانت حتموت وحتفضل البيضه عند الفرخه والفرخه عايزه قمحه

farao

وعيالنا لو جم حيعيشو ويموتو ولسه البيضه عند الفرخه

متشائم انا زياده حبتين ........؟

اصلنا شعب جبان jocolor

عصايه تفرقه وزماره تلمه

دي خلاصه الكلام

king

سلام يا صاحبي queen

..

.
..

نسيت اقولك حاجه

صلاح جاهين مات مكتئب بسبب صدمته من هزيمه 67

متخافش احنا عايشين فيها ومتعودين

أنا شفت الموضوع قولت اما ادخل اشوف وافضفض انا كمان

اه بس منك ياجابر انت عامل زي الى جيت اشكيلك همي

لقيتك بتزيد هم لهمي

ياسيدي ماتخدش في بالك كتير المهم حياة وبنعشها

وبطولها وعرضها وطولها وقصرها بنعشها وحنعشها

ولو مش بكيفنا يبقا غصب عنناااااااااا

يقطع الظرووووووووف والى رءاس علينا الخروف

حتى الخروف بنستفيد منوووووو اه ياني

بس خلاص تعبت

عندك حق يا جابر فى كل اللى قولته

بس بصراحه احنا اللى عاملين فى نفسنا كده

ليه الواحد يكره طالما ممكن يحب

ليه مش كل واحد يعمل اللى عليه من غير ما يقول هاعمل زى الناس

يا جماعه احنا فى خير كبييييييييير ومش شايفينه

هانقول سياسه دوله هانقول عيشه صعبه مهما قولنا ومهما عيدنا

طالما يوجد من هو اقل منك يبقى انته عندك اللى مش عند غيرك

تعرف انا معايا شباب عراقيين بالشغل بيهاجروا للاى مكان

ومره واحد قالى مش عايز جاه ولا سلطان ولا غنى

عايز انام فى امان واصحى واشوف الشمس وهيه بتشرق

الوطن قيمته كبيره جدا بجد وزى ما فيه ناس بنتشائم منها

فى كتير طيبيين بس المشكله الاكبر فى نظرى

كل بيتطلع على غيره

ويكفى من كل ده الايه الكريمه اللى بتقول

بسم الله الرحمن الرحيم

ادخلوها بسلام امنيين صدق الله العظيم

فى ناس بتصحى على صوت المدافع

مصر فين من الدول اللى نفسها تحس بالامان

انا مع اللى يقول غلا وبلاء كتر وحاجات تانيه كتير

بس ده لازم يكون موجود

ايام الرسول صلى الله عليه وسلم

كانت الناس تترك اولادهم واغلى ما لديهم من اجل ايه؟

كانوا مضطهضين كانت قلوبهم مملوئه بالايمان

يحاربون يضحون باموالهم وانفسهم من اجل ان نصل نحن الى ما فيه الان

وسورى يا رامى انا مش معاك فى الجمله اللى بتقول فيها

شعب جبان عصايه تفرقه وزماره تلمه

الجبن موجود فى كل مكان

بس فى نفس الوقت فى ناس عندها شجاعه ممكن تعمل حاجات كتير

والله والله والله احنا فى خير كبير

والنمره عمرها ما كانت غلط يا جابر

وان شاء الله هاتفضل هيه هيه النمره

طول ما الايمان موجود ونبتحلى بالصبر

بالصبر تبلغ ما تريد**وبالتقوى يلين لك الحديد

مشكور على كلامك الجميل يا جابر

اعزرونى ده رئيى بكل صراحه

بجد انتو نكدتو عليا
انا لوحدى فى ام السايت دة
وله ياجابر بلاش تشائم لان
العمليه مش ناقصة اصلا

كلام كتبته من زمان

ولسه قاعد مستني

لما يحصل التغير حد يدق علي بابي

او حتي يسبلي مسد كول

وانا حرجع علي طول

وحتي هذا الحين

سبوني زي منا

سلام

عاوز ترجع ؟
طب انا بدق بابك
محتاج رنة؟
طب قوللى وانا هرنلك
جابر بجد تقصد ايه؟انت حاسس ايه كتبت كدة؟

زائر

الله عليك على شعرك الرائع تحيا مصر ادا انجبت متل جابر

بجد يا هشام انت جيييييييييت ع الجرح وخاصة انى بعشق صلاح جاهين وبموووووووت فى الشعر ده بالذات
على اسم مصر التاريخ يقدر يقول ما شاء

أنا مصر عندي أحب وأجمل الأشياء

وكلنا اكيد مش عاجبنا الوضع بس انا عايزة اقول حاجة 0000000
لا يغير الله ما بقوم حتى يغيروا ما بانفسهم 0
لازم كلنا نتغير ونسيب السلبية دى بقى ونوقف الناس دى عند حدها لان دى بلدنا مش بلدهم
مهياش بلد اللى قاعد ع الكرسى ومش دارى بحاجة ولا هى بلد اللى بيسرق ويهرب على بره ولا هى بلد اللى بيبنى بيوت تتهد على دماغ صحابها ولا هى بلد اللى بيسيب الناس لحد ما تموت من الجوع او البرد او التعب دى بجد بلدنا احنا احنا الناس اللى دايما كان مرفوع راسنا زمان انا دلوقتى اما اكون فى منتدى مااااااا والاقى حد بيشتم رئيس ولا وزير ولا حتى مواطن فى بلدى برد عليه لحد ما اخرسه لان هو ده طبعنا ندعى على ابننا ونكره اللى يقول اميييييييين 000000000
بجد يا جابر مش عارفة اقولك ايه بس احب اقولك حاجة انت ورامى كمان ربنا يخليكوا لاهلكم ولينا ولمصررر لانها محتاجة ناس زيكم بجد ومرسى ع الموضوع الروعة ده 00000000

تسلم يا هشوووووووووووم على التوبيك ده

تسلم هشووووووووووووووووووووووووووووم ع التوبيك ده

بس المشكله ان الاصلاح مش هيجى غير بالاتحاد مش اكتر

ازيكم ياجماعه عاملين

ايه يا جابر ده تعبت قلبنا ايه الكلام التقيل ده انت عندك حق في كل شئ

بس خليني اقولك حاول تدور علي الشئ الكويس وامسك فيه بايديك وسنانك وحاول تعيش حياتك تدور علي السعاده

اعمل زيي يعني انا بعتبر نفسي باحثه عن السعاده والحم لله اوقات بلاقيها بشده واكتر شئ في الدنيا يسعد بسمه طفل او ضحكته بصوت وخصوصا لو كان صغنتوت اوي شفتوا ضحكتوا عليا وكنت هفضفض انا كمان

يلا ياجابر اخلع رداء الكابه والحزن والبس رداء السعاده حتي وان ماكانتش موجوده يلا هات ايدك في ايدي وفي ايد كل واحد بيدور علي السعاده ونبث كلنا مع الشرطه عن السعاده
ههههههههههههههههههههههه ودي حته سعاده

الله عليك على شعرك الرائع

» مضايق شويه طيب ماتيجى تتضحك معايه شويه أفيهات تموت من الضحك
» ليه الواحد ممكن يفصل سكرتيرته ؟ موقف منيل ممكن يتحط فيه اي راجل اووووووووف بجد ..
» لو سمحتم
» لو سمحتم ياريت يبقى فى اهتمام اكبر بمحمود
» شويه تنازل وتسامح