لو دى جدتك هتعمل ايه؟

خيل انى دى جدتك كنت هتعمل معاها ايه
لو دى جدتك هتعمل اية..........

الله أكبر الله أكبر..أذان الظهر..

يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -

ياستى بس أنا فى تجارة-

وماله يابنى هو يكتر على ربنا...... ده ربنا قادر على كل شئ -

ياستى ونعم بالله بس اللى بيطلع دكتور لازم يكون فى كلية الطب مش التجارة-

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-

ياستى التجارة اللى فى الوكالة حاجة واللى فى الكلية حاجة تانية-

ع العموم شد حيلك انت وانا أخلى جدك يخدك معاه الوكاله عشان تتدردح وتتودك فى السوق-

جدى إيه اللى هايخدنى معاه .....ده جدى مات من زمان ياستى-

يامصيبتى عبد الواحد مات..ياحبيبى ياأخويا..مكنش يومك ياسبعى-

ياستى ده ميت من تلتين سنة-

تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى-

يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-

ياستى دبلون إيه..أسمه البكالوريوس-

انت عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-

خلاص دبلوم دبلوم ياستى ..سيبينى بقى عشان أذاكر -

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان

ياستى عبير دى معاها أعدادية-

-وماله يابنى ...الراجل مايعبهوش إلا جيبه

راجل ...راجل مين ياستى...عبير دى بنت -

-عبير ...عبير مين ياوله..انت بتعرف بنات من ورانا

لا إله إلا الله....أبوس رجلك ياستى أرحمينى بقه -

-طب ذاكر....ذاكر جتك نيله وه انت طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس والله الغظيم لكو ن مبوظه الخطوبه دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

صحيح ياوله ..انت عندك حق أنا مليش إخوات بنات..أصلى أناأمى ماكنتش بتخلف صبيان-

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -

لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-

خلاص روحى المطبخ ...أهو زمان أمى خلصت الرز-

رز...رزإيه يابنى....هوأنا ليه سنان للرز...أناهطلع البلكونه أحسن-

طب أبقى خلى بالك م الهوى ياستى-

هوى لما يلطشك-

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

يااااااارب يعجبكم
ويكون فى عون اللى عندة جدة كدا

بس بجد لو دى ستك تعمل أيه

م ن ق و ل

انا اتشليت من الاول بس كملت قرايه عاوزه اعرف أخر الوليه دي ايه حاجه تجيب الضغط والسكر اووووووووووف ...... انا عن نفسي حاحاول اخليها تنتحر واخلص ياما اسيبلها البيت ياما الحل الاخير والنهائي وهو

Admin عدد الرسائل : 8186 تاريخ التسجيل : 04/11/2008

هههههههههههههههههههههههههههههههههههههههههههههههههههههههههه

دي ضحكه اول سطر قريته ههههههههههههههههههههههههههه استنو لما اكمل قرايه بأه .

هههههههههههههههههههههههههههههههههههههههههههههههههههههههههه لا مش ممكن هههههههههه

حتجوزه انيسه هههههههههههههههههههههههههههه اكمل بأه تاني هههههههههههههههههههههههه .

ههههههههههههههههههههههههههههههههههههههههههههههههههههههههههههههههههه

لو دي ستي تبقي عسل والله واشيلها علي راسي ... ماهي دي كانت فيوم من الايام مزززززه جامده يا امه

هههههههههههههههههههههههههههههههههههههههههههه

والله انا كمان حبيتها ياولة
بحب انا الستات الكبار

Admin عدد الرسائل : 8186 تاريخ التسجيل : 04/11/2008

الكبار كانو فيوم قدنا يا امي واصغر

وفيوم حنبقي زيهم لو ربنا ادانا العمر