كل مصري وله جزاير

Posted by أحمد العايدي on Wednesday, November 25, 2009

كورة ماشي

ماتش ماشي

عدِّي واجرح وانت

ماشي

سنجة.. مطوة

قزاز مكسَّر

طوبة ماشي

بس نشن

لا لا لا..

مش إسرائيلي

م اللي دابحين عيال

في غزة

لا لا..

بنت حاطة

شال وشنطة

وزي أختك

جاية بس عشان

تشجع..

هيا آه مضطرة

تقلع لون بلدها

عشان جنابك

تور وشايف كله

أحمر

إحدف السكين

..لفوق

ينزل على دماغ الحريم

والفناين

كسَّر قزاز بالإرادة

هيا دي الرياضة

وكل ماتش وله خساير

كل مصري وله جزاير

مش دي بلد المليون

شهيد..

وجميلة بوحريد

اللي دمه يسقي التراب

يسلَك

مش ممكن يرفع

ع البشر كَزلَك

نصيحة لوجه الله

ولأي حد بالتحديد

جزايري

.
.
كوكب الأرض

فيه ع الخريطة

بلد

مذكورة في القرآن

ميغركوش

في اسمها

"طيبة"

يسلم فمك والبطن الي لمك

وتسلملنا الي نقلت عنه

شكرا لوليه

يالي من العين محميه

ومن رب العبادمرضيه

ومن الواد جابر تخدي بدال بيت الشعر الف وميه

يلا هيصي بقه

ههههههههههههههههههههه

هههههههههههههههههههههههه فعلا هيصت

مين قدي مين قدي جابر جاي حدي

واحلى كلام موزون بيقولي

واحلى هيصة خلاني اهيص واقول هيييييييييييييييه

كل مصري وله جزاير 33331ro

» صور لاحلى ثلاثى مصري
» فديو اعدام مصري علي يد جماعه ارهابيه
» حوار مع مواطن مصري خفيف الظل
» عيد ميلاد مصري ونجاة كل عام وهما بألف خير
» ارفع رأسك يأخي انت مصري بطل افريقيا