موضوع الايفال ان مطرب مشهور بيقابل اشخاص بشتغلوا بمهن شعبية وبيحاولوا يقنعوه بان صوتهم حلو
هذا التحليل من وجهة نظرى الشخصية وارجو من الزملاء الاعضاء مشاركتى بالردود ووجهات نظرهم
شكرى:- فى دور موظف البنك كان ايفاله متواضع وغير مقنع وان اجادت ميرال التمثيل فيه ولكن شكرى افور فى التمثيل وكان كتير الحركة اما الغنا كان عنده مشكلة نفس ونهجان
رامى :- لم يعجبنى تمثيله لدور حلاق السيدات المايص وكمان كان فيه ايحاءات بنفخ السيليكون وهذا غير لائق وزينة ورامى فى المشهد افوروا التمثيل اما الغناء فكان متواضع
عزوز :فى دور بياع الورد مشهد مكرر زى مشهد اسما الايفال الماضى وان كان عزوز النهاردة مثل وغنى كويس
موغا : صراحة وبلا تحيز اكتر مشهد عجبنى لانه بسيط وكان موغا مقنع جدا وتلقائى فى دور عامل الاسانسير اما الغناء فكان اكتر من رائع
سلطان :مطرب افراح شعبى سلطان كان يقدر يعمل افضل من كده وكان معاه مغربى مثل معظم المشهد ولكن طلة سلطان كانت حلوة والغنا جيد
اسما : فى دور العرافة المشهد فاتر وغير مقنع وخيالى قوى وهى افسدته بكثرة الضحك والغنا كان قفلات الجمل غلط وكمان كانت بتطلع بره التون كتير
زينة : فى دور الشغالة كان المشهد حلو من زينة لكن رامى افور ردود الافعال والغنا كان حلو بس بعض القفلات قطشت منها لكن كان حلو قوى
نصيف : فى دور عامل البوفيه صدمنى تمثيله لانه مش منطقى يكون واحد مايص ولما يغنى يكون صوت جبلى خشن اما الغنا نصيف شاطر فى هذا اللون
بدرية :فى دور كوافيرة مشهد سخيف مفهمتوش وممل بس الغنا كان حلو قوى
محمد رمضان :فى دور سايس عربيات مشهد عادى لكن رمضان ممثل على قده وساعدته رحمة والغنا كان حلو بس كان فيه شوية ارتباك بس جميل
رحمة : فى دور ماسحة الاحذية شاطرة فى خلق الحركة والمواقف صراحة ضحكتنى بس لما غنت كانت نفسها مش مضبوط من كتر الحركة فاثر على الغناء
ميرال : فى دور مضيفة الطيران المشهد حلو لكن اخره مش منطقى اما الغناء كان حلو
طاهرة:فى دور الخياطة معرفش ليه ما استخدمتش زملائها البنات فى المشد فى دور السيدات واستعانت بعزوز وسلطان ولبستهم فساتين يعنى ازاى عزوز يكون ست بشنب ودقن وكمان الغنا كانت طبقة عالية عليها فنشزت فى اجزاء من الاغنية
شكرى قال افضل 3 هم زينة نصيف سلطان
واسوأ3 هم
شكرى طاهرة رحمة اسما
من وجة نظرى النومينه هم
سلطان او ميرال
طاهرة
اسما
الإثنين 19 أبريل 2010 - 21:33
