دستور يا سيا دنا العواف يا مباركين عاملين ايه اولا شكرا علي تعليقاتكم الي حتجبلي الشلل دي الي يقولي حنمووت والي تقولي حرام عليك مش قادره امسك نفسي والي تقولي منك لله حموت من الضحك 
طيب ااعمل ايه بحكي ماساه والكل بيضحك علي مش كفايه علي اني بقولكم فضايحي
المهم يلا نفقع ضحكه الاول علشان نسلك الكلام والي مش حيضحك يارب يقوم الصبح ميلقيش فرده الشراب بتاعته
ويتفضح فضيحه في الشارع يلا نضحك التمرين في عدتين 1 2 ههههههههههههههههههه
بس كفايه نبدا بقه الموضوع ورايه علي السطر التانيالست ام جابر دي يا ساده يا كرام عباره عن حته سكره بجد لما تضحك الدنيا كلها ترقص
ولكن والعياذ بالله لو زعلت زعلها من نوع الغلس قوي واكتر حاجه تزعلها لما تطبخ بليل
علشان الصبح تروح شغلها وتلاقي الاكل الي طبخته اتبخر طار وعادتا بيكون المفضوح كلبظ هو الي قام بالمهمه الانتحاريه دي
وكان اكل غدا بكره وطبعا لا حعرف اكلمه ولا اتهبب معاه وامي لو جات وقلتلنا اتغديتم اكيد حنقول اه علشان امنع حرب تقوم بين ماماتي وكلبوظتي
المهم مطولش عليكم كنت مره في روم اياد وده حصل حقيقي وقريب ولو حد كان في الروم حياكد علي كلامي
ده كان يوم خميس لقيت نفسي وربنا حموووووت من الجوع وامي عامله حله لحمه يخرابييييييييييييييي
و كان الحله بتقولي تعالي خدلك حته لحمه كان كل شئ تمام كلبظ بره البيت ومامتي نامه وفي سابع نومه
يعني بلغه الحراميه الحاله هوس هوس وعيش يا معلم بقه مع حله اللحمه انا قلت لازم اكون حريص واخد حته واحده علشان مننكشفش
المهم اتسحبت بشويش حتي وصلت الي موقع الجريمه (المطبخ)وبقيت وجه لوجه قدام القتيل وادوات الجريمه جاهزه
المعلقه في ايدي والايد التانيه حتشيل غطا الحله بشويشششششششش هوسسسسسسس هوسسسسسس
وضربت ايدي في الحله وخترت حته لحمه من الي وصي عليها لقمان الحكيم ولسه حضربها في بقي لقيت باب الشقه بينفتح ان ان انننن
والمشكله او الداهيه السوده ان الي فتح الباب المدهول علي عينه كلبظ وقالي يا حرامي الحله ايه ده اخويا ....... بيسرق لالالالالالالا
يا ريتي مت قبل ما شوف المنظر ده قلتله هشششششش انت يا بغل انت المعلمه حتصحي وحناكل شباشب علي راسنا لحد منتقرع دم
اتلهي وهاتلك معلقه وتعالي خد حته لحمه زيي من سكات بصلي وقالي
... طيب مش عيب واحد زيك بالجسم الهزيل النحيف الي شبه عصايه الغليه ياخد حته وانا اخد حته زيي زيه؟؟؟؟
قلت اههه رحنا في داهيه ابوس دزمتك المعفنه بلاش طفاسه هي حته وبوق شربه تسحبه مع نفس عمييييييق الشربه تتعوض لكن اللحمه حتتعرف يا مخفي
قالي عهد مين ده؟؟ قلتله عهد الله قالي وعهد الله اصحيلك امك وقولها علي فعلتك المهببه دي
حسيت يا جماعه اني قدام عيل استغلالي والي جنني انه صورني بكميرا المحمول وانا متلبس وفي موقع الجريمه
يعني مش حعرف انكر حاجه
قلتله ولو برضه هي حته قالي بص سكه وطريق انت بقه طريقك صحراوي خد حتتك وعلي الشات بتاعك وسبني اعيش يا مان
قلتله علي جثتي كلمه ميني علي كلمتين منه بيشد الحله من ايدي وقع غطا الحله تقولوش قنبله وانفجرت في البيت طاااااااااااااااااخ........
اتبلينا وعرقنا بقي يصر مننا وفجاه لقينا امي صحيت وبتقول مين برههههه ايه الصوت ده ياولاد ,,,,
وبدا الفلكولور المصري يطلع والردح يشتغل وبنبص لقينا باب اوضتها انفتح وفي ثانيه سحبت السلاح بتاعهاالبندقيه عيار 100 طلقه في الدقيقه(الشبشب)
ولقيت المفضوح كلبظ قال ايه بيستخبي ورايا تخيلوم واحد عرضه حوالي 3 متر بيستخبي ورا واحد عرضه 60 سنتمتر وبيقولي خبيني امك ناويه علي الشر
قولتله يخرب بيت يومك مين الي يستخبي ورا التاني ولسه بنتكلم والسلاح اشتغل وفين يوجعك يا معلم شباشب شغاله شتايم ميضرش شلاليت ماشي ضرب علي
القفا شفا مخلتش حاجه من ادوات التعذيب الا واستخدمتها
اجمل ما في الموضوع اني علشان خفيف بقيت انط النطه يعدي الشبشب ويروح لحبيبي كلبظ وهو مزنوق بين البوتجاز والانبوبه ومش عارف يخرج
وخد معظم الضرب لحد ما لقيته بيقول
والنبي خلاص وربنا محعمل كدا تاني
وانا لسه بتسحب واجري علي الاوضه لقيت رصاصه طايره لبست في مناخيري اخدت الضربه من هنا ويفكيك علي الشات
وتربست الاوضه وما فيش دقايق وصدر فرمان بمنعي انا وكلبظ من اكل اللحمه شهر
انا مش مهم المشكله في كلبظ يا عيني ممكن يتهور ويا كولنا انا امنت نفسي وبقيت اقفل علي بالمفتاح وامي زي ما تقولو كده حست بالمشكله دي
وعملت زي ما عملت بالظبط وباقي علي فك الحظر يومين وان شاء الله متكنش اللحمه اتغيرت او غليت يبقي فعلا حظي نحسسسسسسسسسسسسسسسسسسسسسسسسسسسسس
]
الأربعاء 26 نوفمبر 2008 - 13:48
ههههههههههههههههههههههههههههه
