يا شعبي الحبيب

ياشعبي حبيبي ياروحي يابيبي = ياحاطك في جيبي يابن الحلال

ياشعبي ياشاطر ياجابر خواطر = ياساكن مقابر وصابر وعال

ياواكل سمومك يابايع هدومك = ياحامل همومك وشايل جبال

ياشعبي اللي نايم وسارح وهايم = وفي الفقر عايم وحاله ده حال

احبك محشش مفرفش مطنش = ودايخ مدروخ واخر انسطال

احبك مكبر دماغك مخدر = ممشي امورك كده باتكال

واحب اللي ينصب واحب اللي يكدب = واحب اللي ينهب ويسرق تلال

واحب اللي شايف وعارف وخايف = وبالع لسانه وكاتم ماقال

واحب اللي قافل عيونه المغفل = واحب البهايم واحب البغال

واحب اللي راضي واحب اللي فاضي = واحب اللي عايز يربي العيال

واحب اللي يائس واحب اللي بائس = واحب اللي محبط وشايف محال

واحبك تسافر وتبعد تهاجر = وتبعت فلوسك دولار او ريال

واحبك تطبل تهلل تهبل = عشان مطش كوره وفيلم ومقال

واحبك تأيد تعضض تمجد = توافق تنافق وتلحس نعال

تحضر نشادر تجمع كوادر = تلمع تقمع تظبط مجال

لكن لو تفكر تخطط تقرر = تشغلي مخك وتفتح جدال

وتبدأ تشاكل وتعمل مشاكل = وتنكش مسائل وتسأل سؤال

وعايز تنور وعايز تطور = وتعمللي روحك مفرد رجال

ساعتها حجيبك لايمكن اسيبك = وراح تبقى عبره وتصبح مثال

حبهدل جنابك واذل اللي جابك = وحيكون عذابك ده فوق الاحتمال

وامرمط سعادتك واهزأ سيادتك = واخلي كرامتك في حالة هزال

وتلبس قضيه وتصبح رزيه = وباقي حياتك تعيش في انعزال

حتقبل ححبك حترفض حلبك = حتطلع حتنزل حجيبلك جمااااال

الله عليك يا عمنا يانجم تسلم ويسلم لسانك

Admin عدد الرسائل : 8186 تاريخ التسجيل : 04/11/2008

الله عليك انت يا جبوره ياللي مش حارمنا من احلي الكلام ...

كلام الشعب العام.... كلام الغلابه مش كلام اللئام ...

.كلام زي الزبده..... علي وش الميه طاف و عام

تسلم يا غالي ويسلم نجمنا ودايمآ تمام التمام

والله قلت المفيد ياجابر وكلامك صح الصح جاب اللي فيها من الاخر

واحب اللي يائس واحب اللي بائس = واحب اللي محبط وشايف محال

واحبك تسافر وتبعد تهاجر = وتبعت فلوسك دولار او ريال
الكلام دة كبييييييييييييييير اوى
بجد تسلم ايدييييييييييييييييك

رامي -ابو-نونه------------دا وقعنا بجد ربنا يتولانا برحمته

اللهم امين ياجابر صح

الى حابب يعرف البطولة وحب البلد والعزة

الى عايش وفاهم الوضع الى يرفع راسو بناسو

الى يفتخر ويعتز باصلو الى يموت بتراب بلدو

الى يهيم في نيلها ويسرح في بناتها

الى بجد اصيل من بيت اصيل وظهر اصيل

عمري بجد ماشفت حد بيتكلم عن بلدو زي جابر

بجد كلامك روعة يعطيك الف عافية وبهنى نفسي بديت افهم الشعر بتاعك

تقبل مروري

حلو قوووووووووى هشووووووم

يعطيك العافيه