اسطوانات مشروخه!!!

--------------------------------------------------------------------------------

الحب كلمة مقدسة تربط بين قلبين هكذا كانت قبل ان تتحول الي

"اسطوانات مشروخة "

ارصد لكم جمل حب يرويها الشباب للبنات وبعض التعليقات عليها .

(1)حبيبتي انا اصلا مش بكلم بنات .

"وهو فيه حد مش بيكلم بنات دا تلاقيه يعرف طوب الارض "

(2)انا حاسس ان فيكي حاجة غريبة غير كل البنات .

"بتمشي علي ايديها ورجليها "

(3)حبيبتي انتي اول حب في حياتي وانا حاسس اني اتولدت يوم ما قبلتك.

"علي اساس ان الست ولدته كانت حامل في 20سنه وولدته قبل ما يقبلها

بيومين "

(4)عارفه فيه واحد صحبي كان عايز ياخد رقم موبايلك مني بس قلت له

اقتلني قبل ما تاخد رقمها .

"يااااه علي التضحيه وهي ياعيني رقمها مع نص شباب مصر "

(5)ياه ياحبيبتي انا حاسس اني اعرفك من زمان .

"وتلاقيه متلخبط بنها وبين بنت كان يعرفها قبل كده"

(6) حبيبتي عايز صورتك علشان قبل ما انام تكون اخر حاجة

اغمض عليها عيني .

"لا عاوز الصوره علشان يهددها بيها لمه يتخانقوا"

(7)حبيبتي لازم تعرفي اني لما باحب باحب بجد وانا حبيتك بجد من اول

ما شوفتك وكنت بدور عليك من زمان .

" علي اساس ان الواد خبره في التنقيب والكشف عن البترول"

(ياه لما بشوف رقمك علي الموبايل قلبي بينتفض من الفرحة.

"لا وانت الصادق من الخضة"

(9) لما تعزمك علي الاكل في بيتهم وتقولك انا اللي عاملة كل الاكل بايدي

وتقول لها تسلم ايديك ده احلي اكلة دوقتها في حياتي .

"وتدوربعد كده علي فوار الحموضة وتقول ربنا يستر "

(10) حبيبتي الطقم اللي انت لبساه تحفة بس ياريت ما تلبسهوش تاني

علشان بتبقي حلوة قوي وانا بغير عليكي .

"وطبعا الطقم مش عجبه "

*ولكن بعد مرور الوقت والواحد يزهق منها "

(1)حبيبتي انت احسن حد عرفته في حياتي بس مش هينفع نكمل .

ترد عليه وهي بتبكي "ليه ليه " يقول لها " علشان خاطري انا ما استحملش

ما اقدرش اشوف دموعك وبرضه مش هنكمل .

(2) حبيبي انا اكتشفت ان مفيش بينا اي حاجة مشتركة " ترد هي وتقول "

طب كويس علشان نكمل بعض " يرد ويقولها " هو ده اللي لنا خايف منه "

انك فاكرة اني محتاج حد يكملني " انا مش ناقص "

(3)صدقيني انا بضحي علشانك انت

"ايوه ابوها هددك انه ها يحرمها من الميراث "

(4)حبيبتي انا مش وحش ، ومش بلعب بمشاعر البنات زي ما انت فاكرة

بس هو ده نصبنا للاسف .

"لا ما هو واضح "

*وفي نفس الوقت البنات لهم اسطونات بس بتستغلها بذكاء

"مثل".

(1)علي فكرة انا مش ماديه خالص ، عش العصفوره يقضينا

(2)علي فكرة انا انبارح جالي عريس رجل اعمال وجاهز بس انا رفضته

لكن ماما وبابا متمسكين بيه "حبي لك اغلي من كنوز الدنيا "

(3)علي فكره انا انبارح كلمت ماما عنك ، ونفسها مووووت تشوفك

وتتعرف عليك .

ومفيش اسبوع وتلاقي نفسك جالس في الصالون وبتشرب شلي وجاتوه

وفي اول زياره احنا بنشتري راجل وخلي التقيل علينا والخفيف عليك

وبعد ما يقع المحظور " احنا بنتنا اللي يتجوزهم لازم يتقلها بالذهب

.................................................. .................................

"يلا كل ده هزار محدش يزعل مني "