كلمة احساس

تذكير بمساهمة فاتح الموضوع :

عفكرة الكلام طويل حبتين

على الله ماتملو منو وانتو بتقروه
-------

كلمة احساس
---

ماقدرشي انا ابدا عليها

ولا اقدر في يوم اداريها

ولو خبناها تبان قوي في عينيا

ومش دايما بنقدر نشكي للي حولينا

جوايا حجات كتير لو اتكلم

هتخلي الحجر الى قصادي يتعلم

كلمة احساس

صعبة قوي تلاقيها بين الناس

وصعب تلاقيهم بنفس الاحساس

تلاقي ناس تقلها تقل الماس

وناس خسارة فيها حتى الاحساس

ايه يادنيا

بتشوفي كتير وقليل

وفي من الناس بيصل للمستحيل

وفي من الناس راضية بالقليل

وفي منهم العليل

الى مش لاقي حتى ايد تطبطب عليه

ولا حتى لاقي مين الى يداويه

عندي اسئلة محيراني......

وليالي كتيرة مسهراني

تخلي النوم من عيني يطير ويجفاني

جوايا كلام كتير قوي تاعبني

ومن الى حوالية كتير بيخنقني

هي الناس بطلت تحس ولا ايه؟؟؟؟

هو الاحساس انعدم ولا ايه؟؟؟

ولا الدنيا تغيرت واحنا مش عارفين؟؟؟

ولا الناس بقت لمصالحها بس مهتمين؟

كفاية يانفسي اسئلة لاني مش هلاقي اجوبة

وخلاص

يارب انت الى عالم بس بلي جوايا

ارحمنا برحمتك ودة كل منايا

توقف جنبنا كلنا ومعانا

تساعدنا وتقوينا

على المصايب الى بتقابلنا وتسكن فينا

ومن الدنيا الغدارة تحمينا

وتشيل الحزن الى بات في عينينا

ودة كلو احساس ومش موجود عند كل الناس

بتمنا بجد اعرف رايكم مش بس كلمة شكرا

ولو في اي نقد انا متقبلاه

وبتمنا يكون عجبكم

وارجع اقول

مصير الزمن يتغير والدنيا دوارة مابتخليش حاجة على حالها

يعني نتعب نفسنا ليه نوكل امرنا لله