يوم نتيجة الامتحان يهان المرء او يهان ههههههه

من واقع خبرتى قررت انى اديكم شوية نصائح

عن كيفية استقبال نتيجة الامتحان

اذا جات الطوبه في المعطوبه و طلعت شايل يا موكوس

و زي ما يقولوا .. يوم نتيجة الامتحان يهان المرء او يهان



_________



اولا : ياريس منك ليها لازم تحبكها فى البيت قبل النتيجة بمعنى

ايهـ انك لازم تفرهض فى السرير بتاع اربع خمس ايام كدة

ويجيلك كل الامراض اللى ما تخترش على بال بنى ادم من اول

المغص لحد الانهيار العصبي علشان اللى فى البيت قلبهم يحن يامعلم

و يواجهوا النتيجه لو جات لاقدر الله زي ما انت متوقع

وشلتلك بتاع اربع مواد كدة .





ثانيا : تبتدى تمرن نفسك على كيفية البكاء المستمر وتتعلم ازاى

تتشحتف علشان تصعب على كل اللى يقبلك .





ثالثا : تدرب على بعض الفنون القتالية زى المصارعة او الكارتية

مثلا وده ضروري ليه بقى يانجم ..؟! هقولك انا علشان هيبقى فى



زئابة واقفة على النتيجة فلازم انت تكون مستعد لكده علشان

توصل فى اسرع وقت ممكن علشان انت عارف بيبقى فى هواة

تقطيع الورق .. دول عرفهم طبعا الواحدة من دول تعرف انها شايلة

السنة تروح مقطعة الورقة وحلينى انت بقى يا معلم عقبال

ماتعرف النتيجة بتاعتك .






رابعا : لازم يا نجم تروح تجيب نتيجتك بنفسك علشان ماتبقاش

واقف هيغمى عليك وانت مستنى صحبك يجبهالك وتلاقيه بعد

دة كله خارج يقولك انت شيلت 3 مواد
ليهــ دة ظلم (آل يعني الواد حل اوى)





خامسا : انك تتحلى بكل انواع البرود علشان انت هتقابل اليوم

ده اللى عمرك ما شوفته يعنى انت خارج كده وشايل اربع مواد

وتلاقى ام احمد الفراشة بتقولك الحلاوة يابيه فــ انت لو مكنتش

هادى هتعمل حاجة من الاتنين ياتموتها لا تموت نفسك فلازم

تبقى هادى وتستحمل علشان اللى جاى




سادساً : تاخد بعضك يا معلم وعلى اقرب مطعم وتاكل اكبر كمية

من الاكل
علشان انت الفترة اللى جاية هتكون فى اوضك

ومافيش اكل (ولا انت معندكش دم وهتقعد تاكل مع باباك
وممتك على اساس انك احمد زويل) ؟






و بعدين يا ابو الكباتن هتعدي حالتك المتدهوره بحبس في البيت و حصار مستمر
ده لو مكنش في اعده في المستشفى