عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اَللَّهِ صلى الله عليه وسلم يَقُولُ: إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ .لذلك:
اليكم كلمات خطيره جدا تودى الواحد فى داهيه وهو مش واخد باله وللأسف كتير مننا بيقولها ومش فاهم معناها .......
لذلك انا جايب لكم النهارده كلمات لازم لازم نتجنبها مش هطول عليكم .
اليكم الأن ....................
( يدى الحلق للى بلا ودان)
وسبب التحريم ان الكلمة دى معناها انك بتعدل على ربنا فى تقسيم الرزق وده طبعا حرام وكفر بنعمة الله عليك لانك مش راضى با للى ربنا قسمهولك.
( فلان ربنا إفتكره )
وسبب التحريم ان الكلمه دى معناها ان ربنا كان ناسيه ولما إفتكره خده ، بقى ده كلام بالله عليك . حرام طبعا لان ربنا ما بينساش حد أصلا .
•
( ورحمة أبويا و امى )
وسبب التحريم انك بتحلف بغير الله ودى كلمات من الكفر والعياذ بالله.
فعن ابن عمر رضي الله عنهما عن رسول الله صلى الله عليه وسلم: أنه أدرك عمر بن الخطاب في ركب وعمر يحلف بأبيه فناداهم رسول الله صلى الله عليه وسلم:ألا إن الله ينهاكم أن تحلفوا بآبائكم فمن كان حالفا فليحلف بالله أو ليصمت . و في لفظ آخر من حديث ابن عمر،
من حلف بشيء دون الله فقد أشرك •وكذلك من يحلف قائلاً
( والنبى، والكعبه الشريفه ، وحياتى ، والختمه الشريفه) طب نعمل ايه وكلمة والنبى فى لسانا عالطول، لما تقولها قول لا إله إلا الله مباشرة وعود لسانك ان ما تقولهاش تانى .
( لا حول الله يارب )
اما دى بقى مصيبة لانك كده بتقول ان ربنا مالوش لاحول ولا قوه ، والكلمه دى بتتقال لما واحد يحصله كارثة او مصيبة او ابتلاء فتلاقى اللى قدامه قال لا حول الله ود غلط كبير أوى.
اومال تقول ايه ؟؟؟؟؟؟؟؟؟؟ تقول
"لاحول ولا قوة الا بالله" ( ده احنا زرنا النبى )
وسبب التحريم انك بتشبه الضيف اللى زارك بالنبى وده بردو غلط. هى صحيح زيارة هذا الشخص طيبه وجميله لكن مش لدرجة انك تشبهه بالنبى، اذاً معنى ذلك ان كل واحد هيزورك هتقوله الكلمه دى ، طب وهل ده صح ، طبعا لأ .
•
( يلعن ابو الزمن )
ودى بردو كلمه مصيبه لانك بتلعن الزمن !!!!!!!!
أوتدرى يا اخى من هو الزمن(الدهر ) ؟؟؟؟؟؟؟؟؟؟؟؟
الزمن هو الله ألم تسمع هذا الحديث
عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني .جاء الحديث بألفاظ مختلفة منها رواية مسلم :
"قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ".ولهذا أثبت الله الأذية في القرآن الكريم فقال تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء فقال تعالى : {إنهم لن يضروا الله شيئا } ( آل عمران 176) ، وقال في الحديث القدسي : ( يا عبادي إنكم لن تبلغوا ضري فتضروني )رواه مسلم .
(
الزمن غدار )
وسبب التحريم لنفس السبب السابق.
فى بقى حاجه كمان سمعتها فى اغنية عبد الحليم حافظ من زمان بس افتركتها فقولت اقولكم عليها لحسن ترددوا الاغنيه وانتم مش واخدين بالكم
فى اغنيه من اغانيه قال كلمة
( قدر احمق الخطا ) ..... استغفر الله العظيم
انا مش هتكلم فيها كتير...... ماهو القضاء والقدر من الله يبقى ازاى يقول كده فربنا يسامحه بقى .وسبب التحريم لنفس السبب السابق ايضاً .
السبت 14 أغسطس 2010 - 2:37
