زيادة أسعار فواتير الكهرباء لـ 90% من المصريين الشهر المقبل

لا والله فيك الخير ...!!!!!!!

زيادة أسعار فواتير الكهرباء لـ 90% من المصريين الشهر المقبل S10200910144613

جسن يونس ـ وزير الكهرباء

تبدأ وزارة الكهرباء والطاقة مطلع الشهر المقبل تطبيق الزيادة الجديدة فى أسعار فواتير الكهرباء، والتى يتلقاها المستهلكون عن محاسبة نوفمبر 2010، وكشف المهندس عبد الكريم عبد الوهاب رئيس القطاعات الفنية بشركة القناة لتوزيع الكهرباء سابقا أن متوسط استهلاك الأسر محدودة الدخل من الكهرباء يتراوح ما بين الـ200 والـ250 كيلو وات شهريا، مشيرا إلى أن مصابيح الإنارة العادية "التنجستين" تستهلك ما يقرب من 100 كيلو وات فى الساعة، أى حوالى 16 كيلو وات للمبة الواحدة.

وأضاف "إذا افترضنا أن كل منزل من منازل محدودى الدخل يحتوى على 3 لمبات سيصل إجمالى استهلاك الكهرباء للمبات فقط إلى 49 كيلو وات شهريا، كما يستهلك جهاز التلفزيون ما يقرب من 120 كيلو وات فى الساعة تقريبا، أى ما يعادل 19 و200 كيلو وات شهريا، ليصل إجمالى استهلاك الأسرة التى تشغل 3 لمبات وتلفزيون واحد ما يوزاى 68 كيلو وات شهريا، بينما قررت الوزارة إعفاء محدودى الدخل ممن لا تتجاوز قيمة استهلاكهم "الـ50 كيلو وات" من الزيادة المنتظرة فى أسعار الكهرباء.

وأوضح الخبير أن أكثر من 90% من المصريين تزيد نسبة استهلاكهم عن الـ50 كيلووات، بما يعنى أن غالبية المصريين سوف يخضعون تلقائيا للزيادة المقبلة فى أسعار الفواتير.

ــــــــــــــــــــــــــــــــــــــــــــــــ

تعليق : حد يفهمنى اللوغاريتم ده لحسن أنا كنت أدبى ..

ــــــــــــــــــــــــــــــ

والله حاجة جميلة المفروض نستخدم تلت لمبات وتلفزيون مفيش تلاجة والشتا جاى مفيش سخان ومفيش كمبيوتر على كدا بقا احنا هندفع الف جنيه ربنا يستر واتحفينا كمان يا حكومتنا واتحفونا كمان يا وزرائنا بقراراتكم الجديدة

شكرا استاذى ع الخبر

أو عودة للمبة الجاز و أيام ستى عنايات ..

لنا الله .. هو القادر على رفع البلاء ..

شكراً رانوش مرورك الكريم ..

ياعنى اشمعنه الكهرباء هى جات عليها ربنا يستر

على رأيك هوبا .. هى جت عالكهرباء ..

ربنا يستر من اللى جاى لسة ..

مشكورة هوبا لمرورك الجميل ..

حرام بجد كله الا الكهرباء

البيوت كلها اجهزة كهربائية

الناس تموت يعنى

احتج احتج احتج

احتجاجك شيريهان فكرنى بفكرة الإحتجاجات والإعتصامات عند مجلس الشعب ..

بكرة هايلاقوا الشعب المصرى كله واقف تحت عامود نور منور أمام مجلس الشعب احتجاجاً على فواتير الكهرباء ..

وآهو بالمرة يلاقى مكان نور بعد ماضلموا البلد كلها .. صحيح الإحساس نعمة ..

أشكرك أغلى شيريهان لمرورك الجميل ..

ياعبودى يعنى جت على الكهربا مهى كل حاجة غلين جت على دى

الوحد ميقولش الا حسبى الله ونعم الوكيل تسلم عبودى على الخبر

يعنى هانفضل نقول هى جات على دى لأمتى .. الكهرباء.. ولاّ المياه .. ولاّ اللحمة .. ولاّ الخضروات .. ولاّ

المكرونة .. ولاّ العيش .. ولاّ الرز .. ولاّ المواصلات .. ولاّ الأدوية .. ولاّ مصاريف الدراسة .. ولاّ إيه ولاّ إيه ..

الواحد تعب من كتر العد .. بصراحة هم سابولنا حاجة رخيصة جداً .. يكاد يكون مالهاش سعر فى بلدنا ..

ولا فى أى بلد تانية .. الإنسان المصرى ....!!!!!!!

مشكورة رانا لمرورك الغالى ..

ايوه فعلا هى جت على الكهربا مهو كله غلى التليفون و الاسعار و كله

هنقول ايه بس تسلم ايدك عمو معم على الخبر

إن كان عليهم .. هم ودن من طين .. وودن من طين برضه .. أصل الدقيق غلى .. ماينفعش تبقى من عجين

و الشكوى لغير الله .............

مشكورة أغلى سهام ..

تواجدك ومشاركاتك تسعدنى دوماً ..

واللى يغيظك ان جمال مبارك هيرشح نفسو

يلا حسبنا الله ونعم الوكيل تسلم عبودى على الخبر

والله محصلة بعضها منة .. أحمد أخو الحاج أحمد ..

ربنا يسترها علينا ..

مشكورة منوش لمرورك الجميل ...

فعلا زى ما بيقولوا وما خفى كان أعظم ربنا يستر علينا والله من اللى جاى بجد كتير اللى بيحصلنا ده وكله فى كرش الحكومه هما يمتعوا نفسهم ويعذبوا خلق الله حاجه عجيبه والله ايه ده دا احنا حاسين والله انى احنا كتاكيت فى العشه على مزاجهم يجبونا كده وكده ومالناش اى راى ايه ده وفينه الريس من الكلام الجميل ده no commentوالله تسلم يا عمو وربنا يستر على ايامنا الجايه

ياجماعة أرجوكم بلاش تظلموا الحكومة .. انتم عاوزين إيه يعنى ..؟؟؟؟

مفيش شكر ولا حمد .. مش كفاية سايبين لنا الهوا نتنفسه من غير فواتير ولا دياولو ..

ناس غريبة بصحيح .. ولا يعنى عاوزينهم يحاسبونا على نور الشمس كمان .. مش نسكت أحسن ..

انتى بتأذنى فى مالطة توما .. الريس سايبها لرئيس الحكومة الذكية .. والقرية الذكية .. وبطاقة التموين الذكية ..

ولخالتى ذكية .. لدرجة إن الشعب خلاص هنج منهم .. بعد ما عملوا Delete لدماغنا .. وعملوا Scan لجيوبنا ..

وأنا أطلب من الريس كفاية الحكومة دى لحد هنا .. إعمل لهم Rename وريحنا منهم ..

مشكورة أغلى توما على مرورك الغالى .. والصبر على البلوى عبادة ..