أحلى ممبار لأغلى أكيلة ..

بصراحة لما لقيت الشيف رانا عملت الكرشة قلت فى عقلى هو ده التدبير ولاّ بلاش .. عاوزين ننتفع بمعظم أجزاء الخروف .. قلت أعمل لكم طبق ممبار ..ومش أى ممبار .. بس مش مسئول عن صوابعكم بعدها .. تاكلوها ولاّ حاجة .. نشوف.. ياللا بينا ..
أهم حاجة فى الموضوع إن الممبار بنجيبه متنضف من عند الجزار .. وبرضه نعيد غسيله وكحته تانى فى البيت ونقلبه مرة واتنين وتلاتة وننقعه فى الملح والخل ..

المقادير :

كيلو ونص ممبار ـ 3 كيلو رز غير منقوع

بالنسبة للحشو :

الحشوه تختلف من شخص لآخر.. و لما يكون الممبار ضانى يبقى ندخل فى الحشو لحمه مفرووووومه وقليل من الطماطم المقطعه مكعبات .. انما فى الممبار البقرى بيتكون الحشو زى اللى فى الصورة من :

[ندعوك للتسجيل في المنتدى أو التعريف بنفسك لمعاينة هذه الصورة]

خليط من الطماطم المسبكه او صلصة ـ بصل مقطع ـ شبت + بقدونس + كسبره + فلفل اخضر ـ طماطم مقطعة مكعبات صغيرة ـ زيت للتحمير ـ شطة + ملح + فلفل + اى توابل تفضليها على خلطة المحشى ..

الطريقة :

نخلط كل المكونات مع بعضها ونبتدى فى حشو الممبار بعد تقطيعه الى الطول المناسب ( ممكن مانربطش
الممبار لانه اول ما بينزل فى الماء بيقفل من الاطراف ) وبيكون بعد الحشو بالشكل ده ..

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده نحطه فى ماء مغلى مع إضافة قليل من الملح ونتركه حوالى ساعة إلا ربع لغاية ما يستوى وبيكون شكله كدة

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نطلع الممبار من الحله ونحطه فى مصفى حتى ينشف تماماً من الماء .. ( مهمه الخطوه دى علشان التحمير )

[ندعوك للتسجيل في المنتدى أو التعريف بنفسك لمعاينة هذه الصورة]

نحمر الممبار فى زيت ساخن من كل الجوانب حتى يكتسب اللون الذهبى ونطلعه على ورق مطبخ حتى يمتص الزيت الزائد ..

وده شكله النهائى[img]

[ندعوك للتسجيل في المنتدى أو التعريف بنفسك لمعاينة هذه الصورة]

وده شكله من الدااخل أحمر وفى نفس الوقت طرى من الطماطم المقطعه والبصل ..

[ندعوك للتسجيل في المنتدى أو التعريف بنفسك لمعاينة هذه الصورة]

وبألف هنا وشفا ..

مع تحيات : الشيف ..........

احلى ممبار من احلى شيف فى الدنيا استاذنا العظيم عبودى تسلم ايدك عبودى وكل سنة وانت طيب

يسلم لى مرورك شيف رانا .. البركة فيكى انتى اللى شجعتينى ..

يارب يكون عجبك الممبار .. ألف هنا وشفا ..

وكل سنة وانتى طيبة

Admin عدد الرسائل : 8186 تاريخ التسجيل : 04/11/2008

يسلملنا ممبارك اجمل منعم

اهو كده ال أكل ولا بلاش والصور رائعه والوصف دقيق

ونصيحه مهمه متملوهوش كتر كفايه نص حشو لانه الرز بينفش ويتشرب بالمياه

ولو اتملي كتير حيفرقع

كل عام وانتم بخير جميعآ ويدوملنا اكلاتك يا جميل

تسلم ايدك عمو منعم و الف هنا ليكوا كلكم يارب

و ماشاء الله عندك معلومات حلوه يارامى شاطر و الله

بجد عندنا اتنين بيعرفوا يطبخوا عمو و رامى Laughing

ونصيحه مهمه متملوهوش كتير كفايه نص حشو لأنه الرز بينفش ويتشرب بالمياه

ولو اتملي كتير حيفرقع

مظبوط رامو .. ملحوظة فى محلها تماما .. وناس كتير بتقع فيها وتكون النتيجة كلها فرقعة ..

مشكور ياباشا لمرورك على هذا المسمط المتواضع .. ويدوم لنا تذوقك الجميل ..

شكرا أغلى رامو

يسلم لى مرورك أغلى سهام .. وبصراحة الأكلة دى ماحدش يقدر يقاومها .. جربى .. ومش هاتندمى ..

وبعدين ملحوظة رامى فى محلها تماماً ..

بالهنا والشفا للجميع ..

يسلام على جمال الممبار

وطبعا حلو عشان من ايدك عبودى

تسلم ايدك عبودى

وكل سنه وانت طيب

وطبعا معلومه رامى دى صحيحه وانا عملتها قبل كدا

وطبعا فشل معايه Embarassed

ههههههههههههه

طبعا رانيا معلومة رامى مهمة .. وإلا تسمعى انفجارات وفرقعة تنتهى بفشل العملية ..

أشكرك رانوش لمرورك الجميل .. وردك اللى أحلى من الممبار نفسه ..

تسلم الايادى يا عمو منعم بس انا ماليش خالص فى الاكلات دى الف صحه وعافيه عليكوا بس انا حبيت برضه ارد على حضرتك مع انى ماسكه نفسى على الاخر

تسلم يا اجمل منعم شكله جميل جدا

بس عمرى ما اكلته خالص

شكراً سمورة لمرورك الغالى ..

بس لازم تدوقى عشان تحكمى ..

ياعينى ياعينى تسلم ايديك ياعمو منعم متالق فى كل حااااااااااااااااجة منتحرمش منك

شكرا سندريللا لمرورك الغالى .. لمطبخى المتواضع ..

شرفت بتواجدك ..

» يوتيوب أحلى استقبال لأغلى ميدوو
» سلام عليهم (لأغلى الأحباب)
» أحلى خبر!!!
» كولكشن ولا أحلى ..
» شوزآآآت للعرآآآئس .~ ولآآآ أحلى !!