قصيدة إنسحبوا | هويس الشعر العربى | هشــام الجخ ..

جايبالكم قصيده انسحبوا لهشام الجخ

سنة 67 صدرت الأوامر للقوات المسلحة بالإنسحاب
بدون خطة إنسحاب

فقط إنسحبوا !

إنحسبوووووا
كان اللاسلكي بعيد
والعسكري مسمعش
إنسحبوووووا
شوفوا العجب يا ولاد
العسكري مرجعش
إنسحبوووووا
أطرش ده ولا صنم
إرجع يا جندي بيادة

دخل العدو العريش إرجع خلاص بزيادة
العسكري سامع
لكنه واد مجدع

شال آربيجيهه وضحك " إشمعنى أنا اللي أرجع "
وقف الزمن مذهول ساعتين بيشاهد
الجندي قام كبر المدفع إتشاهد
الدبابات ظهرت " إرجع يا جندي نظام "
ده كان كلام القيادة وده بردو وقت كلام

وقف الولد ددبان
يا سادة يا سامعين
صادهم كما الدبان
محروس يا واد من العين
الدبابات صفين
إتفاجأوا وإفترقوا
على كتفه كان مدفع
وعلى الجبين عرقه
غطى العفار النار
ولا حد عاد شايف
والدبابات بتهل
وده بردو مش خايف
الضحكة على وشه
ما تقولش بيصيف
ولسه الزمن واقف
مبسوط ومتكيف
الدبابات كترت
والكترة غلابة
والقلب لو مؤمن
ولا ألف دبابة
هتقولوا مات الولد
أنا أقولكم لا .. عاش
ما الجنة ولا فيها موت

ولا تتدخل .. ببلاش

تسلمى احلى سمورة القصيدة روعة فى انتظار المزيد

تسلمى شيرى على المرووووور يا غاليه

تسلمى سمورة

» قصيدة مش كفاية | هويس الشعر العربى | هشــام الجخ ..
» قصيدة أيوه بغير | هويس الشعر العربى | هشــام الجخ ..
» قصيدة إنطردي الآنَ من الجدولْ | هويس الشعر العربى | هشــام الجخ
» السيـرة الذاتيه لهويس الشعر العربى : هشــام الجخ - كما كتبها بنفسة على موقع الفيس بوووك
» تلات خرفان _ قصيدة لهشام الجخ يارب تعجبكوا