اسمعوا يمكن تغيروا رايكوا

انهرده انا ده اول راى ليا مع الثورة

انا مكنتش موافقه على الى بيحصل

بس بصراحه الحكايه ده زادت عن حدها

الشعب مش عاوزك انت عاوز ايه

يلا باه امشى وسيبنا نقرر مصيرنا

شوفوا الفيديو ده واسمعوا الى فيه يمكن تعقلوا

يا سمورة ممكن تفهمينى

ولازم الكل يفهم ان كل وقت وله اذان

ودة مش وقت ضد ومع واللى عاوزيختار اللى شايفه مناسب

الوقت دة حيجىفى الانتخابات الجاية دةبجد اللى حيبقى وقت

تقولى انا مع اوضد وعلىالكل احترام وجهات النظر مهما كانت

لكن دلوقتى لازم نقول جملة واحدة

(مصر اولا)

قومو مصر بالسلامة وخلوها ترجع كما كانت

وبعدها كل واحد يقول عاوز مين وانا والله ححترم وجهة نظر اى حد

طالما فى وقتها

لاياميرو دلوقتى وقت الرحيل علشان مصر ده مش ضد ولا معا ده علشان مصر كفايه تعب

هنقول نسيبو علشان مصر بتتخرب هقولك صدقينى 6او7 شهور دول مش هيبقافى مصر

اصلن هتلقيلى استحملنا 30سنه نستحمل كام شهر هقولك هنتسحل والله هنتسحل

محنا قولنا خلاص ماشى على خطابه وجينا نمشى رحو ضربنا عايز ايه تانى لما لسه

ممشوش من الشارع واضربو امال ايه اللى هيحصل لو روحو بيتهم هتقليلى مش هيعرفهم

فى الحال دى يبقا انتى اللى متعرفيش حاجه عن البلد

الله عليكي سموره واللهمش عيب اننا نفهم ونعترف وغفر الله لنا ولكي

يا ميرو يا اختنا العزيزه

الي في الميدان شبابنا ددول واخواتنا الي واقفين وصامدين

يا ميرو فيه ناس اد ابويا وابوكي واد امي ووالدتك واقفين وصامدين

كل ده علشان مصر اولا يا غاليه

التضحيات بتسجل تاريخ الابطال بحروف من نور

اولا عاوزة ارد على زوزو انتى بتقولى انكم جيتو تمشو ضربوكم

لا محدش مشى بالعكس اغلبهم معاند ومفيش فى بقوهم غير مش حنمشى

من الميدان الا لما يمشى مع ان الكلام اخد وعطا هو استجاب للمطالب

واحنا علينا نصبر لوقت رحيله دى اولا

ثانيا حرد على اخى العزيزهشام

ان اللى فى الميدان اللى بتقول اد ابويا وامهات اد امى

انا ماشوفتش غير ان كلهم شباب

طب بلاش مين موجود فى الميدان عاوزةاسال سؤال

لوصبرتوالكام شهر دول ولو مبارك قعد الفترة القصيرة

ومشينا بمثل فات الكتير وما باقى الا القليل ايه اللى حيحصل ؟؟؟؟

يعنى ايه الضرر لو صبرنا ما هو كدة كدة ماشى

لازم تعرفو اد ايه احنا بنخسر كل يوم وعشان الخسارة دى

لازم نصبر وعشان مبقاش الا القليل لازم نصبر

وعشان مصر لازم نصبر انا ولا حزب وطنى ولا غيره انا مصرية

مصرية وفخورة بكدة مصرية وخايفة على بلدى مصرية

وطالبه امن بلدى خلاص مبقاش كتيرر لما يجى وقت الانتخابات كل واحد يقول رايه

ولازم الكل يفهم ان مصر مش زى تونس وان مبارك مش زى بن على

مصر كبيرة اوى والكل عاوز ياكلها متدوش الفرصة لحد اصبرو بالله

عليكم ان الله مع الصابرين

كفايةخوف ورعب احنا يا هشام مش عارفين ننام انت يمكن مش حاسس بكدة

علشان انت برة البلد ذنب الاطفال اللى خايفةايه كل دة

ومش قادرين تصبرو حلفتكم بالله تصبرو وكل شىء حيجى فى وقته

وانا مبقولش انى ضدكم ولا معاكم انا بقول مصر اولا يا ناس

افهمونى مش معنى انى بقول اصبرو يبقى بقول انى مؤيدة النظام لا

بس مفيش حاجة بتيجى مرة واحدة دى الدنيا اتخلقت فى 6 ايام

يارب تفهمونى ياااااااااااااااااااارب

صح طبعا كلامك ميرو المهم بلدنا دلوقتى

وشباب خمسة وعشرين يناير كتبوا على موقعهم فى الفيس بوك انهم

انسحبوا من ميدان التحرير وهيكونوا حزب ويترشحوا للانتخابات اللى جاية

ولا هما كمان موقعهم اتهكر لما شباب 25 انسحبوا مين اللى فى الميدان

وارجوا تكونوا سمعتوا كلام الرئيس مع قناة الى بى سى اللى قال فيه انه

زهق وعايز يمشى بس خايف من الفوضى اللى هتحصل فى البلد بعد رحيله

يا ناس فى مركب من غير بحار تمشى ولا فى طيارة من غير طيار تطير

ونهاية اقول الاختلاف فى الراى لا يفسد للود قضية

وايضا اعتصموا بحبل الله جميعا ولا تفرقوا

يا جماعه كلنا دلوقت علي قلب رجل واحد

يا ميرو انا فاهم ومتفمهم رايك واحييكي علي حبك لبلدك

ولكن يا مرمر انتي ورنوش

يا اخواتي العزيزات

صدقوني لو كان الرئيس مبارك هو ربان السفينه الربان لازم يكون شجاع وينهي حكمه بشرف

ولازميرحل ويسلم السفينه للنائب

ثو نتحاور ونروح ونسيب الميدان

ربنا يهدي الحال

بص هشام لو كان مطالب اللى فى الميدان ان مبارك يرحل كانوا استمعوا

للجنة الحكماء النهارده اللى هما قالوا ان كل حاجة تتنقل او تبقى

فى ايد نائب الرئيس والرئيس هيبقى موجود صوريا بس

احتراما لجميع الرغبات والتوصل لحل وسط لكن هما مش عايزين يسمعوا حد

طبعا مش كلهم لانم فى ناس محترمة موجودة فى الميدان وعايزة التغيير وخايفة ع ابلد بجد