رسالة من اختكم ميرو :: ارجو من الجميع قراتها ...

بسم الله الرحمن الرحيم
السلام عليكم ورحمة الله وبركاته

اولا :احب اعلن اسفى لو كنت انفعلت فى التعبير عن
راى فى وقت كنت حاسة ان مصر بتضيع

كنت شايفة بلدى اللى بعشق ترابها بتتحرق وبتخرب

فى الوقت اللى كنت خايفة ان اسرائيل اوغيرها

تستغل الفرصة وتدخل بلدنا وهى فى حالة فوضى لانى

بكره الحروب كره العمى ربنا يكفينا شرها

فى الوقت اللى سمعنا منناس كتير ان ميدان التحرير

مقسوم نصين نصها ناس ركبت الموجة وبيولعوها

عشان طبعا يستفادو مثل الاخوان المسلمين والبرادعى

والقوى الخارجية وكل من له مصالح واللى سمعنا ان

القوات الخارجية دى بتوزع اكل وفلوس وغيره وطبعا

وطبعا فى من الكلامدة اللى صحيح وفيه منه الى
غلط

فى ناس حيقولو يلا نفسى انا اروح يمكن ينوبنى من
الحب

جانب اصبح ميدان التحرير مدينة صغيرة تجمع كل

الفئات وللاسف ان فعلا واللى شفته ان التليفزيون المصرى

بيضلل عن حقائق كثيرة ومش معنى انى بؤيد قناة

الجزيرة برضو لا انا لسه عند راي لانها مسهدفة مصر من زمان

وكنت بقول يا جماعة لازم نقف ايد واحدة

ومننقسمش نصين نص مؤيد ونص معارض فى وقت كانت البلد فى خراب

بجد ومكانتش البلد مستحملة الكلام دة ,,,, انا مع

التغير اه ..انا مع الحق اه .. انا مع شباب

الثورة اه .. لكن من تخريب طبعا

انا مع الانتقال السلمى عشان نضرب عصفورين بحجر

لان الدستور الحالى لا يسمح باننا نسقط النظام

لكن مفيش قدامنا غير الانتقال السلمى علشان مانسبش البلد من غير حاكم

دة احنا قعدنا كام يوم من غير الحكومة واتبهدلنا مابلكم بقى بنظام بحاله

ودة راى اللى بحاول اوصله من زمان مش معنى كلامى

برضو انى مع الاهانة لمبارك مهما كان هو عمل ايه ودى مسالة

نسبية من وجهة كل واحد فى ناس بتفتكر له اى معروف ومتهنهوش وفى ناس مش شايفة منه الا كل سواد فى عهده عشان كدة

بيهينو ودى من وجهة نظرى حرية شخصية انا طبعا كنت بتابع التليفزيون المصرى والعربية كمان انما بعد ما شوفت فيديوهات

فى اليوتيوب وسمعت اراء مختلفة من ناس كبار بدات اكون راى عما يحدث والله ان كتر اراء القنوات جعلت الواحد مشتت ومش

عارفين الحقيقة يمكن كنت بقول دايما انا مش مع ولا ضد لعدم اشعال الفتنة وعشان البلد مكانتش ناقصة لكن دلوقتى بس حقول

انا ضد النظام ومع الثورة اكيد بس انتقال السلطة بطريقة سلمية ومنظمة علشان مايجيش على حساب بلدنا ومتحصلش فوضى

وفى اخر كلامى سلام ومع السلام كلمة شكر واجب عليا اقولها وكلمة اعتذار طبعا الشكر لبسبس لقولها كلمة فى حقى شكرا بسبس

عشان قولتى كلمة فى حقى بكل صراحة والاعتذار لكل من انفعلت عليه فى اى رد فى اى توبيك واخيرا كلمة وداع لانى بقيت

مضايقة ناس كتيروالافضل الانسحاب من المنتدى عشان موصلش لدرجة ان حديكرهنى ولانى وصلت لدرجة ان فى ناس غلطت

فيا وانا مقدرش اكون فى مكان مش مقدرة فيه وفى النهاية لكم منى كل الحب والتقدير ::::

طب ما هو ده اللى احنا بنحاول نقولو من زامان يا ميرو احنا مع التغير بس لازم يكون فى انتقال سلمى

احنا مش عيزين مبارك يقعد تانى بس بردك عيزينو يقعد ال 6 شهور عشان الفوضه هو ده كل اللى احنا نقصدو

بس يا ميرو متزعليش وحته لو حد غلط فيكى مع انى انا مش عارفه ايه اللى حصل بس برد سمحيهم

عشان احنا كنا فى زرف كل واحد كان على اعصابه وخايف على البلد متزعليش من حد واعزرى اى حد قال حاجه ده بس خايف على مصر وكان كل واحد على اعصابه ومش عارف هو بيقول ايه

متزعليش ميرو

بصى يا ميرو مش معنى اننا بننفعل على بعض اننا نسيب المكان ونمشى ونتقمص

طيب مهو انتى لو روحتى مكان تانى وحص اى انفعال مع اى عضو برده هتمشى ولا ايه

بس صى محدش هانك ومحدش يقدر يهين اى حد هنا لاننا ولاد ناس ومتربيين ومش همجيين

احنا ما بنتكلم مع بعض بنتكلم بحب وبعشم ومش بنتكسفاننا نقول اى حاجه لبعض

وو حتى كان انفعالات ولا زعل ولا اى حاجه

مش معنى اننا زعلنا مع بعض شويه اننا نتخنق ونمشى من المكان خالص

لالالالالالالالالالا متعميش حاجه يا ميرو وتندمى انك عملتيها بانك تمشى

طيب لو زعلتى من حد قوليلوا انك زعلانه واتفاهموا مع بعض واتصاحوا ختى لو هتضربوا بعض

انتم اخوات ومش تسيبى المكان وتمشى ان احنا مش صغيرين على الحاجات ده

احنا ناضجين بما فيه الكفايه عشان نعرف احنا بنعمل ايه

ومين قالك انك مش متقدرة طيب مين الى مش مقدرك

وبعدين يا ميرو انا عارفه انك زعلانه منى مع ان انتى الى اتهمتينى بان كلمه تودينى

وكلمه تجيبنى بس انا بقولك متزعليش واسفه كمان يا ستى

عشان امنتدى مينفعش يبقى منتدى من غير ميرو المصراويه البنت الشقيه

الى بعتبرها اخت ليا

رسالة من اختكم ميرو :: ارجو من الجميع قراتها ... East-Riffa.Com-94ea4d0a91

رسالة من اختكم ميرو :: ارجو من الجميع قراتها ... East-Riffa.Com-94ea4d0a91

رسالة من اختكم ميرو :: ارجو من الجميع قراتها ... East-Riffa.Com-3a62c97c34

ميرو متزعليش يا قمر انا اول واحدة اعلنت انسحابى

من المنتدى بسبب المشاكل اللى حصلت مع اختلاف الاراء

بس رجعت لان اصحابى بالمنتدى والمنتدى مهانوش عليا

اسيبهم القسم السياسى ولع المنتدى والاعضاء

يا ريت كل واحد يفتكر اننا فى الاخر اصحاب واخوات سواء

اتفقنا او اختلفنا كلنا متفقين على شئ واحد مصلحة مصر

حتى لو اخنلفت اراءنا ما بين مؤيد ومعارض

والمسالة محتاجة شوية وقت والامور حترجع تانى طبيعية

لست معك ميرو فى مسألة الانسحاب .. الخلاف فى الرأى موجود فى كل وقت .. فى البيت الواحد ممكن يحدث خلاف فى الرأى بين الأخوات وبعضها .. وهو ده الحاصل الآن فى بيتنا ( المنتدى ) .. وبين الأخوات فى المنتدى .. لكن لا خلاف على أن هناك شئ مايربط الجميع ببعضهم .. ألا وهو الاحترام المتبادل بين الجميع .. وهذا أول ما شدنى لهذا المنتدى ..

وصدقينى ميرو ـ وانتى أول من سيؤيدنى ـ إن سمورة من الشخصيات المحترمة جداً وهذا مالمسته فترة تواجدى بالمنتدى .. وما حدث هو اختلاف فى وجهات النظر .. نظرية نصف الكوب الفارغ .. كل منا يراه من وجهة نظره .. ولكننا جميعاً فى النهاية متفقين فى الهدف ..

وأكيد كل حد فينا قرأنا توبيك كان نازل بعنوان ( الفرق بين الـ 7 والـ 8 ) أكيد قرأتيه ميرو ..؟؟ وانتى عارفة أقصد إيه ..
اللى شايفها 7 شايفها صح من جهته .. واللى شايفها 8 شايفها صح من جهته .. وهم الاتنين صح ..

فلنبقى جميعا بالمنتدى .. وهذا رجاء منى للجميع .. ولاّ الواحد مايصدقش كلامكم على المنتدى لما كنتم بتقولوا ده بيتنا وإننا كلنا إخوات ..

من هذا المنطلق أرجو عدم الانسحاب .. المنتدى مليان أبواب غير السياسة ياميرو .. وحتى لو قرأتى حاجة فى السياسة مش عاجباكى .. اعتبرى نفسك فى أوتوبيس وفيه حد حواليكى بيقول كلام مش عاجبك .. هاتعملى إيه ؟؟؟ هاتسمعى فقط .. صح؟؟؟ اسمعى فقط لما لا يعجبك .. وانفعلى وشاركى فيما يعجبك دون أن يؤثر ذلك على العلاقة بين الجميع .. وسمورة قالت ماهى مقتنعة بيه وده حقها .. زى ماهو حقك انك تقولى اللى انتى مقتنعة بيه ومش من حق سمورة تزعل .. كلنا إخوات والحاصل ده شئ طبيعى وصحى ..

أرجوكى ميرو إلغى فكرة الانسحاب من دماغك .. حد يسيب بيته ويمشى ..؟؟؟؟!!!!

والشكر كل الشكر للأخت نهى ( بسبوسة ) لكلامها الجميل ..

وأخيراً لكِ تقديرى .. وآسف للإطالة ..

بشكر كل اللى دخل ورد على التوبيك

يا عمو منعم كلامك صح ومقتنعة بيه جدا طبعا

وشوفت توبيك ال7 و8 ووالله بعمل بيه وفعلا كل واحد بيشوف من

عنده ال 7 صح وانا مقتنعة بان وجهة النظرين صح

بس انا مقولتش انى منسحبة عشان اختلاف وجهات النظر

لا طبعا اكيد بس لما توصل للغلط وان حد يقولى

(انا ممكن اغلط بس خلينى محترم عشان متزعليش )

يبقى كدةوصلنا لمرحلة اللا احترام

انا معاك اننا نختلف وكل واحد يقول وجهة نظرة بس

بدون احترام مينفعش انا مغلطش فى حد والكلمة

اللى بيقولو غلط فيها هى كلمة (توديك وكلمة تجيبك)

طب وهى دى شتيمة او غلط ؟

انا عن نفسى اول مرة اعرف انها عيب !!!!!!

واصلا وجودى ملهوش لازمة ولا هيفرق

يسلم لسانك ياعمو منعم

بجد هو ده الكلام الصح وابلغ رد على ميرو

اقرى كلام عمو منعم كويس ياميرو

فعلا عرفت تفسرها صح هى فعلا الفرق بين 7 والــ 8

ياريت الكل يفهم ويعرف اننا اخوات ولازم نستحمل بعض اكتر من كده

راجعى نفسك ياميرو اكيد كلنا حابين انك تكونى معانا ووسطينا

وعمرك ما هتلاقى ناس بتحبك وبتخاف عليكى زينا

مستنيك ترجعى ونشوفك بالشات زى زمان

ايه بس يا مرمرينا مالك الجميل مضايق طيب مانتي

وجعتيلي دماغي وجبتيلي كالوووو برائيك

ههههههههه

بصي مرمر انا اعتقد ان الكلام الي بنوجهه والنفض

مش بنجيب اسماء ومتهيئلي بسبس مجبتشي اسمك

ولو ياستي حصل ايه يعني هي بسبس دي حد يزعل منها دي بسبس يابت بسبس

اختنا وحبيبتنا زيك كده مانتي اجدع اسكندرانيه قولتي رايك باحترام واعتقد انا حييتك علي رايك

مع اني مناقض ليه وشايف من وجهه نظري ان فيه قضصور وعمنا الغالي منعم قال رايه وعندي

وعندي تحفظات بس ده مناخ جميل الراي والراي الاخر

بس ميكونشي الراي مستفز سعتها مش حنعرف نتحكم في تصرفتنا

واعتقد الكل بيحب مرمر ومش عاوزها تمشي حتي لو شايفه حاجه احنا مش شيفنها

ولا انتي نلقيكي يابت عاوزه تمشي مع حسني مبارك وتسافري

بلوشي من غير متدفعي فلوس هههههههههه

نداء اليمرمرينا بطلي واقعدي لرررردح

علي راي المثل قالوا للي رايح انت مين قالهم مصري في كمين

Admin عدد الرسائل : 8186 تاريخ التسجيل : 04/11/2008

انا مش فاهم ايه الموضوع اصلآ ياميرو وايه السبب في الزعل للأسف متابعتش كويس

لأنشغالي بأخبار الثوره

بس من التوبك ده ومن كلامكم فهمت بعض الشئ

و أنا عارف أنه ليكي وجهه نظر مختلفه مع ناس وناس ليها وجهه نظر مختلفه معاكي

و أنا عن نفسي بطلت أتناقش مع حد فأمور الخلاف علي الثوره لأني حسيت انه فيه

أشخاص بتوصل للنقاش لحد الأستفزاز لمجرد الأستفزاز وتحول النقاش والحوار لقصة

شبيهه بالعناد للعناد فقط لا غير ...

عامة ياميرو محدش يقدر يغلط عليكي ابدآ ده اول شئ

وثاني شئ أنا قولت كتير أوي

الخلاف في الرأي لا يفسد للود قضية

ده مبدأي

و أحنا ان شاء الله فبلد ديمقراطيه ومنتدانا من قبل بلدنا بنتبع فيه الديمقراطيه

و اعتقد انتي بنفسك لمستي ده فكل شئ

قولي اللي فنفسك يا ميرو و اكتبي وجهه نظرك براحتك ومحدش حيمنعك اكيد

وكلامي لكل الأعضاء نفس الكلام .. اكتبو وجهات نظركم واتناقشوا فيها براحتكم

بكل حريه أكتبوا اللي نفسكم تقولوه

محدش يقدر يمنعكم ولا حد يقدر يصادر رأيكم ..عدا فقط الخروج في الألفاظ .

وبقولها كمان مرة الخلاف في الرأي لا يفسد للود قضيه .

ولا لترك المنتدي ياميرو وبرده الكلام ده ليكي ولكل الأعضاء

المنتدي ده بيتكم

علي فكره فيه اخوات مختلفين في الرأي بخصوص الثوره .. بس محدش منهم

ساب بيته علشان مختلف مع اخوه .

أهلا بالجميع في منتدي ديمقراطي و تعودوا بأه علي الديمقراطيه علشان دي

حتكون مصر ان شاء الله .

أنطلقت الألسنه المحبوسه منذ عشرات السنوات ولن تصمت الحناجر ثانيه

أهلا بكم في مصر المحرره

لا ياميرو انا مش معاكى فى الانسحاب لازم طبعا تخليكى فى بيتك

ومعلش اذا حد غلط فيكى انتى عارفه ان الفتره اللى فاتت دى كله كان مشحون

واعصابه تعبانه بس لما الامور تهدى كله هيرجع زى الاول و ياستى حقك عليه لكن
مش تسيبى احلى منتدى جمعنا و تسيبى اخواتك فى حد يقدر يتخلى عن اخواته

فكرى كويس ميرو و انتى عارفه احنا كلنا بنحبك قد ايه

انا طبعا مش هزيد حاجه عن كل الكلام اللى اتقال

لانه عبر عن اللى جوانا كلنا واحساسنا كلنا من ناحيتك يا ميرو

انتى عارفه انتى غاليه علينا قد ايه وبعدين هو انتى لما بتزعلى

من اخواتك فى البيت وباباكى ومامتك بتسيبيلهم البيت؟؟؟؟؟؟؟؟؟؟؟؟

اكيد لا طبعا يبقى نهدى ونعقل واكيد الفتره اللى فاتت كانت ومازلت صعبه علينا كلنا

وكلنا كنا ومازلنا متوترين ومنفعلين واعصابنا تعبانه يبقى المفروض اننا نلتمس العذر لبعض

ونستحمل ونشيل بعض وأظن مفيش وقت شده اكتر من ده

علشان نثبت فيه اننا واحد وأسره واحده ونقف ونساعد ونستحمل بعض فيه

مش عايزة اسمع كلمه انسحاب تانى ابدآ من اى حد هنا وألا

هرجع للغز تانى واى حد يقول الكلمه دى وربنا اغزه بأه هه بس

لالالالالا ياميرو انا مش معاكى فى الانسحاب انتى اخت غالية وعزيزة علينا واحنا بنحبك

مش معنى اننا مختلفين فى وجهات النظر يبقا نزعل من بعض لاطبعا احنا كلنا هنا عشرنا بعض وعرفنا بعض كويس

وبقينا بيت واحد واسرة واحدة ومينفعش نمشى واحنا زعلانين انتى ليكى وجهة نظر قوليها زى مانتى عايزة

محدش حيمنعك بس الانسحاب لا يامرمر احنا بنحبك ومنرضاش بدة ولو قولتى كدة تانى حرددددح زى هشوم ههههههههههههه

وعلى فكرة يامرمر محدش يغلط فيكى لانكم انسانة جميلة ورقيقة وربنا يعلم انا بحبك قد ايه

والا حصل بمصر ضايق ناس كتير معلش ازمة وحتعدى باذن الله متمشيش يامرمر اوعى تفكرى بدة ابداااا

تمشى فين يامرمر هو دخول الحمام زى خروجة طب متقوليش كدة

بجد ازعل منك والله متعرفيش غلاوتك عندنا ازاى انتى اخت غاليه علينا

وبعدين احنا اخواااااات الااخوات لما تتخانق مع مفيش ثانيه بيرجعو تانى لبعض

ياستى قولو الا انتى عايزة حتا لو طلبتى انك تخونقى انوس المنحوس هههههههههههههههههه

ندوش احنا محتاجين غزك اليومين دول فى ناس عايزة تتغز واولهم البت مرمر غزيها عشان

متمشيش هههههههههههههههههههههههههه مرمر دا منتداكى وبيتك ومينفعش انك تسيبيه

وديما منورنا يارب

يا سلام انتى تأمرى منوشه والله ده حتى انا من ساعه ما بطلت الغز وانا مكتئبه كده ونفسيتى سيئه جدآ وصحتى هفتانه

هههههههههههههههههههههههههههههههههههه هيا بس خليها تفكر كده تمشى وتشوف هيجرالها ايه

اولا :شكرا لكل من قام بالرد واللى معملش برضو رد شكرا له

ثانيا:يا هشام يا غالى انا مش بقول انى ماشية من المنتدى ولا

زعلانة عشان اختلاف الاراء طبعا لا لا لا لا لا لا لا

دة حق كل انسان فى الدنيا ومقدرش امنعه منه زى ما انا

كمان ليا الحق فى الرد ولانى مقتنعة ان اختلاف الراى لا يفسد

للود قضية بس اللى لاقيته غير كدة وحقول ليه بقول كدة

يا هشام انت فهمتنى غلط فهمت انى زعلانة من بسبس لا طبعا

احنا مهما اختلفنا عمرنا ما نزعل من بعض احنا اخوات بجد

مش كلام انا كنت بشكر بسبس عشان كلام قالته فى حقى فعلا ودافعت عنى وقالت الحق ودة هو كلامها للى ماشفش وعشان رامى مكانش متابع

رسالة من اختكم ميرو :: ارجو من الجميع قراتها ... 65467975

رسالة من اختكم ميرو :: ارجو من الجميع قراتها ... 65467975

بشكرها مرة تانية برضو

ولاننا بينا كل احترام حتى لو مختلفين فى وجهات النظر

عاوزة امشى بكرامتى

رسالة من اختكم ميرو :: ارجو من الجميع قراتها ... 57159234

وعشان بتكلم وخلاص وعشان بقول وجهة نظر بتضايق يبقى الافضل الانسحاب

ووصلت ان اللى قال كدة بيقول معلش للى عمل التوبيك واللى رديت فيه لما انا قولت وجهة نظرى

انا مفرضتش وجة نظرى انا رديت وقولت وجهة نظرى مش اكتر مادخلتش هاجمت

اللى عامل التوبيك

ولا قولتها متقولش وجهة نظرها دى حرية راى
رسالة من اختكم ميرو :: ارجو من الجميع قراتها ... 60832032

رسالة من اختكم ميرو :: ارجو من الجميع قراتها ... 60832032

واخيرا وف واحكمو بنفسكم لو انتو مكانى واتقال لكم الكلام دة

هيكون ايه رد فعلكم

رسالة من اختكم ميرو :: ارجو من الجميع قراتها ... 63763122

(ممكن كلامى يزعلك وخلينى باحترامى)

دة اعتبره تهديد ؟

طب وعلى ايه ايه بس اضايقكم خلينى بعيدة احسن ما توصل للكره

انا فقدت الاحترام ودى كانت احسن حاجة فينا زى ما قال عمو منعم

السلام عليكم

ايه يا جماعة في ايه هو كل واحد هيسمك على الثاني ذلة ولا ايه ؟؟

هو ده اللي قدرتو عليه ؟؟

خليكم فاكريين انكم مصريين ولاد بلد وحدة المفروض تبقو متماسكين وتخافو على بعض

ومش اي حد ليه رأي مخالف للثاني يبقا متعصب كل واحد ورأيو وكل واحد شايف

الثورة اللي قامت من وجهة نظرو بجد انا زعلانة من اللي بشوفو ده

بتمنى ما تشوفوش كلامي كمغربية لا انا مغربية بروح مصرية

تهمني مصر وتهموني انتم كاصحابي

ميرو عايزة اقولك حاجة انتي لو اختلفتي مع اي حد في الرأي ومشيتي وسيبتيه

هتخسري كده كل الناس اللي بيبحبوكي

كلمتي ليكم كلكم

منك لله يا حسني زعلت الاصدقاااء من بعضههااا امشي وريحمنا بأه علشان نرجع أجمل واحلي اصدقااء في الدنيا

اقولكم على حاجه بأه ميرووووو راجعه يعني راجعه لانها متقدرش تبعد عن اصحبها دووول كلهم

بجد

اشوووف فيك يوووم يا حسني وانت مخلووووع

هل هشوووفه ولا هكووون في المعتقل!!!!!!!!!!!!

ميروووووووو انا مش عارفه ايه اللى مزعلك بس ياستى متزعلش وحقك علينا

بس تعرفى اننا اكتشفت حاجه شوفى احنا بقلنا قد ايه بنطالب برحيل مبارك ومرحلش

وانتى من مجرد ارء مختلفه انسحبتى ميرو لو سمحتى لوبتبرعى بالدم ياريت تتبرعيلو هو محتاجه

فكك بقه ياميروووو على فكره انتى واحشتينى اوووى عوزه اشوفك فى الشات بقه لحسن نعمل

ميدان تحرير جديد ورامى يروح طردنا كلنا

بيبو انا بيتهيئلى ان الشعب هواللى هيرحل

ارجعى يا ميرووووووووووووووووووووووووووووووووووو

هئ هئ هئ هئ هئ

» ارجو من الجميع الدخول
» رسالة مهداة الى ابى#ارجو الدعاء لة بالرحمة
» قصة لو قراتها حصلت على كثير من الحسنات
» قراتها فاستحيت من نفسى امام ربى
» قالوا وقالوا ومصر تبهر الجميع