دعوة لكل أعضاء المنتدى الدخول لعودة الحلبنتيشى لقسمه من جديد

أعلن هشام الحلبنتيشى من فترة عن تركه لقسمه ولاشعاره

وأنه سينتقل الى اى قسم اخر

دعوة لكل أعضاء المنتدى الدخول لعودة الحلبنتيشى لقسمه من جديد Fsfss

لا أعرف ماذا أقول ولكنى اتمنى أن تعود

لذا بدعو أعضاء منتدانا بأن نكون يدا واحدة

وكل منا يقوم بكتابة كلمه لأخونا العزيز هشام نحمسه فيها

لأن يرجع من جديد بشعره الى قسمه

فيعز عليا أن ارى اشعاره بأى قسم اخر غير قسم الحلبنتيشى

فهو بمثابة مرجع لك وللجميع

فقسمك يناديك .. عود اليه ولا تجافيه

فهو يمثل لنا ولك الكثير والكثير

عود فنحن ننتظر منك المزيد

وساهديك بعض الكلمات كنت كتبتها من زمن بعيد

ولكن لك ان تعذرنى لانشغالى عن كتابة الجديد

فأنت تستحق الكثير وما كتبته لا يوفيك حقك أكيد

دعوة لكل أعضاء المنتدى الدخول لعودة الحلبنتيشى لقسمه من جديد 12ca3a1977e8a633556cd05

دعوة لكل أعضاء المنتدى الدخول لعودة الحلبنتيشى لقسمه من جديد 12ca3a1977e8a633556cd05

الحلبنتيشى الهمام

دعوة لكل أعضاء المنتدى الدخول لعودة الحلبنتيشى لقسمه من جديد Fsfsfsfs

أول حد شفته وفهمنى واتعرفت عليه

قربت منه بعد ما كنت قالبه عليه

لكنه عنيد وفضل ورايا لحد ما غيرت رأيى فيه

لقيته طيب وحنين وقلبه كبير

هــــــــــــــــشـــــــــــــــــــــــــام

كل ما تشوفه يقول عايز أكل وأنام

على طول تعبان من الشغل والتعامل مع الامريكان

أول ما تقوله محتاجلك يصحصحلك أوام

ويكون أجدع الجدعان

يسمعلك بانصات ولا عمره يخونك

ولا يطلع سرك لانسان

وفى الاخر يديك النصيحه التمام

اللى تخليك تنام فرحان ومرتاح البال كمان

صاحب صاحبه من يومه وأشجع الشجعان

بيقولوا عليه أخو البنات

واقف جنبهم .. وبيجيبلهم حقهم

من اى حد يزعلهم أو يطلع ندل أو جبان

وهى دى أخلاق الفرسان

لو عايز تشوفه مبسوط وفرحان

هاتله بنت من لبنان

يعاكسها ويغازلها مغازله الغزلان

ويقول فيها شعر أبو تمام

ما هو ده الحلبنتيشى شاعر منتدانا الهمام

كل يوم ينزلنا قصايد وشعر ويوميات

شعر سياسى ووطنى وكوميدى

وتراجيدى ورومانسى جنان

ويوميات حوكشه مع الفيران

بيخلينا نضحك من قلبنا ونقول الله عليك ياهشام

يــا أجـــــــمـــــــــــــل فـــــنـــــــــــــــان

ياللى مالك مثال فى هذا الزمان

بس ممكن بروح فيك اللومان

لو يوم قلتله ياهشام يابن الامريكان

لانه مصرى بن مصرى .. فلان بن فلان

شارب من النيل وواكل فول وطعميه وفجل وجرجيرمن بتوع عم حسان

هو ده الحلبنتيشى بن البلد الانسان

اتمنى ان تصل رسالتى ويصل صوتى للجميع

وأن تحقق الهدف المنشود من ورائها

اتمنى المشاركة من الجميع

هشااااااااااام فعلا صاحب صاحبه

وبيقف جنب الجميع وانا شخصيا وقف جنبى كتير

وياريت هشام يسمع و يوافق على الكلام

ربنا يخليه لينا ويرجع يكتب اشعارمن تانى فى قسمه

تسلمى يا مووووووووووووووجه وكلماتك جميله اوووووووووى

فعلا ياموجه عندك حق هشام ابن بلد بجد و بيحب كل الناس

واشعاره جميله جدا ياريت ياهشام متحرمناش منها مهما كانت اسبابك

احنا عاوزينك ترجع تنور قسم الحلبينتيشى من تانى ياريت تتراجع عن قرارك من اجل كل اللى

بيحبوك

تسلم ايدك موجه كلامك جميل جدا

هشام اولا انا مش مصدقة اللى انا شايفاه ده مش مصدقة

ان هشام اللى كله عزم وقوة وبيخلى كل واحد يائس عنده طاقة

انه يقف من جديد ويكمل بيقول جف قلمى انا بقى بقولك يمكن

لو كان امير الشعراء احمد شوقى جف قلمه انت لا يمكن ابدا ووالله

دا مش مجاملة بجد يا هشام لانك انت بتكتب عننا احنا عن نفسك

عن حاجات بنعشها وبتعشها وبما ان الحياة ما بتقفش وكل يوم فى حاجة

جديدة فاكيد كمان كل يوم انت هتكتب حاجة جديدة يمكن انت مضايق علشان

كدا مش قادر تكتب بس لازم تعرف ان قرارك دا مش ليك لواحدك لازم جمهورك

يوافقك عليه كمان ولا ايه يا هشومتى يلا يا هشام مستنية يومياتك الجديدة

وقصيدة حلوة كدا ليك اقراها او اسمعها واحملها على موبايلى واقعد استمتع

بيها يلا يا هشوم يا ابن بلد ى يا جامد محدش من المنصورة

يعتزل الفن وانا موجودة ابدا ههههههههههه

ايه الا انا شايفاة دة ياهشوم انا بجد مش مصدقة ولا احاول انى اصدق الا انا شايفاة

دة لانى مش حرضى بيه ولا حد مننا هنا يرضى بدة انت عمرك مكنت كدة

انت ديما قوى وعزيم مفيش حاجة ممكن تمنعك من انك تجفغ قلمك عن كتابتك للاشعار

هشوم انت بقيت مننا واحنا بقينا منك زمان كنت بتاخد قرار بنفسك لاننا مكناش عرفنا بعض هنا

لكن دلوقتى بقا ليك عيلة تانيةتشاركها الرائ واذا كنت انت موافق على كدة احنا مش حنرضى

بدة لاننا منقدرش نستغنى عن كتابتك لاشعارك ياهشوم ومش اشعارك بس يوميات الحلبنتشى

ويوميات المواطن الا ديما كنت متبعاها كل دة منقدرش نستغنى عنه ابدا هشوم انا بطلب منك

ومش انا بس كل الا فى المنتدى ترجع عن قرارك الا جيه مفاجاة دةالا محدش هنا حيرضى بيه

ولا حننزل ميدان التحرير ههههههههههههههههههه يمكن موجة قالت كل حاجة بجد عن شخصيتك

انت بجدابن بلد بجد وبتحب كل الناس وبجد انت ديما واقف جمبى ولما بحتاجلك بلقيك بتساعدنى

ياما وقفت جمبى وعمرك مقصرتش وديما كنت بتنصحنى ولما بكون مضايقة من شئ بلجالك

يمكن انا بقالى فترة مش بشوفك بالشات كنت عتبتك على القرار الغريب دة هشوم دة رجاء من كل اصحابك

الا بالمنتدى ارجحع نور قسم الحلبنتشى من تانى باشعارك ويومياتك وربنا يخليك لينا وللمنتدى يارب

ايه الكلام ده هشوم بجد انا مش مصدقه نفسى ان

ده هشوم اللى اخد القرار ده فين هشوم القوى ليه كدا دا انت بتقول

الشعر جميل ياريت ترجع تنور القسم الحلبنتيشى تانى انت بتقول الاشعار

جميله اوى والله اكيد احنا رافضين انك تسيب القسم بتاعك هشوم

و ربنا يخليك لينا وترجع تكتب اشعارمن تانى فى قسمك الحلبنتيشى

القرار ده مش بتاعك انت لوحدك هشوم بقى القرار كل اللى فى

المنتدى والشات و زى ما بيقولو هشوم دخول الحلبنتيشى مش

زى خروجه عاوز تحرمنا من اشعارك يوميات الحلبنتشى انت بجد والله

هشوم انت ونعمه الاخ ومش مجامله والله انت ا حلى اخ بجد ومحترم جدا

يا برنس الاشعار ولا وسبت القسم

بتاعك هشوم اخطفك وادبحك ههههههههههههههههههههه

وياريت ترجع تنور القسم الحلبنتيشى من تانى بجد هشششششوم

كلنا بنحبك وبنحب اشعارك ويوميات الحلبنتيشى

تسلم ايدك موجتى على كلامك الحلو اوى

هشام مش معقول الكلام ده الى انتى بتقوله

ارجع تانى ونور قسمك من جديد متخليش الفيس بوك ياخدك مننا احنا اصحابك من قبل الفيس

ارجع تانى باه ا هشام علشان خاطر ربنا مستنيين منك الجديد وفى اسرع وقت ممكن

هشام انا بحترم رايك رغم انى ضده

بس ده ميمنعش انى اشكر موجة عالتوبيك

لانه اتاح لنا فرصة نوجهلك كلامنا اللى طالع مالقلب

مش حتكلم عنك ولا عن شخصيتك لان الاخوة الاعضاء

تفضلوا مشكورين وقالوا كل حاجة ومسابوش حاجة وانت

انسان فاضل بلا شك

لكن حقولك حاجة واحدة انت من اساسيات المنتدى

والقسم بتاعك مينفعش حد يكون فيه غيرك محدش يقدر

يسد مكانك مهما حاول لان ده مترسب فى عقولنا احنا

وكمان مينفعش تمنع شعرك عننا فى المنتدى كده بنحس انه

عقاب قاسى لينا تحرمنا من حاجة حبيناها واتعودنا عليها ومش

مستعدين نتنازل عنها مهما حصل مش حتكلم كتير بس حقول

حاجة واحدة فكرة الانسحاب مش مقبولة وحنفضل دايما نستناك

تنور المنتدى وتمتعنا باشعارك اللى كلنا بنحبها لان المنتدى حته منك

ومحدش يتخلى عن حته منه ابدا مهما حصل

بليز ارجع يا هشام بليز

انا شفت الموضوع دا وطبعا زعلت جدا انك سبت القسم بتاعك بس دى حاجه

مش هينفع انك تتخلى عنها بالسهوله دى لازم ترجه تنور من تانى واحنا بجد بنشوف اشعارك

وبتوصل لقلوبنا على طول بلاشك لازم ترجع من تانى وتنزلنا من تانى اشعار كده كتيير

ارجع يا هشاااااااااااااااااااااااااااااااااااااااااااااااااااااااااااااااااااااااااااام

عملتيها يا موجاشي

الله يسامحك

اخواتي العزيزات الي فوق كلامي وفوق راسي

منتديات رامي دائما ولاده ودائما في المقدمه

ودائما ابدا يوجد بها من يحملون علي عاتقهم رفعه المنتدي وازدهاره

بفضل اخونا الحبيب رامي اطال الله بقائه ومتعه بالصحه والعافيه

لم اقول انني سا تنحي جانبا عن المنتدي او لن اكتب اي موضوعات به

لكل جواد كبوه ولكل بدايه نهايه

والتوقف في اللحظه المناسبه افضل بكثير جدا من الاستمرار

بدون فكر جديد او عمل يرضي الاخريين

فدعونا نقول انها حاله توقف واعاده حسابات لي

ولتعلموا جميعا

بحق من رفع السماء بلا عمد وبحق من جمعنا هنا بقدر معلوم

اني احبكم في الله ويصعب علي ان اترك مكاني هذا

وكم شعرت بوجودي بينكم ودقئ العيله التي حرمت منها بسبب غربتي

فكنتم نعم الاخوات والاخوه وعندما كنت اسارع في حل مشكله ما لاي اخت لي هنا

فليس تفضلا مني بل واجب وفرض عين مشاركتي لها

ونضع الحلول للمشكله وكم كنت سعيد لزوال المشكله

عذرا للجميع

عندما اشعر بالحنين للقسم والله بدون ادني شك سوف اعود له حبوا

فانتمائي لمننتدي رامي يعني لي الكثير والكثير

وسوف تجدوني بينكم دائما بالمنتدي والشات واعاهدكم بانني لن اغيب ابدا عن

هذا المكان الجميل

شكرا لكل من خط بقلمه بهذا الموضوع والشكر الجزيل لموجه الغاليه

علي هذا الشعر الاكثر من رائع

ودائما ابدا انتم الافضل

وشكرا لكم

Admin عدد الرسائل : 8186 تاريخ التسجيل : 04/11/2008

جبوره

دائمآ هذا هو منتداك .. دائمآ هذا هو قسمك .. ودائمآ هنا تكون كلماتك

تنير بها المنتدي .. وتزيد بها ترابطنا .. وتسعد بها عائلتنا الصغيره .. الكبيره بك .

ودائمآ أنت حاضر في قلوبنا وعقولنا .. حتي و إن بخلت علينا بأشعارك .

هشششششششششوم دا انسان طيب وزى السكر انا متعاملتش معاااااه بس فين ناس من غير ما تتكلم معاها تحس انك تعرفها من زماااااااااان

تسلمى موجتىىىىىىىىىىى

» إلى كل أخوتى وأخواتى أعضاء المنتدى ..
» إلى كل أعضاء المنتدى .. هذه تهنئتى بطريقتى ....
» سجل إعجابك بعضو من أعضاء المنتدى ؟؟؟...
» انتبهوا المنتدى مراقب ......!!الرجاء الدخول والتاكد
» لكم أعضاء المنتدى مع خالص الاحترام..لمن منهجه كتاب الله وسنته