فيديو راكبي الخيول بموقعه الجمل يقولون الجيش كان معانا ورد المجلس العسكري

Admin عدد الرسائل : 8186 تاريخ التسجيل : 04/11/2008

راكبي خيول موقعه الجمل اثناء عودتهم بالفيديو يقولون الجيش كان معانا

ويضرب تعظيم سلام ( التحيه العسكريه ال تمام ) لأمين شرطه اثناء مرورهم عليه

قيادي بالمجلس العسكري ردا على فيديو الخيول:

طنطاوي اتصل بالرئاسة يوم موقعة الجمل مطالبا بإنهائها فورا

المشير قال للرئاسة: ايه التهريج اللي بيحصل ده ولو ليكوا يد ف الموضوع ينتهي فورا

نزلتلكم الفيدوهين وشوفوا واسمعوا بنفسكم

فيديو راكبي الخيول

فيديو رد عضو المجلس العسكري علي الفيديو

وتصريح بسر خطير لأول مره يذاع

مشكور أجمل رامى لحصرياتك ومفاجآتك الرائعة ..

والله رامى أنا عن نفسى وبصفة خاصة ومن وجهة نظر شخصية بحتة أشعر أن الفيديو الأول مفبرك ..
ومن قام بتصويره شخص مدسوس يريد الوقيعة بين الشعب والجيش ..

والخيّالين دول ناس تفكيرهم على قدهم .. وممكن اللى فهمهم قال لهم إن الجيش معانا وهم صدّقوا .. مش محتمل برضه ؟؟؟

ولكنى كلى ثقة فى وطنية رجال الجيش ثقة بلا حدود وخوفهم على مصر .. ولو كان فيه تواطؤ كانوا خلّصوا الليلة من يومها .. وأظن كلنا شوفنا حيادهم ونزاهتهم من أول يوم نزلوا فيه البلد ..

الشكر العظيم لك رامى ..

اتفق معاك ياستاذ عبد المنعم بس المشير الطنطاوى لايصلح لحكم مصر

الجيش كويس جدا ودة شفنا الفترة الاخيرة دى بس ميصلحش لحكم مصر لانه

مش بيحسم الامور معندهوش القدرة على اتخاذ قرار ويتحمل عواقبه من المصريين

انا اتمنى يكون حاكم مصر الجديد جدير بالمهام ويتحلى بالامانة

تسلم رامو على التوبك والفيديوهات

وانا اتفق مع رانا لا يصلح الجيش لحكم مصر مع احترامنا وتقديرنا لموقفه فى تاييده للثوره ولكن انا احبذ فكرة المجلس الرئاسى المدنى لحين اجراء انتخابات

Admin عدد الرسائل : 8186 تاريخ التسجيل : 04/11/2008

مشكورين مروركم جميعآ أولآ

وثانيآ اخي منعم اؤيدك في كل كلامك و أنا عن نفسي كلي ثقه في جيش مصر

وكلامك صحيح بالطبع و كما ذكرت لو كان للجيش مآرب أخري لكان انهي الليله .

و لكني ايضآ اؤيد كلام رانا وكلام rmmtk89

الجيش ليس مهيئآ لأداره بلده مدنيه وهذا ليس عمله وظهر تخبطه واضحآ

ولهذا أنا شخصيآ صوت بنعم للتعديلات الدستوريه حتي أنهي فتره امساكه

لحكم البلاد في اقرب وقت ممكن .

ولا أؤيد علي الأطلاق أي تشكيك بالجيش المصري الذي تحسب له وقفته

ويكتب له التاريخ بحروف من ذهب اجبار مبارك علي التنحي وسيظهر هذا

فيما بعد ان شاء الله

لكني أيضآ اري انه يخضغ لضغوط من قوي دوليه وعربيه ولا يتخذ قراراته

إلا تحت ضغط الشباب في التحرير وهذا كان واضحآ جدآ في كل القرارت التي

اتخذت خاصه قرارت تغيير المحافظين وقرارت تحويل الفاسدين السابقين

والمسؤلين للمحاكمات .. ولذا أنا اؤيد وقفه الغد في التحرير لتنفيذ مطالب

شباب الثوره بتصحيح مسار محاكمه مبارك والذي فاجآنا وان كان مفاجئته

متوقعه كعادته قبل كل اعتصام او تظاهره بتنفيذ طلبات المصريين بتحويل

مبارك للجنائيه.

تسلم رامي على هالاخبار الحصريه ويعطيك الف عافيه

ويارب ينصركم ويختار لكم الي فيه الخير للبلد وليكم I love you

تسلم رامى على الفديهوات بس اعتقد انهم فعلا ممكن يكونوا متفبركين

وبصراحه الجيش وقف مع الشعب كتير بس برده راى من رايهم المفروض

يحكمنا شخص اخر والجيش يرجع يركز اهتمامه فى حمايه البلد

بصراحة انا بقيت اتوقع كل حاجة

بس اللى انا متاكدة منه ان الفيديو مفبرك

وانا بثق فى جيشنا المحترم وانشالله اللى

جاى احسن من اللى فات

ميرسى رامو عالتوبيك

والله كل حاجه بدات اشك فيها....... حتي الجيش

Admin عدد الرسائل : 8186 تاريخ التسجيل : 04/11/2008

الجيش بيخضع لضغوط رهيبه كلنا نعرفها و شاعرين بيها وعلشان كده فيه بكره ان شاء الله

مظاهره لعمل ضغط مضاد

والفيديو مش مفرك والا كان من باب اولي اللي يقول كده عضو المجلس العسكري

يسلملي مروكم جميعآ

معاك حق يارامى والله

انا ابتديت اشك فى كل حاجه كانك كنت شايف ايه اللى هيحصل

المفروض نعمل ايه دلوقتى بجد حاجه تقلق اوى

بالشكل ده هنرجع للى كنا فيه وزى ما بيقولوا " كانك ياابو زيد ما غزيت "

انا مع التحرير للنهايه وياريت ميراجعوش لحد ما تتحقق مطالبنا

والله لو كان بايدى لكنت نزلت وسطيهم انا معاهم بدعايا وربنا يثبتهم

» المجلس العسكري ينفي السماح لرجال الجيش والشرطة بالتصويت في الانتخابات
» رد المجلس العسكري المصري علي قضيه محاكمه المدون مايكل نبيل فيديو
» نص أعتذار المجلس العسكري للمتظاهرين بالصوره
» المجلس العسكري: ما حدث في التحرير «خطة» للوقيعة بين الشرطة والشعب
» مظاهرات بالحسين وأمام المنصة لتأييد المجلس العسكري ..