هى: بعباية طويلة وطرحة ملونة جميلة ووجه برىء مبتسم دائما..و.ماسكة كمية كتب مهوله
فاتت ........كتبها وقعت ...حاول يلمهلها ...(انتو عارفين الشباب المصري خدوم اد ايه بس مع البنات وبس )
هى:متشكره اوى (ووشها احمرمن كتر الكسفة يا عينى)
لاول مره يرفع عينه ويشوفها
هو:لا عادي ولا يهمك(فى اسبهلال)
تمشى ونظراته مش قادره تفارقها
هو:مش ممكن البراءة دي (فى سره)
يعود لاصدقاءه
هو:ياااااه ..مين دي ؟انا اول مره اشوف البنت دي...هى سنه كام؟
صحابه الفشله:دي معانا يابرنس .بس سيبك خنيقة مووووت..اصلها من النوع الدحيح ..اللى بيحضر ووجع الدماغ ده ...يا شيخ دي بت معقده...وصاحبه قاعد يتكلم ويتكلم وصاحبنا ولا هو هنا
.لاول مره فى حياته يحس بحاجه .احساس بالامان ...العودة للوطن...حضن امى...احساس حلو اوى....
هوفى سره)هى رايحه فين؟نظراته بتراقبها؟.....المسجد!!!!
احساس دخيل لاول مرة يشعر بيه...انا عمري ما دخلت مسجد الكليه ولا اعرف شكله...ده انا بصلى الجمعة بزن امى
مستنيها(فاضى بقى ) وعمال يقول لنفسه دى جميله اوى وبريئه اوى وفيه نور جميل اوى كله دفا وامان طالع من وشها دى اكيد ملاك دى .انا وقفت وكلمت وخرجت مع احلى منها بكتير بس عمرى محسيت الاحساس الجميل ده .لا انا لازم اكلمها
هو:لو سمحتى ممكن كلمة
هى :فى حاجه حضرتك؟
هو:بس كنت عاوز اعرف اسمك
تمشى (فى سرها ده عبيط ده ولا ايه؟)
اتكررت محاولات اخينا مليون مرةوطبعا دون جدوي
الموضوع ف الاول كان تحدي واثبات لنفسه ان الكبير كبير وعاوز يكلمها باي طريقة.ايوة اشمعنه دي ..دي كل البنات هتموت لو اشارة منو
لكن كل المحاولات فشلت
بس هو كان مش موضوع تحدي كان حب ...ايوة حب ..بس حب جميل اوى ..نضيف اوى...برىء اوى
...قال خلاص مبدهاش انا هدخلها من طريق تانى!!!الجواز!!
هو:لو سمحتى انا معجب بيكى...وعاوز اتقدم ليكى
هى:تتقدم لى !!!انا اسفه مينفعش
هو باستغراب شديد:انتى مرتبطة ؟
هى:لا بس انا عاوزه ارتبط بشخص ملتزم مش فاشل وصايع وعايش لسا دور مراهقه مع اى بنت بيشوفها.....ومشت
وكانت الجملة دي اكبر صدمه سمعها فى حياته
حس احساس رهيب ولاول مرة يسمع الكلمه دي ويفكر فيها ....
بيبص للبسه!
لشكله!
لعلبة السجاير و(واخواتهاا) اللى فى ايده!
لموبايله اللى مليان تليفونات بنات ومسجات وبلاوى سوده.
ويمر شريط حياته لاول مره امام عينيه ....يااااااااه انا فاشل اوى كده...ياه انا بشع كده
انا استاهل انها ترفضنى.!.. يبص لحياته لاول مرةو يفهم يعنى ايه كلمة ملتزم...
الله اكبر ...الله اكبر.....(اذان العصر )لاول مرة ياخد باله من الاذان
شافها داخله مسجد البنات....
بلا شعور لقى نفسه فى المسجد.....بس انا مش متوضى !...راح واتوضى
وعيط ...ايوة قعد يعيط وهو بيتوضى ويقول مستحيل ربنا يسامحنى ده ولا كل الميه تنضفنى انا والذنوب اللى عملتها
سمع هاتف..وأيه كان بيقراها وهو صغير (قل يا عبادي الذين اسرفوا على انفسهم لا تقنطوا من رحمة الله.ان الله يغفر الذنوب جميعا.انه هو الغفور الرحيم) زاد عياطه وصوته بيقول
يااااااااااااااااارب يااااااااااااااارب انا نفسى اكون كويس وادخل جنتك فى الدنيا والاخرة
صللى وعيط فى خشوعه وركوعه وسجوده...بعد ما خلص مخرجش ...قعد يناجى ربنا شويه ويدعى ...وخرج
عارفين احساسه كان عامل ازاي؟ ماحدش يقدر يوصفه ؟ رجع تانى بنى ادم ربانى رجع تانى لقلبه رجع تانى ضميره رجع لكل حاجه حلوة كانت ضايعه منو فى ايام الضياع !!
صحابه:............ايه يابرنس كنت فين قالبين الدنيا عليك موبيلك مقفول ..ايه كنت فين؟
مسمعهمش ..مشى فى طريقه ..مش شايف حد ادامه ..مش شايف غير طريق نور ركب عربيته وصل بيته اول مدخل باس ايد امه وقالها سامحينى على تهزيقى ليكى كل يوم وزعيقى ليكى كل متديلى نصيحه
دخل اوضته قطع الصور ...نضف الكومبيوتر...رمى شريحته...نضف حياته ...مسك قلم وورقة وقال
انا بنى ادم جديد
انا بقيت نضيف
غاب عن جامعته شهر.... بيعيد نظام حياته يصلح علاقاته بيحب اهله ويحب مامته وباباه وبحب اخواته اللى دايما كان بعيد عنهم وبدا يكون حنين عليهم ويتكلم معاهم فى احوالهم ومشاكلهم ولاول مره بيتكلم بجد راجل بجد مش عيل مراهق
ياااااااااه انا اخواتى بيحبونى اوى كده ده انا كنت وحش اوى اما سبتهم وصاحبت شوية اصحاب فشلة ضيعونى ونسونى الاخره وخلو كل همى حب الدنيا وشهواتها .....وامه بالدعاوى ماشيه وراه ونفسيته بتستريح اكتر واكتر ووشه بقى مليان نور وسعاده وراحه
نزل راح الجامعه ..... اصحابه اتصدموا من شكلوا...صلح حاجات كتيييييييير معاهم...بعد عنهم .....
شاااافها!!!
..اتغير لونها وبريق عنيها اول ماشافته وابتسمت ليه ابتسامه جميله اوى خليته يدمع ويحس لاول مرة انه راجل بجد يستاهل انه يتزوج زوجه مؤدبه ومتدينه تحافظ عليه وعلى بيته....
هو طبعا مش مصدق نفسه..ولا هى مصدقه شكله ولاعلامة الصلاه والنور اللى بقت فى وشه!!
قالها :لسه مينفعش اجى اتقدم لحضرتك ؟
قالتله:رقم تليفون بابا .........010 واعتبر انه باذن الله موافق
[img]
[/img]
الثلاثاء 24 أغسطس 2010 - 14:29
