فتة العيد بالطريقة المصرية ..

كل سنة وانتم طيبين ..

محدش يستغرب إن فيه راجل دخل المطبخ وهايقدم طبق .. أصل ده مش أى طبق .. ده طبق فتة .. والفتة سهلة
وأحيانا بتبقى تخصص رجالى كمان .. زيها زى طبق السلطة الخضرا قبل المدفع مباشرة فى رمضان ..
المهم نخش فى الطبق .. قصدى نخش فى الموضوع ..

بصوا يا جماعة .. الفته ممكن تكون باللحمه .. بالكوارع .. المهم من كل ده الشوربة

حنعمل اسهل شيئ وهى فته اللحمه أوكى ..

[ندعوك للتسجيل في المنتدى أو التعريف بنفسك لمعاينة هذه الصورة]

المقادير : ( وتكفى لـ 5 أفراد )

كيلو لحم مسلوق (يفضل لحم الغنم) ـ 2 كوب رز مصرى ـ 3 رغيف بلدى أسمر ـ شوربة لحم ضان ـ عصير 3 ثمرات طماطم ـ 1 معلقة كبيرة صلصة طماطم ـ راس ثوم متوسطة ـ 2 ملعقة كبيرة خل ـ سمن لتسوية الرز ـ 2 ملعقة كبيرة زيت للصلصة ..

حد هايسألنى نسلق اللحمه إزاى بقى ....؟؟؟؟؟؟

نجيب اللحمه ونجيب ميه مغليه فيها ملح وفلفل وبصله (بحالها) وحبهان وورق لورو ونحط اللحمه (بعد الميه ما تغلى ونسيبها لحد متستوى (كل شويه تشوف الريمه اللى بتتكون وتشيلها لانها بتخلى اللحمه مش حلوة

سلقنا اللحمه دى أول خطوة

تانى خطوة تعمل رز مصرى عادى بس من غير شعريه (ابيض ) لو مش عارف ازاى قولى

تالت خطوه نجيب عيش بلدى ونحمصه فى الفرن شويه لحد ما ينشف

دلوقتى الرز جاهز والشوربه والعيش ازاى بقى نحطهم على بعض شوفوا يا غاليين

تجيب بايريكس أو صينية و أول راق تحت نحط العيش البلدى (بعد ما تكسره) وتجيب شويه شوربه ونحطها عليه علشان يطرى بس مش كتير يادووووب تغطيه وبعدين تجيب الرز الابيض وتغطى بيه العيش كله وبعدين تجيب شوربه تانى وتحط عالرز علشان برده يتشرب

كده اهم شيئ اتعمل ناقص التقليه بتاعت التوم والخل ودى بسيطه خالص

حنجيب راس توم وتتقشر وتتفرم وسمنة ونحمرها فيها بس مش لحد ماللون يغمق خالص وبعدين نضيف قد تلت كوب خل او اقل حسب الكمية اللى حتعملها وتطفى عليه ..

ملحوظه : بلاش نوصل التوم والخل للغليان لان ده بيمرر الخل يبقى الافضل نطفى النار ثم نضيف الخل اوكى

وبعد كده بشويه شوربه تانين تحط على التوم والخل وتوزعه على كل الصينيه عشان الطعم يكون واحد ليها كلها

طريقة عمل الصلصة :

- تُوضع نصف كمية الثوم المُحمر في مقلاة على نار متوسطة، وتُضاف صلصة الطماطم والخل والمرق ويُتبل بالملح والفلفل مع التقليب الجيد ويُترك حتى يبدأ الخليط في الغليان.
ـ تُخفف الحرارة ويُترك لمدة 10 دقائق حتى تتركز الصلصة.

اما اللحمه يا تحمرها بره بسمن عادى او تحطها على وش صينيه القته وتدخلها قد 10 دقايق الفرن مش اكتر وتطلع تاكلها وبالف هنا وشفا ..

مع أطيب تحيات الشيف عبده ...

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههه تسلم ايدك عمو منعم اقصد الشيف اكيد الاكله حلوه علشان من حضرتك

انا اه مش باكل بس بحب اتفرج هههههههههههههههههههه و كل سنه و حضرتك طيب

Admin عدد الرسائل : 8186 تاريخ التسجيل : 04/11/2008

عسل يامنعم و انت بمريله ا لمطبخ واكيد اكيد حيطلع من ايدك اكل لذيذ مثلك

تسلم يا غالي وكل عام وانتم بخير

تعالي يارنا شوفي الفته علي اصولها هههههههههههههه

كل سنه وانتي طيبه رنوش ومنتظرين اكلات العيد كمان من ايديكي

حلوة عبودى وكل سنه وانت طيب بجد انت امتياز مع مرتب الشرف فى كل توبكاتك

وكل سنه وانتمم طيبيييييييييييييييين

أنا متأكد إن اللى بيعمل صنف مابيعرفش ياكل منه .. لأنه بيشبع فقط من تجهيزه .. بس عندى فكرة ..

انتى تدبسى سمسمة فى تجهيزه عشان تعرفى تاكلى .. ولا أقولك .. لأ .. حرام .. سمسمة طيوبة ..

انتم تدبسوا أحمد .. وجهزوا لنتم السفرة ..

كل سنة وانتم طيبين .. ومطرح مايسرى يمرى ..

شكراً سهام لمرورك على مطبخى ..

كل سنة وانت طيب ياحلى عمووو ربنا يديك الصحة ويديمك فووووق راسنا ومنتحرم ابدا منك والعام الجاااااااااى تكون على عرفاااااااااااااااااااااات

وتسلم ايدييييييك الحلووووووووووووووووين

كل سنة وانت طيب رامو ..

ياريت المسألة وقفت على المريلة وبس .. ده فيها كمان جوانتى أبيض .. آل يعنى رايح أعمل عملية لوز ..

بس أيه رأيك فى الفتة .. سمينة شوية مش كدة .. معلش .. ظبط انت المسائل بواحد سفن آب ..

ألف هنا وشفا ياغالى على قلبك ..

عقبال ماتعزمنا عليها السنة الجاية إن شاء الله .. تدبيسة ..؟؟ مش كدة ..

كل سنة وانت طيب رامو ....

مرتبة الشرف لى هى تواجدك ومشاركتك أغلى منة ..

كل سنة وانتى طيبة منوش .. وألف هنا وشفا .. النهاردة مفيش دايت

كل سنة وانتى طيبة أغلى سندريللا ..

ويارب عيد سعيد عليكى والأسرة بكل خير وسعادة ..

ها .. عجبتك الفتة الرجالى ..؟؟؟؟ ألف هنا وشفا .. بون ابيتى ...

تسلم ايداك يا عمووووووووووووو

الفته تحقه انا طيبه ربنا يخليك

تسلم يا عموووووووووووووو بارك الله فيك

كل عام و انت بخير يارب

كل سنة وانت طيب عمو

تسلم على الاكلة الحلوة دى

[ندعوك للتسجيل في المنتدى أو التعريف بنفسك لمعاينة هذه الصورة]

احلى فتة من ايد الشيف عبودى تسلم ايدك عبودى سبقتنى هههههههههههههههه

كل سنة وانت طيب عبودى وينعاد عليك العيد بالخير يارب

كل سنة وانت طيب يارامو وينعاد عليك الخير بالخير يارب

اكلات العيد عبودى سبقنى وعمل الفتة انا بقا يارامو نفسى اعملك الكرشة ليك انت مخصوص ههههههههه

ههههههههههههههههههههههههههههههههههههههههههههههههههههههه

كل سنة وانتى طيبة سمسمة ..

شهادة أعتز بيها إن الفتة عجبتك .. ألف هنا وشفا ..

وأشكرك لمرورك على مطبخى ..

كل سنة وانتى طيبة شيرى ..

بالهنا والشفا ..

يكفينى فخراً إن الشيف رانا عجبها الفتة بتاعتى ..

صدقينى لو نسقنا مع بعض كنا عملنا أحلى فتة وعزمنا عليها المنتدى كله ..

اللحمة كتير .. تكفى كل الحبايب وتزيد ..

كل سنة وانتى طيبة رانا .. السنة الجاية تعمليها فى بيتك .. بإذن الله ..

» شرائح السمك المشوي بالطريقة العراقية
» طريقه عمل دجاج مشوي بالطريقة التركية
» العاشورة المصرية
» طريقة عمل بسكوت العيد كل سنة وانتم طيبيبن
» كحك العيد كل سنة وانتم طيبيبن